TI CANTA NI SALOMON 2

Tuloy ti naayat a panagsarsarita ti novio ken novia.

1Maysaac a #Isa. 35:1.rosa ti Saron, maysa a lirio dagiti tanap.

2Cas maysa a lirio iti tengnga dagiti sisiit, casta ni ayatco iti tengnga dagiti annac a babbai.

3Cas ti manzanas iti tengnga dagiti caycayo ti bakir, casta ni ayayatec iti tengnga dagiti annac a lallaki. Nagtugawac a sirarag-o iti baba ti linongna, #Apoc. 22:2.ket ti bungana nasam-it idi iti panagnanamco.

4Isu inyegnac iti balay a pagdadayaan, ket ti wagaywayna caniac isu idi ti ayat.

5Taraonandac cadagiti pasas, palamiisandac cadagiti manzanas, ta agsakitac a gapu iti ayat.

6Ti imana a catigid #C. ni Sal. 8:3.adda iti baba ti oloc, ket ti imana a canawan aracupennac.

7Pagsapataencayo, #C. ni Sal. 1:5.O annac a babbai ti Jerusalem, gapu cadagiti corzo, wenno gapu cadagiti ugsa ti away, a dicayo tignayen, wenno riingen ni ayayatec, agingga iti pagayatanna.

8Ti timec ni ayayatec! adtoy, isu sumungad, nga aglaylayaw cadagiti banbantay, nga aglaglagto cadagiti caturturodan.

9Ni ayayatec #bil. 17. C. ni Sal. 8:14.umasping iti maysa a corzo wenno iti bumaro nga ugsa: adtoy, agtactacder iti licudan ti didingtayo; isu cumita cadagiti tawa; isu sumirip iti rejas.

10Ni ayayatec nagsao, ket kinunana caniac, #bil. 13.tumacderca, ayatco, imnasco, ket umayca.

11Ta, adtoy, ti lam-ec limmabasen; ti tudo nalpas ket napanen;

12Dagiti sabsabong agparangda iti daga; ti pannawen ti panagcanta dagiti tumatayab dimtengen, ket ti timec ti #Sal. 74:19. Jer. 8:7.calapati mangngeg iti dagatayo;

13Ti cayo nga higos luomenna dagiti naganus nga higos, ket dagiti uvas #bil. 15. C. ni Sal. 7:12.agsabongdan; isuda itdenda ti sayamusomda. #bil. 10.Tumacderca, ayayatec, imnasco, ket umayca.

14O calapatic, nga adda cadagiti rengngat ti bato, idiay suppoc ti naderraas a disso, iparangmo caniac ta langam, #C. ni Sal. 8:14.ipangngegmo caniac ta timecmo; ta nasam-it ta timecmo, ket naimnas ta rupam.

15Itiliwandacami cadagiti zorra, dagiti babassit a zorra, a mangsiba cadagiti cauvuvasan; ta dagiti cauvuvasanta agsabongdan.

16Ni ayayatec cucuac #C. ni Sal. 6:3; 7:10.ket cucuanac: isu #C. ni Sal. 4:5.ipaarabna ti arbanna iti baet dagiti lirio.

17Agingga iti lumamiis ti aldaw, #C. ni Sal. 4:6.ket mapucaw dagiti aniniwan, sumublica, ayayatec, ket #bil. 9. C. ni Sal. 8:14.umaspingca iti maysa a corzo wenno maysa nga urbon nga ugsa iti rabaw dagiti banbantay ti Beter.

Currently Selected:

TI CANTA NI SALOMON 2: TB1973

Highlight

Copy