MIKIAS 4
4
Dagiti maudi nga al-aldaw a natalna.
1Ngem #Isa. 2:2-4.cadagiti maud-udi nga al-aldaw maaramidto, a ti bantay ti balay ni Jehova maipasdecto iti toctoc dagiti banbantay, ket isu maitan-octo iti tapaw dagiti turturod; ket dagiti il-ili agayusdanto kencuana.
2Ket adu a nacion mapandanto a cunaenda, Umaycayo, ket umulitayo iti bantay ni Jehova, ken iti balay ti Dios ni Jacob; ket isuronatayto cadagiti dalanna, ket magnatayto cadagiti danana. Ta idiay Sion rumuarto ti linteg, ken ti sao ni Jehova nga aggapu iti Jerusalem;
3 #
Sal. 110:6. Ket isu mangocomto iti tengnga dagiti adu nga il-ili, ket ikeddengnanto ti maipanggep cadagiti nabileg a nasnacion iti adayu: ket pitpitendanto dagiti campilanda a tadtadem ti arado, ken dagiti gayangda a comcompay a pagpucan; ti nacion saannanto nga ilayat ti campilan a maibusor iti sabali a nacion, ket didanto met sursuruenen ti gubat.
4Ngem agtugawdanto #1 Ar. 4:25. Zac. 3:10.tunggal maysa a tao iti siroc ti cayona nga uvas ken iti siroc ti cayona nga higos; ket awanto ti mangpabuteng cadacuada: #Isa. 1:20.ta ti ngiwat ni Jehova dagiti buybuyot sinaona.
5Ta amin dagiti il-ili magnada tunggal maysa iti nagan ti diosna; ket #Zac. 10:12.magnatayto iti nagan ni Jehova a Diostayo iti agnanayon nga awan inggana.
6Iti dayta nga aldaw, cuna ni Jehova, #Sof. 3:19.tiptiponecto dagidiay pilay, ken urnongecto dagidiay napagtalaw, ken dagidiay pinaglidayco;
7Ket pagbalinecto daydi pilay a tidda, ken daydi naibelleng iti adayu maysa a nabileg a nacion; ket ni Jehova #Isa. 24:6. Luc. 1:33.agturayto cadacuada idiay bantay Sion manipud ita agingga iti agnanayon.
8Ket sica, O torre ti arban, turod ti anac a babai ti Sion, kenca umayto, wen, ti immuna a pagturayan umayto, ti pagarian ti anac a babai ti Jerusalem.
9Ita apay nga agriawca iti natbag? #Jer. 8:9.Awan aya ti ari kenca, natay aya ti mammalacad, a dagiti ut-ut #Isa. 13:8. Jer. 6:24.immay kenca a cas iti babai nga agpasical?
10Agtuocca, ken agrigatca a mangipasngay, O anac a babai ti Sion, a cas babai nga agpasical; ta ita rumuarcanto iti ili, ket agnaedcanto iti away, ket #Isa. 39:6, 7.dumtengcanto agingga met laeng iti Babilonia: idiay maispalcanto; #Isa. 44:22, 23.idiay subbotennacanto ni Jehova iti ima dagiti cabusormo.
11Ket ita adu a nacion #Zac. 12:3.nagtitiponda a bumusor kenca, nga agcuna, Isu matulawan coma, ket ti matatayo makitana coma ti tarigagaytayo #Ab. 12. Mik. 7:10.iti Sion.
12Ngem saanda nga ammo dagiti panpanunot ni Jehova, ket dida met maawatan ti balacadna; ta inurnongna #Mat. 3:12.ida cas cadagiti pinongo iti pagtaltagan.
13Bumangonca, ket agtaltagca, O anac a babai ti Sion; ta aramidec ti #Amos 6:18.saram a landoc, ket aramidec dagiti cucom a gambang; ket pisangpisangemto ti adu nga il-ili: ket #Lev. 27:28. Deut. 7:26.idatonconto ti samsamda ken Jehova, ket ti #Sal. 97:5.sanicuada iti Apo ti amin a lubong.
Currently Selected:
MIKIAS 4: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
