Popular Bible Verses from MIKIAS 4

Share

Ta amin dagiti il-ili magnada tunggal maysa iti nagan ti diosna; ket magnatayto iti nagan ni Jehova a Diostayo iti agnanayon nga awan inggana.

Ket adu a nacion mapandanto a cunaenda, Umaycayo, ket umulitayo iti bantay ni Jehova, ken iti balay ti Dios ni Jacob; ket isuronatayto cadagiti dalanna, ket magnatayto cadagiti danana. Ta idiay Sion rumuarto ti linteg, ken ti sao ni Jehova nga aggapu iti Jerusalem

Ngem cadagiti maud-udi nga al-aldaw maaramidto, a ti bantay ti balay ni Jehova maipasdecto iti toctoc dagiti banbantay, ket isu maitan-octo iti tapaw dagiti turturod; ket dagiti il-ili agayusdanto kencuana.

Ket isu mangocomto iti tengnga dagiti adu nga il-ili, ket ikeddengnanto ti maipanggep cadagiti nabileg a nasnacion iti adayu: ket pitpitendanto dagiti campilanda a tadtadem ti arado, ken dagiti gayangda a comcompay a pagpucan; ti nacion saannanto nga ilayat ti campilan a maibusor iti sabali a nacion, ket didanto met sursuruenen ti gubat.