Popular Bible Verses from MIKIAS 3

Share

Ngem no maipapan caniac, napnoac iti pannacabalin babaen ti Espiritu ni Jehova, ken panangocom, ken bileg, a mangipalawag ken Jacob iti salungasingna, ken iti Israel iti basolna.

Dagiti pangulona mangocomda gapu iti gunguna, ket dagiti papadina mangisuroda gapu iti tangdan, ket dagiti mammadtona agipadlesda maipuon iti pirac; ket nupay casta agsanggirda ken Jehova, a cunada, Awan aya ni Jehova iti nagtengngaantayo? awan ti dakes nga umayto cadatayo.

Iti casta umawagdanto ken Jehova, ngem saannanto a sungbatan ida; wen, ilingednanto ti rupana cadacuada iti dayta a pannawen, a cas mayanatup iti panagaramidda iti dakes cadagiti gapuananda.