MATEO 9
9
Ti saan a macagunay a taga Capernaum.
1 #
Mar. 5:21. Luc. 8:40. Ket simrec ni Jesus iti barangay, bimmal-lasiw ket #Mat. 4:13.simrec iti ilina.
2Ket adtoy, #Mar. 2:3-12. Luc. 5:18-26.inyegda kencuana ti maysa a di macagunay a naidalit iti pagiddaan: ket idi a #bil. 22, 28, 29. Mat. 15:28. Mar. 10:52. Luc. 7:9, 50.makita ni Jesus ti pammatida, kinunana idi saan a macagunay: Manginanamaca, anac; dagiti basbasolmo mapacawanda.
3Ket adtoy, dadduma cadagiti escriba kinunada iti nakemda: Daytoy a tao agtabbaaw.
4Ket idinto nga #Mat. 12:25; 22:18. Juan 2:24, 25; 16:19.ammo ni Jesus dagiti panunutda, kinunana: Apay-apay agpanunutcay ti dakes cadagiti puspusoyo?
5Ta. Ania ti nalaclaca, ti panagcuna: Dagiti basbasolmo mapacawanda, wenno ti panagcuna: Tumacderca ket magnaca?
6Ngem tapno maammoanyo a ti Anac ti tao adda pannacabalinna ditoy daga a mamacawan cadagiti basbasol, (idin cunana iti saan a macagunay:) Bumangonca, alaem ta iddam, ket inca idiay balaymo.
7Ket isu bimmangon ket napan iti balayna.
8Ket dagiti adu a tao, idi nakitada daytoy, nagbutengda ket dinaydayawda ti Dios a nangted ti castoy a pannacabalin cadagiti tao.
Pannacaawis ni Mateo.
9 # Aginga bil. 13. Mar. 2:14-17. Luc. 5:27-32. Ket idi pimmanaw ni Jesus sadiay, nakitana ti maysa a tao managan ti Mateo, nga adda a situtugaw iti pagsingiran ti buis, ket kunana kencuana: Surutennac. Ket timmacder ket simmurot kencuana.
10Ket napasamac nga idi adda a situtugaw iti panganan idiay balay, adtoy dagiti #Luc. 15:1.adu nga agsingsingir ti buis ken managbasol, immayda, ket nakisangoda ken Jesus agraman cadagiti adalanna.
11Ket dagiti Fariseo, idi nakitada daytoy, kinunada cadagiti adalanna: Apayapay makipangan ti manursuro cadacayo cadagiti #Mat. 11:19. Luc. 15:2.agsingsingir ti buis ken cadagiti managbasol?
12Ngem idi nangngegna daytoy, kinunana: Dagiti nacaradcad awan ti pacasapulanda iti mangngagas, no di dagiti masakit.
13Ngem incayo, ngarud, ket adalenyo no ania ti cayatna a saoen daytoy #Os. 6:6.Asi ti calicagumac ket saan a daton; ta saanac nga immay nga agayab cadagiti nalinteg, no di ket cadagiti managbasol.
Ti panagayunar.
14 #
Mar. 2:18-22. Luc. 5:33-38. Idin immasideg kencuana dagidi adalan ni Juan a cuncunada: Apayapay a dacami ken dagiti Fariseo #Luc. 18:12.agayunarcami a masansan, ket dagiti adalam dida agayunar?
15Ket ni Jesus kinunana cadacuada: #Juan 3:29.Mabalin aya nga dagiti makiboda agpanesda no adda pay laeng cadacuada ti novio? Ngem umaydanto dagiti aldaw, a ti novio maiccatto cadacuada, ket iti casta agayunardanton.
16Ket awan ti tao a mangitacup ti lupot a dipay napes-acan iti pagan-anay a daan; ta iti casta intono cumsenen ti naitacup, rumsua a lumawlawa ti pigisna.
17Ket dida met icabil ti baro nga arac cadagiti supot a lalat a daan; ta no casta, dagiti #Jos. 9:4. Sal. 119:83.lalat bumtacda ket ti arac maibel-leng, ket madadael dagiti lalat; ngem icabilda ti arac a baro cadagiti lalat a baro, ket mataginayonda a dua.
Ti babai a masakit iti panagbulos ti dara; ti anac a babai ni Jairo.
18Idi sasaoenna dagitoy #Aginga bil. 26. Mar. 5:22-43. Luc. 8:41-56.cadacuada, adtoy immay ti maysa a panguloen ket #Mat. 8:2.nagrucbab kencuana a cuncunana: Tay anacco a babai capatpatayna; ngem umayca cadi ket ipataymo ti imam kencuana, ket agbiagto.
19Ket timmacder ni Jesus, ket simmurot kencuana, agraman dagiti adalanna.
20 #
Lev. 15:25. Ket adtoy ti maysa a babai a masakit iti panagbulos ti dara iti sangapulo ket dua a tawenen, immasideg iti licudanna ket sinagidna ti #Mat. 14:36; 23:5.pingir di pagan-anayna;
21Ta kinunana iti nakemna: No mabalinco coma a sagiden uray laeng ti pagan-anayna, mapaimbagacto.
22Ket ni Jesus timmaliaw, a kimmita kencuana ket kinunana: Manginanamaca, anac; #bil. 2.ti pammatim pina-#Wenno naisalacan.imbagnaca. Ket di babai napaimbag nanipud idi nga horas.
23Ket idi #2 Cron. 35:25.dimteng ni Jesus iti balay daydi panguloen, nakitana dagiti agtoctocar cadagiti flauta, ken dagiti tao nga agarariwawa,
24Kinunana: Wayaanyo ti pagnaan: ta ti balasang saan a natay, ngem #Juan 11:11.matmaturog. Ngem kinatawaanda nga lalaisen.
25Ket idi naparuaren dagiti tattao simrec ni Jesus ket iniggamanna ti ima di balasang; ket timmacder.
26Ket daytoy nagracurac iti isu-amin daydiay a daga.
Pannacaagas dagiti dua a bulsec ken maysa nga umel.
27Ket idi pimmanaw ni Jesus sadiay, simmurotda kencuana dagiti dua a bulsec nga agpucpuccawda a cuncunada: #Mat. 15:22.Caasiannacami, O! Anac ni David.
28Ket idi nacastrec iti maysa a balay, immasidegda kencuana dagidi bulsec; ket ni Jesus cunana cadacuada: Patienyo a mabalinco nga aramiden daytoy? Cunada kencuana: Wen, Apo,
29Idin #Mat. 20:34.sinagidna dagiti matada, a cuncunana: #bil. 2.Cas iti pammatiyo, maaramid coma cadacayo.
30Ket dagiti matada nalucatanda. Ket ni Jesus imbilinna cadacuada iti #Mar. 1:43.nairut, a cunana: #Mat. 8:4.Kitaenyo ta awan coma ti macaammo.
31Ngem rimmuarda ket #Mar. 7:36.inwarada ti damagna iti isu-amin daydiay a daga.
32Ket idi madamada a rummuar, #Luc. 11:14, 15.adtoy, inyegda kencuana ti maysa a tao nga umel a #Mat. 4:24.nagun-gan ti sairo.
33Ket idi a naparuaren ti sairo, di umel nagsao; ket dagiti tattao nagsiddaawda a cuncunada: Uray caano saan pay a nakita ti castoy ditoy Israel.
34Ngem dagidi Fariseo kinunada: #Mar. 3:22.Gapu ti pannacabalin ti pangulo dagiti sairo, paruarenna dagiti sairo.
Ti anien ken dagiti agani.
35Ket ni Jesus linawlawna dagiti amin nga il-ili ken purpuroc a nangisursuro cadagiti sinagogada, #Mat. 4:23.ken nangicascasaba ti naimbag a damag ti pagarian, ket pinapaimbagna amin a sakit ken amin a kita ti anannayen.
36Ket idi nakitana dagiti adu unay a tattao, #Mar. 6:34.simnec ti asina cadacuada; gapu ta nalidayda ken nawarawarada a #Isa. 53:6.casda la carcarnero nga awan ti pastorda.
37Idin cunana cadagiti adalanna: #Luc. 10:2. Juan 4:35.Pudno a ti anien adu; ngem bassitda dagiti agani.
38Dawatenyo ngarud iti Apo ti anien, tapno mangibaon coma cadagiti agani iti paganianna.
Currently Selected:
MATEO 9: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
