MATEO 8

Pannacaagas ti maysa nga agcucutel.

1Ket idi a simmalog iti bantay, simmuratda kencuana dagiti adu a tattao.

2Ket adtoy, #Mar. 1:40-44. Luc. 5:12, 14.ti maysa nga agcucutel immay ket #Mat. 9:18; 15:25; 18:26.nagrucbab kencuana a cuncunana: Apo, no pagayatam coma, mabalinnac a dalusan.

3Ket inunnatna ti imana ket #bil. 15. Mat. 20:34.sinagidna a kinunana kencuana, cayatco, madalusanca coma. Ket naigiddato a daydi cucutelna napunas.

4Ket ni Jesus kinununa kencuana: #Mat. 9:30; 12:16; 16:20; 17:9.Kitaem, ta dica ibaga iti uray siasino; ngem inca, agparangca iti sacerdote ket idatonmo ti sagut nga #Lev. 14:2, 3, 4, 10, 21, 22.imbilin ni Moises tapno pacakitaanda.

Ti Centurion a taga Capernaum.

5Ket idi #Luc. 7:1-10.simrec idiay Capernaum, immay kencuana ti maysa a #Capitan ti sangagasut a soldado.Centurion a nagpacpacaasi kencuana,

6A cuncunana: Apo, ti ubingco adda a naidalit idiay balay a di macagunay, ket matoocan unay.

7Ket ni Jesus kinunana kencuana: Umayacto ket paimbagec.

8Ket simmungbat di Centurion, ket kinunana: Apo, saanac a maicari nga umawat kenca iti uneg ti balayco; ngem saoem laeng ti sao ket ti ubingco umimbagto.

9Ta siac pay idinto a taoac laeng iti babaen ti turay addaanac solsoldado iti babaen ti turayco: ket cunac itoy maysa: Inca, ket mapan, ket iti sabali: Umayca, ket umay: ket iti ubingco: Aramidem daytoy, ket aramidenna.

10Ket idi a ni Jesus, nangngegna daytoy nagsiddaaw, ket kinunana cadagiti sumursurot kencuana: #Mat. 9:2.Pudno cunac cadacayo, nga uray iti Israel diac nacasarac ti castoy a cadackel ti pammati.

11Ket cunac cadacayo nga adu dagiti #Mal. 1:11. Luc. 13:29. Rom. 15:9-12. Gal. 3:14.umayto nga aggapu iti daya ken laud, ket #Mat. 26:29. Luc. 22:30.makicatugawdanto ken Abraham ken Isaac ken ni Jacob iti pagarian ti langit.

12Ngem #Mat. 13:38; 21:43.dagiti anac ti pagarian maibel-lengdanto iti #Mat. 22:13; 25:30.sipnget iti ruar: idiay addanto panagdung-aw ken panagngaretnget dagiti ngipen.

13Ket ni Jesus kinunana idi Centurion: Incan, ket cas iti panamatim maaramid coma kenca. Ket daydi ubing naimbagan idi met la nga horas.

Ti catugangan a babai ni Pedro.

14Ket idi #Mar. 1:29-34. Luc. 4:38-40.immay ni Jesus iti balay ni Pedro, nakitana ni catuganganna a babai nga aggorigor a naidalit iti pagidaan.

15Ket sinagidna ti ima daydi babai, ket ti gorigor pimmanaw kencuana: ket isu bimmangon, ket nagservi kencuana.

16Ket idi malemen, inyegda kencuana dagiti adu a #Mat. 4:24.nagun-gan dagiti sairo; ket pinaruarna dagiti sairo iti sao, ket pinaimbagna dagiti amin nga masacsakit idi.

17Tapno matungpal ti sinao ni mammadto nga Isaias, a cuncunana: #Isa. 53:4. 1 Ped. 2:24.Isu met laeng innalana dagiti sacsakittayo, ket inawitna dagiti anannayentayo.

No casano ti isusurot ket Jesus.

18Idi a ni Jesus nakitana dagidi adu a tattao iti licmutna imbilinna nga umalisda iti sabali a bangir.

19Ket immasideg ti maysa nga escriba, ket #Luc. 9:57-60.kinunana, kencuana: Mannursuro, surutencanto uray sadino ti papanam.

20Ket ni Jesus cunana kencuana: Dagiti musang addaanda cadagiti rucrukib, ket dagiti tumatayab iti tangatang addaanda cadagiti umumoc; ngem ti Anac ti tao awanan iti pangisaadanna ti ulona.

21Ket ti sabali cadagiti adalanna kinunana kencuana: Apo, palubusannac ta innac pay coma iponpon ni amac.

22Ngem ni Jesus cunana kencuana: Surutennac; bay-am a dagiti natay itanemda dagiti minatayda.

Ni Jesus pagtalnaenna ti baguio.

23 # Mar. 4:36–5:17. Luc. 8:22-37. Ket isu idi a simrec iti maysa a barangay, dagiti adalanna simmurotda kencuana.

24Ket adtoy napasamac iti baybay ti dackel a baguio, iti casta a ti barangay masabsabuagan cadagiti dalluyon; ngem isu matmaturog idi.

25Ket dagidi adalanna, immasidegda kencuana ket riniingda a cuncunada: Apo, isalacannacami, mapucawtayon!

26Ket ni Jesus cunana cadacuada: Apayapay agbutengcayo, O #Mat. 6:30.dacayo a bassitan pammati? Idin, bimmangon ket inatipana dagidi angin ken di baybay, ket naglinac unay.

27Ket dagiti tattao nagsiddaawda a cuncunada: Ania a cababalin ti tao daytoy, ta uray dagiti angin ken ti baybay agtulnogda kencuana?

Dagiti Gadareno a nagun-gan ti sairo.

28Ket idi dimteng iti sabali nga igid, iti daga dagiti Gadareno, immayda simmabet kencuana dagiti dua a nagun-gan dagiti sairo a rimmuarda idi cadagiti tanem, a naglausan ti uyongda nga awan ti macaitured a lumabas idi a dalan.

29Ket adtoy, nagickisda a cuncunada: #Mat. 14:33.Sica Anac ti Dios. Ania tibibiangmi kenca? Immayca ditoy tapno parigatennacami iti dina pay tiempo?

30Ket adda idi iti adayu cadacuada ti maysa nga arban ti adu a babuy nga agar-arab.

31Ket dagiti sairo nagdawatda kencuana, a cuncunada: No pagtalawennacami, ibaonnacami idiay arban ti babuy.

32Ket kinunana cadacuada: Incayo. Ket rimmuarda, ket napanda iti arban ti babuy: ket adtoy, amin ti arban ti babuy nagtappuacda a sidadarasudos iti maysa a teppang iti baybay, ket natayda cadagiti danum.

33Ket dagiti agtaraken cadagiti babuy, timmarayda; ket idi napanda iti ciudad, sinaritada amin, ken ti napasamac cadagiti nagun-gan dagiti sairo.

34Ket adtoy, amin nga umili rimmuar a simmabet ken Jesus; ket idi nakitada, #Luc. 5:8. D. Ara. 16:39.nagdawatda kencuana a pumanaw coma cadagiti beddengda.

Currently Selected:

MATEO 8: TB1973

Highlight

Copy