JOSUE 9
9
Dagiti Cananeos agsaganada a maibusor ken Josue. Ti sicap dagiti Gabaonitas; dagiti Gabaonitas maadipenda.
1Ket naaramid, nga idi nga isu-amin dagiti ar-ari nga addada idi iti ballasiw ti Jordan, iti #Deut. 1:7.caturodan, ken cadagiti tantanap, ken iti isu-amin nga igid ti #Num. 34:6.dackel a taaw iti sango ti Libano, dagiti #Deut. 27:4, 5.Heteos, Amorreos, Cananeos, Perezeos, Heveos, ken Jebuseos, nadamagda;
2 #
Sal. 83:3, 5. A naguummongda, tapno makigubatda ken Josue ken iti Israel iti maymaysa a timpuyog.
3Ngem idi a dagiti agnaed iti #Jos. 6:27.Gabaon #Jos. 10:2, 10, 12; 18:25. 2 Sam. 21:1, 2.natimudda no ania ti inaramid idi ni Josue iti Jerico ken iti Ai,
4Isuda nangaramatda met iti sicap, ket napanda ket nagaramidda a casda la nabaon, ket nangalada cadagiti supsupot a daan nga imparabao cadagiti asnoda, ken cadagiti lallalat a pagiccan ti arac, daan ken napigis, ken napunggos,
5Ken zapzapatos a daan ken tacup-tacup cadagiti sacsacada, ken cawcawes a daan cadacuada; ken isu-amin a tinapay a balonda namagaanen ken binuoten.
6Ket immayda idi ken Josue idiay #Jos. 5:10.pacarso idiay Gilgal, ket kinunada kencuana, ken cadagiti tattao ti Israel, Dacami naggapucami iti adayu unay a daga: makinomocayo ngarud ita cadacami.
7Ket dagiti tattao ti Israel kinunada idi cadagiti #Jos. 11:19.Heveos, Nalabit ngata nga agnaedcayo iti nagtengngaanmi; ket #Deut. 7:2.casano ngarud ti pannakinomomi cadacayo?
8Ket isuda kinunada ken Josue, #bil. 11. 2 Ar. 10:5.Dacami dagiti ad-adipenmo. Ket ni Josue kinunana cadacuada, Siasinocayo aya? ken sadino aya ti naggapuanyo?
9Ket isuda kinunada kencuana, Nanipud iti adayu unay a daga dagiti #Deut. 20:15.ad-adipenmo immayda a gapu iti nagan ni Jehova a Diosmo: ta nangegmi ti #Jos. 2:10; 6:27.damagna, ken isu-amin a banag nga inar-aramidna idiay Egipto,
10Ken isu-amin nga inaramidna cadagiti dua nga ar-ari dagiti Amorreos, nga addada idi iti ballasiw ti Jordan, ken Sejon nga ari ti Jesebon, ken ni Og nga ari ti Basan, nga addada idi sadi #Deut. 1:4. Jos. 1:4. 1 Cron. 6:71.Astarot.
11Ket dagiti lallacaymi ken amin dagiti agnaed iti dagami nagsaoda cadacami, a cunada, Mangiggemcayo Mangiggemcayo iti balon nga agpaay iti dalan, ket incayo a sumabet cadacuada, ket cunaenyo cadacuada, Dacami dagiti ad-adipenyo: ket makinomocayo ita cadacami.
12Daytoy tinapaymi innalami idi a nabara cadagiti balbalaymi a maipaay iti dalan iti daydi aldaw, nga iruruarmi a umay cadacayo; ngem ita, adtoy, namagan, ken binuoten;
13Dagitoy lallalat ti arac, a pinunnomi, babbaroda idi: adtoy, ket napigisdan: ket dagitoy cawcawesmi ken zapzapatosmi daandan a gapu iti caunday ti pannagna.
14Ket dagiti tattao ti Israel innalada idi ti balonda, ket #Num. 27:21.dida nagsalsaludsod iti patigmaan iti ngiwat ni Jehova.
15Ket ni Josue #Jos. 11:19. 2 Sam. 21:2.nakicappia cadacuada, ken nakinomo cadacuada a tiddaenna ida a sibibiag. Ket dagiti pangpanguloen ti gimong nagsapatada cadacuada.
16Ket naaramid idi naturpos dagiti tallo nga al-aldaw iti calpasan ti pannakitulagda cadacuada, nangegda nga isuda idi dagiti carcarrubada, ket agnaedda iti nagtengngaanda.
17Ket dagiti annac ti Israel nagnada, ket dimtengda cadagiti il-ilida iti maicatlo nga aldaw. Ket #Jos. 18:25, 26, 28. Esd. 2:25.dagiti il-ilida isuda idi ti Gabaon, ken Cafira, ken Berot, ken #Jos. 15:9, 60. Oc. 18:12. 1 Sam. 6:21; 7:1.Kiryat-jearim.
18Ket dagiti annac ti Israel saanda a kinabil ida, agsipud ta dagiti pangpanguloen ti gimong insapatada cadacuada gapu ken Jehova, a Dios ti Israel. Ket isu-amin a gimong nagtanabutob idi a maibusor cadagiti pangpanguloen.
19Ngem isu-amin dagiti pangpanguloen kinunada iti isu-amin a gimong, Dacami insapatami cadacuada a gapu ken Jehova, a Dios ti Israel: gapuna itatta ditay mabalin a sagiden ida.
20Daytoy ti aramidentayonto cadacuada, ket baybay-antayo ida nga agbiag: di la ket ta umay ti #2 Sam. 21:1, 2, 6. Eze. 17:18, 19. Zac. 5:3, 4. Mal. 3:5.pungtot cadatayo, a gapu iti sapata nga insapatami cadacuada.
21Ket dagiti pangpanguloen kinunada cadacuada, Agbiagda coma: ngem isuda dagiti #Deut. 29:11.agpucpucan iti sungrod ken agsacsacdo a maipaay iti amin a gimong, cas dagiti pangpanguloen insaoda idi cadacuada.
22Ket ni Josue inayabanna ida, ket nagsao cadacuada, a cunana, Apayapay aya nga inallilawdacami, a kinunayo, Adayucami unay cadacayo: #bil. 6, 9.idinto a makipagtaengcayo cadacami?
23Gapuna ita #Gen. 9:25.mailunodcayo, ket dinto agcurang cadacayo ti adipen, agpada agpucan iti sungrod, ken agsacsacdo a maipaay iti balay ti Diosco.
24Ket isuda simmungbatda ken Josue, ket kinunada, Agsipud ta pudno a naibaga cadagiti adipenmo, no casano daydi a ni Jehova a Diosmo #Deut. 7:1, 2.imbilinna idi ken ni Moises nga adipenna nga itedna cadacayo amin a daga, ken pucawenna amin dagiti agnaed iti daga iti sangoananyo; iti casta #Ex. 15:14.nagbutengcami unay cadacayo iti maipaay cadagiti biagmi ket inaramidmi daytoy a banag.
25Ket itatta, adtoy, addacami #Gen. 16:6.ita imam: cas iti pagarupemto coma a naimbag ken nalinteg a maaramid cadacami, aramidem.
26Ket inaramidna cadacuada a casta, ket incanawana ida iti ima dagiti annac ti Israel, tapno dida papatayen ida.
27Ket ni Josue pinagbalinna ida iti daydi nga aldaw nga agpucpucan iti sungrod ken agsacsacdo a maipaay iti gimong, ken maipaay iti altar ni Jehova inggana ita nga aldaw, iti disso nga isu #Deut. 12:5.pilienna idi.
Currently Selected:
JOSUE 9: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
