JOSUE 10
10
Dagiti lima nga ar-ari gubatenda ti Gabaon. Ti panangispal ni Josue. Ti pannacapaatiddog ti aldaw ti gubat. Dagiti ar-ari macayawanda. Ti pannacadadael ti Maceda. Dagiti sabsabali a pinarmec ni Josue.
1Naaramid, idi a ni Adonisedec nga ari ti Jerusalem natimudna no casano ti panangala ni Josue iti Ai, ket isu dinadaelna a tinalipupus (a no casano ti inaramidna #Jos. 6:15-21.iti Jerico ken iti arina, casta met ti inaramidna iti #Jos. 8:22, 26, 28.Ai ken iti arina), ken no casano ti pannakicappia dagiti #Jos. 9:15.agnaed iti Gabaon iti Israel, ket addada idi cadacuada;
2A #Deut. 11:25.nagamacda unay, agsipud ta ti Gabaon isu idi ti maysa nga ili a dackel, a maysa cadagiti naarian nga il-ili, ken agsipud ta dacdackel pay ngem iti Ai, ket isu-amin dagiti tattaona mamaingelda.
3Ngarud ni Adonisedec nga ari ti Jerusalem nagbaon ken Oham nga ari ti #Jos. 11:21; 14:13, 15. 1 Sam. 2:1, 11.Hebron, ken ni Piream nga ari ti Jarmut, ken ni Jafia nga ari ti #Jos. 12:11. 2 Ar. 14:19; 18:14, 17; 19:8.Laquis, ken ni Debir nga ari ti Eglon, a kinunana,
4Sumang-atcayo caniac, ket badangandac, ket cabilentayo coma ti Gabaon: ta nakicappia ken Josue ken cadagiti annac ti Israel.
5Gapuna a dagiti lima nga ar-ari dagiti Amorreos, ti ari ti Jerusalem, ti ari ti Hebron, ti ari ti Jarmut, ti ari ti Laquis, ti ari ti Eglon, nagtitiponda, ket simmang-atda, isuda ken isu-amin a buybuyotda, ket nagpacarsoda a maibusor iti Gabaon, ket nakigubatda a maibusor kencuana.
6Ket dagiti tattao ti Gabaon nagbaonda ken Josue iti #Jos. 5:10; 9:6.pacarso idiay Gilgal, a cunana, Dica cucuten ta imam cadagiti ad-adipenmo; sumang-atca a madaras cadacami, ket ispalennacami, ket badangannacami: ta isu-amin dagiti ar-ari dagiti Amorreos nga agnaedda iti caturodan nagtitiponda a bumosor cadacami.
7Iti casta ni Josue simmang-at nanipud Gilgal, isu ken isu-amin dagiti tattao ti gubat kencuana, ken isu-amin dagiti tattao nga agcacamaingel.
8Ket ni Jehova kinunana ken Josue, #Jos. 11:6. Oc. 4:14.Dica agbuteng cadacuada: ta inyawatco ida cadagita imam; #Jos. 1:5.awan ti uray asinoman a tao cadacuada nga agtacderto iti sangoanam.
9Ni Josue ngarud napan nga dagus cadacuada; ta simmang-at a nagpatpatnag nanipud Gilgal.
10Ket ni Jehova #Oc. 4:15. 1 Sam. 7:10. Sal. 18:14.riniribucna ida iti sangoanan ti Israel, ket pinapatayna ida iti naindaclan a panangpapatay idiay Gabaon, ket kinamatda ida iti dalan ti sang-atan sadi #Jos. 16:3, 5; 18:13, 14; 21:22.Bet-horon ket kinabilda ida agingga iti #Jos. 15:35.Azeca, ken #Jos. 12:16.Maceda.
11Ket naaramid, idi agtalawda manipud sangoanan ti Israel, idi addada iti salogan idiay Bet-horon, a ni #Sal. 18:12, 13. Isa. 30:30.Jehova tininnaganna ida cadagiti batbato a dadackel nanipud langit, cadacuada aginggana iti Azeca, ket natayda: ad-adu dagidiay napapatay cadagiti batbato nga uraro ngem dagidiay pinapatay dagiti annac ti Israel iti campilan.
12Idin ni Josue nagsao ken Jehova idi aldaw a ni Jehova inyawatna dagiti Amorreos iti sangoanan dagiti annac ti Israel; ket kinunana iti imatang ti Israel, #Isa. 28:21. Hab. 3:11.init, agintecca idiay ngato ti Gabaon; ket sica, Bulan, idiay lobong ti #Jos. 19:42; 21:24. Oc. 1:35.Ajalon.
13Ket ti init nagintec, ket ti bulan nagsardeng, inggana iti di nacabales ti nacion cadagiti cabcabusorda. Daytoy #2 Sam. 1:18.saan aya a naisurat iti libro ni Jasher? Ket ti init nagintec iti tengnga ti langit, ket saan a nagdaras a limnec iti dandani maysa nga aldaw.
14Ket awan idi ti aldaw a cas la iti daydi iti casacbayanna wenno iti calpasanna, a ni Jehova impangagna ti timec ti maysa a tao: ta ni #Ex. 14:14.Jehova nakigubat a gapu iti Israel.
15Ket ni Josue nagsubli, ken isu-amin nga Israel agraman kencuana, iti pacarso idiay Gilgal.
16Ket dagitoy lima nga ar-ari nagtalawda, ket naglemmengda iti rukib sadi #bil. 10.Maceda.
17Ket naibaga ken Josue, a nacuna, Dagiti lima nga ar-ari nasaracanda ida, a nailemmeng iti rukib sadi Maceda.
18Ket ni Josue kinunana, Mangtulidcayo cadagiti dadackel a batbato agingga iti ngiwat ti rukib, ket mangisaadcayo cadagiti tattao a mangaywan cadacuada:
19Ngem dicayo agsardeng idiay; agcamatcayo cadagiti cabcabusoryo, ket cabilenyo ti taraudida; ket dicayo palubosan ida a sumrec cadagiti il-ilida: ta ni Jehova a Diosyo inyawatna ida iti imayo.
20Ket naaramid, nga idi a ni Josue ken dagiti annac ti Israel nalpasda ti nangpapatay cadacuada iti dackel a panangpapatay #Jos. 8:24.inggana iti napucawda ket ti natda a nabati idi cadacuada simrec cadagiti nasarikedkedan nga il-ili,
21Nga isu-amin a tattao nagsublida ken Josue iti pacarso idiay Maceda a sitatalna: awan ti uray maysa a #Ex. 11:7.mangcuti iti dilana a maibusor iti uray siasinoman cadagiti annac ti Israel.
22Idin kinuna ni Josue, Luctanyo ti ngiwat ti rukib, ket yegyo caniac dagiti lima nga ar-ari manipud iti rukib.
23Ket inaramidda a casta, ket impanda kencuana nanipud iti rukib dagiti lima nga ar-ari, ti ari ti Jerusalem, ti ari ti Hebron, ti ari ti Jerimot, ti ari ti Laquis, ti ari ti Eglon.
24Ket naaramid, idi nga inyegda ken Josue dagidiay nga ar-ari, a ni Josue inayabanna amin dagiti tattao ti Israel, ket kinunana cadagiti pangpangoloen dagiti tattao ti gubat a nakicuyog kencuana a napan, Umasidegcayo, ibaddecyo dagiti tengnged dagitoy nga ar-ari. Ket immasidegda, ket imbaddecda dagiti tengngedda.
25Ket ni Josue kinunana cadacuada, #Deut. 31:8.Dicayo agbuteng, dicayo met agcullayaw; pumigsacayo ken umingelcayo: #Deut. 3:21; 7:19.ta castoy ti aramidento ni Jehova cadagiti isu-amin a cabusoryo a cabacalyo.
26Ket iti calpasanna ni Josue kinabilna ida, ket pinatayna ida, ket pinaibitinna ida cadagiti lima a cayo: ket #Jos. 8:29.naibitinda cadagiti caycayo agingga iti malem.
27Ket naaramid idi lumnec ti init, a ni Josue nagbilin, ket imbabada ida cadagiti caycayo, ket impalladawda ida idi rukib a naglemmenganda, ket nangicabilda cadagiti #Jos. 7:26.dadackel a batbato iti ngiwat ti rukib, inggana ita nga aldaw.
28Ket ni Josue innalana ti Maceda iti daydi nga aldaw, ket isu kinabilna iti tadem ti campilan, ken castamet ti arina: ket dinadaelna nga inkisap ida ken isu-amin a carcararua nga agnaed kencuana: awan a pulos ti tiniddana: ket inaramidna iti ari ti Maceda ti #Jos. 6:21.cas inaramidna iti ari ti Jerico.
29Ket ni Josue immallatiw nanipud Maceda, ken isu-amin nga Israel naicuyog kencuana #2 Ar. 8:22.idiay Libna, ket ginubatda ti Libna:
30Ket ni Jehova isu inyawatna met, ken castamet ti arina, iti ima ti Israel; ket isu kinabilna iti tadem ti campilan, ken isu-amin a carcararua nga agnaed kencuana; awan ti tiniddana; ket inaramidna iti arina cas ti inaramidna iti ari ti Jerico.
31Ket ni Josue immallatiw nanipud Libna, ken isu-amin nga Israel naicuyog kencuana, idiay Laquis, ket nagpacarsoda a maibusor kencuana, ket nakigubatda a maibusor kencuana:
32Ket ni Jehova inyawatna ti Laquis iti ima ti Israel; ket isu ti innalana iti maicadua nga aldaw, ket isu kinabilna iti tadem ti campilan, ken isu-amin a carcararua nga agnaed kencuana, cas iti amin nga inaramidna iti Libna.
33Idin ni Horam nga ari ti #Jos. 12:12. Oc. 1:29. 1 Ar. 9:15-17.Gazer simmang-at a bumadang iti Laquis; ket ni Josue pinatayna isu ken dagiti tattaona, agingga iti awan tiniddana kencuana a nalabasan.
34Ket ni Josue immallatiw nanipud Laquis, ken isu-amin nga Israel naicuyog kencuana, iti Eglon; ket isuda nagpacarsoda a maibusor kencuana, nakigubatda a maibusor kencuana;
35Ket isu innalada iti daydi nga aldaw, ket isu kinabilda iti tadem ti campilan; ken isu-amin a carcararua nga agnaed kencuana isu dinadaelna nga inkisap iti daydi nga aldaw, cas iti amin nga inaramidna iti Laquis.
36Ket ni Josue simmang-at nanipud Eglon, ken amin nga Israel naicuyog kencuana, agingga iti Hebron; ket isuda nakigubatda a maibusor kencuana:
37Ket isu innalada, ket kinabilda iti tadem ti campilan, ken castamet ti arina, ken isu-amin dagiti il-ilina, ken isu-amin a carcararua nga agnaed kencuana; awan a pulos ti tiniddana, a cas iti amin nga inaramidna iti Eglon; no di ket dinadaelna nga inkisap, ken amin a carcararua nga agnaed kencuana.
38Ket ni Josue nagsubli, ken isu-amin nga Israel naicuyog kencuana, idiay #Jos. 11:21; 12:13. Oc. 1:11.Debir, ket nakigubat a maibusor kencuana:
39Ket isu innalana, ken castamet ti arina, ken amin dagiti il-ilina; ket kinabilda ida iti tadem ti campilan, ket dinadaelda nga inkisap dagiti isu-amin a carcararua nga agnaed kencuana; isu awan ti tiniddana: no casano ti inaramidna iti Hebron, casta ti inaramidna iti Debir, ken iti arina; a cas iti inaramidna met iti Libna, ken iti arina.
40Iti casta ni Josue kinabilna ti isu-amin a daga, iti caturodan, ken iti Abagatan, ken iti tanap, ken dagiti #Jos. 12:3.bacras dagiti banbantay, ken isu-amin dagiti ar-arida nga awan a pulos ti tiniddana, no di ket pinucawna nga inkisap amin a naganges, cas imbilin ni #Deut. 20:16, 17. Jos. 11:12.Jehova a Dios ti Israel.
41Ket ni Josue kinabilna ida nanipud #Deut. 9:23.Cades-barnea aginggana iti #Jos. 15:47.Gaza met laeng, ken #Jos. 11:16; 15:51.isu-amin a daga ti Gosen inggana iti Gabaon met laeng.
42Ket isu-amin dagitoy nga ar-ari ken dagiti dagdagada ni Josue innalana iti maymaysa a tiempo, agsipud ta ni Jehova, a Dios ti Israel, nakigubat a gapu iti Israel.
43Ket ni Josue nagsubli, ken amin nga Israel naicuyog kencuana, iti pacarso idiay Gilgal.
Currently Selected:
JOSUE 10: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
