JOSUE 6

Ti pannacalawlaw ken pannacadadael ti Jerico.

1Ti Jerico napunitan a naimbag a gapu cadagiti annac ti Israel: awan a pulos ti macaruar ket awan met ti macastrec.

2Ket ni Jehova kinunana ken Josue, Kitaem, #Jos. 2:24.inyawatco ita imam ti Jerico, ken iti arina, ken dagiti tattao a maingel.

3Ket lawlawemto ti ili, amin dagiti tattao ti gubat, lawlawenyonto iti maminsan ti ili. Casta ti aramidemto cadagiti innem nga al-aldaw.

4Ket pito a papadi mangicuyogdanto cadagiti pito a #Oc. 7:16, 22.tangtangguyob a sara ti carcarnero a lallaki iti sango ti lacasa: ket iti maicapito nga aldaw lawlawenyonto ti ili iti maminpito a dardaras, ket dagiti #Num. 10:8.papadi paguniendanto dagiti tangtangguyob.

5Ket isunto, nga, intono pagtimkenda a #Ex. 19:13.napaut ti tangguyob a sara ti carnero a lalaki, ken intono mangegyo ti timec ti tangguyob, isu-amin a tattao agriawdanto iti natbag nga ariwawa; ket ti bacud ti ili margaayto a mairipap, ket dagiti tattao sumang-atdanto tunggal maysa a sililinteg iti sangoananna.

6Ket ni Josue nga anac ni Nun inayabanna dagiti papadi, ket kinunana cadacuada, Alaenyo ti lacasa ti tulag, ket pito a papadi mangicuyogda coma cadagiti pito a tangtangguyob a sara ti carcarnero a lallaki iti sangoanan ti lacasa ni Jehova.

7Ket isuda kinunada cadagiti tattao, Magnacayo, ket lawlawenyo ti ciudad, ket dagiti siiigam a tattao magnada coma iti sangoanan ti lacasa ni Jehova.

8Ket idi a casta, nga, idi a ni Josue nagsao cadagiti tattao, dagiti pito a papadi a siiggem cadagiti pito a tangtangguyob a sara dagiti carcarnero a lallaki nagnada iti sangoanan ni Jehova, ket pagpagunienda dagiti tangtangguyob: ket ti lacasa ti tulag ni Jehova sinurotna ida.

9Ket dagiti siiigam a tattao napanda iti sangoanan dagiti papadi nga agpagpaguni idi cadagiti tangtangguyob, ket dagiti buybuyot simmurotda idi lacasa, dagiti sacerdote pagpagunienda dagiti tangguyob idi a magmagnada.

10Ket ni Josue binilinna dagiti tattao, a kinunana, Dicayto agririaw, saan coma a mangngeg ti timecyo, saanto a sumngaw ti uray ania a sao dita ngiwatyo, aginggana iti aldaw a panangibagac cadacayo nga agriawcayo; isunto ti panagriawyon.

11Iti casta pinailawlawna di lacasa ni Jehova iti ili, a linicmutda iti naminsan: ket napanda iti pacarso ket nagtaengda iti pacarso.

12Ket ni Josue bimmangon a nasapa unay iti bigat, ket dagidi papadi #Num. 4:15.binagcatda di lacasa ni Jehova.

13Ket dagiti pito a papadi a siiggem cadagiti pito a tangguyob a sara ti carcarnero a lallaki iti sangoanan ti lacasa ni Jehova napanda a cancanayon, ket pinagtimecda dagiti tangguyob: ket dagiti siiigam a tattao napanda iti sangoananda; ket dagiti buybuyot simmurotda iti lacasa ni Jehova, a dagiti papadi pagtimtimkenda dagiti tangguyobda idi a magmagnada.

14Ket iti maicadua nga aldaw linawlawda ti ili iti naminsan, ket nagsublida iti pacarso: casta ti inaramidda iti innem nga aldaw.

15Ket naaramid iti maicapito nga aldaw, a bimmangonda a nasapa unay iti parbangon, ket linawlawda di ili iti casdi met laeng iti naminpito a daras: daydi laeng nga aldaw ti pananglawlawda iti ili cadagiti naminpito a daras.

16Ket naaramid idi maicapito a daras, idi a dagiti papadi pinagunida dagiti tangguyobda, a ni Josue kinunana cadagiti tattao, Agriawcayo; ta ni Jehova intedna cadacayo ti ili.

17Ket ti ili #Deut. 7:26.maipaayto, isu met laeng ken dagiti isu-amin nga adda iti unegna, ken ni Jehova; ni laeng Raab a balangcantis ti agbiagto, isu ken isu-amin nga adda a cadduana iti balay, agsipud ta #Jos. 2:4.inlemmengna dagiti babaonen nga imbaontayo.

18Ngem dacayo, isuna laeng a liclicanyo ti banag a naipaay, di la ket ta idi nga impaayyo, no mangalacayo iti naipaay; iti casta aramidenyo a mailunod ti pacarso ti Israel, ket isu ti #Gen. 34:30. Jos. 7:25. 1 Ar. 18:17, 18. 1 Cron. 2:7.riribukenyo.

19Ngem isu-amin a pirac ken balitoc, ken al-alicamen a suer ken landoc nasantoandanto ken Jehova: maiyegdanto iti paggamengan ni Jehova.

20Iti casta dagiti tattao nagpuccawda, ket dagiti papadi pinagunida dagiti tangguyobda: ket naaramid, idi a dagiti tattao nangegda di aweng di tangguyob, a dagiti tattao nagriawda iti natbag nga ariwawa, ket di #Heb. 11:30.bacud nargaay a nasimpa, iti casta dagiti tattao simrecda iti ili, tunggal tao a nanglinteg iti sangona, ket innalada di ili.

21Ket pinatayda nga inkisap #Deut. 7:2.amin nga adda iti uneg ti ili, lalaki man ken babai agpadpada, ubing man ken lacay agpadpada, ken vaca, ken carnero, ken asno, iti tadem ti campilan.

22Ket ni Josue kinunana cadagiti dua a tattao a nagsiim iti daga, Sumreccayo iti balay ti babai a balangcantis, ket iruaryo ditoy ti babai, ken isu-amin a cucuana, a #Jos. 2:14. Heb. 11:31.cas insapatayo kencuana.

23Ket dagiti agtutubo a lallaki a nagsiim simrecda, ket inruarda ni Raab, #Jos. 2:13.ken ni amana, ken ni inana, ken dagiti cacabsatna, ken isu-amin a cucuana; isu-amin a cacabagianna casta met nga inruarda; ket incabilda ida iti ruar ti pacarso ti Israel.

24Ket pinuuranda di ili iti apuy, ken #bil. 19.isu-amin nga adda kencuana; ti laeng pirac, ken balitoc, ken dagiti al-alicamen a suer ken landoc, ti indulinda iti paggamengan ti balay ni Jehova.

25Ngem ni Raab a balangcantis, ken dagiti cabbalay ni amana, ken amin a cucuana, isuda laeng ti nabiag nga inispal ni Josue; ket ni Raab #Mat. 1:5.nagnaed iti tengnga ti Israel inggana ita nga aldaw, ta inlemmengna dagidi babaonen nga ni Josue imbaonna idi a mangsiim iti Jerico.

26Ket ni Josue incumitna cadacuada ti maysa a #Num. 5:21.sapata iti daydi a tiempo, a kinunana, #1 Ar. 16:34.Mailunod ti tao iti saclang ni Jehova, ti tumacder ken mangbangon itoy ili a Jerico: ti mangicabilto iti cimientona matayto ti anacna nga inauna, ket ti mangicabilto cadagiti ruruanganna matayto ti anacna nga inaudi.

27 # Jos. 1:5. Iti casta, ni Jehova adda idi ken ni Josue; ket ti #Jos. 9:9.damagna naisacnap iti isu-amin a daga.

Currently Selected:

JOSUE 6: TB1973

Highlight

Copy