Popular Bible Verses from JOSUE 6

Share

Ket ni Jehova kinunana ken Josue, Kitaem, inyawatco ita imam ti Jerico, ken iti arina, ken dagiti tattao a maingel.

Ket isunto, nga, intono pagtimkenda a napaut ti tangguyob a sara ti carnero a lalaki, ken intono mangegyo ti timec ti tangguyob, isu-amin a tattao agriawdanto iti natbag nga ariwawa; ket ti bacud ti ili margaayto a mairipap, ket dagiti tattao sumang-atdanto tunggal maysa a sililinteg iti sangoananna.

Ket lawlawemto ti ili, amin dagiti tattao ti gubat, lawlawenyonto iti maminsan ti ili. Casta ti aramidemto cadagiti innem nga al-aldaw.

Ket pito a papadi mangicuyogdanto cadagiti pito a tangtangguyob a sara ti carcarnero a lallaki iti sango ti lacasa: ket iti maicapito nga aldaw lawlawenyonto ti ili iti maminpito a dardaras, ket dagiti papadi paguniendanto dagiti tangtangguyob.

Ti Jerico napunitan a naimbag a gapu cadagiti annac ti Israel: awan a pulos ti macaruar ket awan met ti macastrec.

Ket naaramid idi maicapito a daras, idi a dagiti papadi pinagunida dagiti tangguyobda, a ni Josue kinunana cadagiti tattao, Agriawcayo; ta ni Jehova intedna cadacayo ti ili.

Ket ti ili maipaayto, isu met laeng ken dagiti isu-amin nga adda iti unegna, ken ni Jehova; ni laeng Raab a balangcantis ti agbiagto, isu ken isu-amin nga adda a cadduana iti balay, agsipud ta inlemmengna dagiti babaonen nga imbaontayo.