JEREMIAS 43
43
Ni Johanan idalanna ti matda iti Juda idiay Egipto. Ni Jeremias ipadtona ti yaay ni Nabucodonosor sadi Egipto.
1Ket naaramid nga idi a ni Jeremias nagibusannan ti panagsaona cadagiti amin a tattao cadagiti sasao ni Jehova a Diosda isu a pinaibaon ti Dios cadacuada, amin dagitoy met laeng a sasao,
2Idin nagsao da Azarias nga #Jer. 42:1.anac ni Osaya, ken #Jer. 40:8.Johanan nga anac ni Carea, ken amin dagiti nacuspag a lallaki, a kinunada ken Jeremias, Sica agsaoca a siuulbod: ni Jehova a Diostayo saannaca nga imbaon tapno cunam, Dicayto mapan sadi Egipto tapno agyan sadiay;
3No di ket ni #Jer. 32:12.Baruc nga anac ni Nerias durugannaca a maibusor cadacami, tapno yawatnacami iti ima dagiti Caldeos, tapno papatayendacami, ken ipandacami a nacayawan sadi Babilonia.
4Iti casta ni Johanan nga anac ni Carea, ken #Jer. 40:13.amin a cacapitan dagiti buybuyot, ken isu-amin dagiti tattao saanda a tinungpal ti timec ni Jehova, tapno agnaedda iti daga ti Juda.
5Ngem ni Johanan nga anac ni Carea, ken amin a cacapitan dagiti buybuyot, innalada ti amin a natda iti Juda, a nagsubli a naggapu cadagiti amin a nasnacion a nacaipananda idi tapno agyanda iti daga ti Juda;
6Dagiti lallaki, ken babbai, ken ubbing, #Jer. 40:10.ken dagiti anac a babbai ti ari, ken #Jer. 39:10; 40:7.tunggal tao a ni Nabuzaradan a capitan ti guardia imbatina idi ken Gedalias nga anac ni Ahicam nga anac ni Safan; ken ni Jeremias a mammadto, ken ni Baruc nga anac ni Nerias.
7Ket napanda iti daga nga Egipto; ta saanda a tinungpal ti timec ni Jehova: ket immayda sadi #Jer. 2:16.Tafnes.
8Idin immay ti sao ni Jehova ken Jeremias sadi Tafnes a kinunana,
9Alaem dagiti dadackel a batbato ita imam, ket ilumlummo ida iti masa a naladrilloan nga adda iti sercan ti balay ni Faraon sadi Tafnes iti imatang dagiti lallaki ti Juda;
10Ket cunam cadacuada, Castoy ti cuna ni Jehova dagiti buybuyot, a Dios ti Israel: Adtoy, agbaonacto, ket alaecto ni Nabucodonosor nga ari ti Babilonia, nga #Jer. 25:9.adipenco, ket isaadconto ti tronona iti rabaw dagitoy a batbato nga inlumlumco; ket iyucradnanto ti naarian a toldana iti rabawda.
11Ket umayto, ket cabilennanto ti daga nga Egipto; dagiti agpaay ken patay mayawatdanto ken patay, ken dagiti agpaay iti pannacacayaw, iti pannacacayaw, ken dagiti agpaay iti campilan, iticampilan.
12Ket pasgedacto ti apuy cadagiti balbalay #Jer. 46:25.dagiti diosen ti Egipto; ket puurannanto ida, ket ipannanto ida a #Jer. 48:7.nacayawan: ket cawesannanto ti bagina met laeng iti daga nga Egipto, cas la iti panagcawes ti maysa a pastor; ket rumuarto sadiay a sitatalna.
13Burakennanto met dagiti monmon ti Bet-semes, nga adda iti daga nga Egipto; ket dagiti balbalay dagiti diosen ti Egipto puurannanto iti apuy.
Currently Selected:
JEREMIAS 43: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
