JEREMIAS 42
42
Ni Johanan ken dagiti Judios umumanda ken Jeremias. Balacadanna ida a saanda coma a mapan idiay Egipto.
1Idin #Jer. 40:13.amin a cacapitan dagiti buybuyot, ken ni #Jer. 40:8.Johanan nga anac ni Carea, ken ni Jezanias nga anac ni Osaya, ken amin dagiti tattao manipud iti cabassitan agingga iti cadackelan, immadanida,
2Ket kinunada ken Jeremias a mammadto, Agdawatcam kenca, a ti panagpacaasimi maisaclang coma kenca, ket agcararagca gapu cadacami ken Jehova a Diosmo, gapu amin met laeng itoy a tidda (ta dacami natdacami laeng a bassit a nagtaud ti adu, a cas maimatangan dagita matam),
3Tapno ni Jehova a Diosmo ipakitana cadacami ti dalan a pagnaanmi coma, ken ti banag nga aramidenmi coma.
4Idin ni Jeremias a mammadto kinunana cadacuada, Nangngegcayo; adtoy, agcararagacto ken Jehova a Diosyo a mayannurot cadagiti saoyo; ket maaramidto nga ti uray ania a ni Jehova isungbatnanto cadacayo, ipalawagconto cadacayo; awanto ti ilimedco cadacayo.
5Idin kinunada ken Jeremias, #Gen. 31:50.Ni Jehova coma ti napudno ken #Apoc. 1:5; 3:14.matalec a sacsi cadatayo, no saancami nga agaramid iti mayannurot iti amin a sao a pangibaonanto kenca ni Jehova a Diosmo cadacami.
6No naimbagto wenno dakes, tungpalenminto ti timec ni Jehova a Diostayo, isu a pangibaonanmi kenca; tapno naimbagto cadacami intono tungpalenmi ti timec ni Jehova a Diostayo.
7Ket naaramid calpasan iti sangapulo nga aldaw a ti sao ni Jehova immay ken Jeremias.
8Iti casta inayabanna ni Johanan nga anac ni Carea, ken dagiti amin a cacapitan dagiti buybuyot nga adda idi kencuana, ken amin dagiti tattao manipud iti cabassitan agingga met laeng iti cadackelan.
9Ket kinunana cadacuada, Castoy ti cuna ni Jehova, a Dios ti Israel; isu a nangibaonanyo caniac tapno mangidatag iti panagpacaasiyo iti sangona:
10No agnaedcayto pay laeng itoy a daga, #Jer. 24:6.bangonencayto ngarud, ket dicayto rebbaen, imulacayto, ket dicayto paruten; ta #Gen. 6:6. Deut. 32:36. Jer. 18:8.pagleddaangac ti dakes nga inaramidco cadacayo.
11Dicayo agbuteng iti ari ti Babilonia, a pagbutnganyo; dicayo agbuteng kencuana, cuna ni Jehova: ta addaac cadacayo tapno isalacancayo, ken isalacancayo iti imana.
12Ket ipaayconto #Sal. 106:45. Neh. 1:11.cadacayo ti asi, ket isu caasiannacayto, ket pasubliennacayto iti dagayo met laeng.
13Ngem no cunayo, Dicamto agnaed itoy a daga; tapno iti casta dicayo tungpalen ti timec ni Jehova a Diosyo,
14A cunayo, #Jer. 41:17.Saan, no di ket incamto iti daga nga Egipto, a yan ti dicamto pacakitaan ti gubat, wenno pacangngegan iti uni ti tangguyob, ket awanto ti bisin gapu iti tinapay; ket sadiay agnaedcamto:
15Ngarud denggenyo ita ti sao ni Jehova, O nabati iti Juda: Castoy ti cuna ni Jehova dagiti buybuyot, a Dios ti Israel, #Deut. 17:16. Jer. 44:12, 13, 14.Pudno, no agturongcayo #Luc. 9:51.a sumrec iti Egipto, ket incayo agyan sadiay;
16Maaramidto ngarud a ti campilan a pagbutnganyo macamacamnacayto iti daga nga Egipto; ket ti bisin a cabutengyo camatennacayto sadi Egipto; ket mataycayto sadiay.
17Castanto cadagiti amin a tattao nga agturongda a sumrec sadi Egipto nga agyan sadiay: #bil. 32. Jer. 44:14, 28.mataydanto babaen ti campilan, iti bisin, ken iti angol; ket awanto cadacuada ti mabati wenno macalisi iti dakes nga iyegconto cadacuada.
18Ta castoy ti cuna ni Jehova dagiti buybuyot, a Dios ti Israel: Cas ti pannacaibuyat ti ungetco ken pungtotco cadagiti agnaed sadi Jerusalem, casta met laeng maibuyatto ti pungtotco cadacayo, intono sumreccayo sadi Egipto; ket dacayto ti pacatabbaawan ken pagsiddaawan, ken pacailunodan, ken pacaumsian; ket dicayto makitan daytoy a disso.
19Ni Jehova nagsaon a maipapan cadacayo, O natidda iti Juda, dicayo mapan idiay Egipto; ammoenyo a nalaing a nangpanecnecac cadacayo itoy nga aldaw.
20Ta inallilawyo dagiti cararuayo; ta dacayo imbaondac ken Jehova a Diosyo, a kinunayo, Agcararagca gapu cadacami ken Jehova a Diostayo; ket cas mayannurot ti isu-amin nga ibaganto ni Jehova a Diostayo, casta ti ipalawagmo cadacami, ket aramidenminto.
21Ket iti daytoy nga aldaw impalawagco cadacayo; ngem dicayo tinungpal ti timec ni Jehova a Diosyo iti uray ania cadagidiay a nangibaonanna caniac cadacayo.
22Ita ngarud ammoenyo a nalaing a mataycayto babaen ti campilan, iti bisin, ken iti angol iti disso a tarigagayanyo a papanan tapno agyancayo sadiay.
Currently Selected:
JEREMIAS 42: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
