JEREMIAS 18
18
Maysa a leccion iti alicamen ti agdamdamili. Ti Israel maiwaris. Ni Jeremias agcararag iti maicaniwas cadagiti cabusorna.
1Ti sao a dimteng ken Jeremias a naggapu ken Jehova kinunana,
2Tumacderca, ket sumalogca iti #Jer. 19:1, 2.balay ti agdamdamili, ket idiay ipangngegconto kenca dagiti saoc.
3Idin simmalogac iti balay ti agdamdamili, ket adtoy, isu agar-aramid idi iti maysa nga aramid cadagiti pilpilid.
4Ket idi a ti vaso nga inaramidna iti pila nadadael iti ima ti agdamdamili, isu inaramidna manen a sabali nga vaso, cas pagayatan nga aramiden daydi agdamdamili.
5Idin ti sao ni Jehova dimteng caniac, a kinunana,
6O balay ti Israel, #Isa. 45:9. Rom. 9:21.diac mabalin aya ti agaramid kenca a cas daytoy nga agdamdamili? cuna ni Jehova. Adtoy, cas ti pila iti ima ti agdamdamili, castacayo iti imac, O balay ti Israel.
7Iti aniaman a #Jer. 1:10.canito a panagsaocto maipapan iti maysa a nacion, ken maipapan iti maysa a pagarian, tapno parutec ken burakec ken isu dadaelec,
8No dayta a nacion, a maipapan kencuana, nagsaoac, pagbabawianda ti kinadakesda, #Jer. 26:13, 19. Juan 3:10.ibabawicto ti dakes, a pinanunotco nga aramiden cadacuada.
9Aniaman a canito a panagsaocto a maipapan iti maysa a nacion, ken maipapan iti maysa a pagarian, tapno bangonec ken isu imulac.
10No aramidenda daydiay dakes iti imatangco, a dida annuruten ti timecco, iti casta agbabawiacto ibabawicto iti imbag, isu a sinaoc a pangpaimbagco cadacuada.
11Ita ngarud, agsaoca cadagiti lallaki ti Juda, ken cadagiti agnaed ti Jerusalem, a cunam, Castoy ti cuna ni Jehova: Adtoy, mangsangalac iti dakes a maicaniwas cadacayo, ken isicatco iti maysa a gandat a maibusor cadacayo: agsublicayo ita tunggal maysa nga aggapu iti dakes a dalanna, ket tarimaanenyo dagiti dalanyo ken dagiti gapuananyo.
12Ngem isuda cunada, #Jer. 2:25.Isu awan capapay-anna, ta magnacaminto cadagiti bucodmi a gandat, ket agaramidcamto tunggal maysa iti kinabangad ti dakes a pusona.
13Gapuna castoy ti cuna ni Jehova; #Jer. 2:10. 1 Cor. 5:1.Damagenyo ita iti nagtengngaan dagiti nasnacion, isuda a nacangngeg cadagiti casta a banbanag; ti virgen ti Israel nagaramid iti maysa a nacaal-alinggec a banag.
14Agcurangto aya ti nieve ti Libano iti bato ti tanap, wenno mamagaanto aya dagiti nalamiis a dandanum nga agayus manipud iti adayu?
15Ta ti ilic #Jer. 2:32.linipatannac, nagpuurda ti incienso cadagiti saan a pudno a dios; ket pinaitibcolda cadagiti dalanda, cadagiti daan a #Jer. 6:16.dandana, tapno magnada cadagiti dandana, iti maysa a dalan a saan a nagaburan;
16Tapno maaramid ti dagada a maysa a #Jer. 19:8; 49:17.pagsiddaawan, ken maysa nga agnanayon a pagsanamtican; isu-amin a lumasat idiay masdaawto, ket iwingiwingna ti olona.
17Cas #Jer. 13:24.babaen ti maysa a casaor iwarisconto ida iti sangoanan ti cabusor; #Jer. 2:27.iparangconto cadacuada ti bucot a saan a ti rupa, iti aldaw ti kinadacsangasatda.
18Idin kinunada, Umaycayo, ket #Jer. 11:19.isicattayo dagiti gandat a maibusor ken Jeremias; ta #Jer. 2:8; 5:13, 31; 6:13.ti linteg iti padi saanto a mapucaw, wenno pammagbaga iti masirib, wenno ti sao iti mammadto. Umaycayo, ket isu pagsasaoantayo, ket saantayo nga ipangag dagiti aniaman cadagiti saona.
19Ipangagnac, O Jehova, ket timudem ti timec dagidiay a makisuppiat caniac.
20Maisupapacto aya ti dakes #Sal. 35:7.iti naimbag? ta isuda nagcalida iti maysa nga abut a maipaay itoy cararuac. Lagipem no casano ti panagtacderco iti sangoanam a nangisao iti naimbag a maipaay cadacuada, tapno iyadayum ti pungtotmo cadacuada.
21Ngarud #Sal. 109:9, 10.iyawatmo dagiti annacda iti bisin, ket itedmo ida iti bileg ti campilan; ket agbalin coma dagiti assawada a babbai nga awanan annac, ken babbalo; ket dagiti lallakida mapapatayda coma iti patay, ket dagiti agtutuboda a lallaki macabilda iti campilan iti dangadang.
22Mangngegan coma ti maysa a riaw manipud cadagiti balbalayda, no iyegmon a pettat ti maysa a buyot cadacuada; ta nagcalida iti maysa nga abut tapno alaendac, ken nangilemmengda cadagiti silo a maipaay cadagiti sacac.
23Nupay casta, Jehova, ammom amin ti panagemda a maicaniwas caniac a pangpapatay caniac; #Sal. 78:38. Jer. 11:20; 15:15.dica pacawanen ti kinadakesda, ket dica met punasen ti basolda iti imatangmo; no di ket bay-am ida a marbec iti sangoanam; pagbanagem ida iti pannawen ti pungtotmo.
Currently Selected:
JEREMIAS 18: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
