JEREMIAS 17
17
Ti basol ti Juda saan a mapunas. Ni Jehova maymaysa ti pagcammatalcan. Ti mammadto agcararag gapu iti salacnib. Ti aldaw a panaginana rebbengna ti mangilin.
1Ti basol ti Juda naisurat babaen ti #Job 19:24.pluma a landoc, ken iti ngudo ti diamante: naibutac iti tapi ti pusoda, ken cadagiti #Ex. 27:2.sara dagiti altaryo;
2Bayat ti pannacalaglagip dagiti annacda cadagiti altarda ken ti #Oc. 3:7. Isa. 27:9.Asherimda #Jer. 2:20.iti arpad dagiti narucbos a caycayo iti rabaw dagiti nangato a turturod.
3O #Isa. 2:3.bantayco iti away, itedconto ti sanicuam ken amin dagiti gamengmo a maysa a samsam, ken dagiti nangato a dissom gapu iti basol cadagiti amin a beddengmo.
4Ket sica, uray pay sica met laeng, saancanto nga agtuloy iti tawidmo nga intedco kenca; ket #Jer. 15:14.pagserviencanto cadagiti cabusormo, iti daga a dica ammo; ta pinasgedanyo ti maysa nga apuy iti pungtotco isu nga sumgedto iti agnanayon.
5Castoy ti cuna ni Jehova: Mailunod ti tao nga agcammatalec iti tao, ken #Isa. 31:3.pagbalinenna ti lasag a tackiagna, ket ti pusona sumina ken Jehova.
6Ta isunto #Jer. 48:6.cas iti caruotan iti langalang, ket saan a macakita no umay ti imbag, no di ket agnaedto cadagiti naticag a disso iti let-ang, #Isa. 5:9. 2 Ped. 3:4.maysa a caapayaan ken saan a mapagnaedan.
7Nagasat #Sal. 2:12; 25:2.ti tao nga agcammatalec ken Jehova, ket ti talgedna ni met laeng Jehova.
8Ta isunto ti #Sal. 1:3.cas cayo a naimula iti arpad dagiti danum, nga isacnapna dagiti ramutna iti arpad ti carayan, ket saan nga agbuteng no umay ti pudot, no di #Prov. 11:28.ket ti bulongna nalangtonto; ket saanto a madanagan iti tawen ti ticag, ket dinto met sumardeng iti panagbungana.
9Ti puso manangallilaw a nacarcaro ngem dagiti amin a banag, ket isu napalalo a nagdakes; asino ti macaamo kencuana?
10Siac, ni Jehova, #1 Sam. 16:7. Sal. 139:23, 24. Rom. 8:27.sukisukec ti isip, suutec ti puso, #Jer. 32:19. Sal. 62:12.tapno itedco met laeng iti tunggal tao ti cas mainugot cadagiti dalanna, ti cas maiyalubog iti bunga dagiti gapuananna.
11Cas ti tucling a mangocop cadagiti iclog a saanna nga inyeclog, casta ti agala iti kinabacnang, ket saan a naincalintegan; #Sal. 55:23.iti tengnga dagiti aldawna isu #Sal. 39:6.panawandanto, ket iti panungpalanna #Luc. 12:20.isunto ti maysa a maag.
12Maysa a nadayag a trono, a naisaad iti ngato nanipud idi punganay, isu ti disso ti santuariotayo.
13O Jehova, a namnama ti Israel, #Sal. 73:27. Isa. 1:28.amin dagiti aglicud kenca maibabaindanto. Dagidiay sumina caniac #Luc. 10:20.maisuratdanto iti daga, agsipud ta naglicudanda ni Jehova, ti #Jer. 2:13.ubbug dagiti sibibiag a danum.
14Agasannac, O Jehova, ket maimbaganacto; isalacannac, ket maisalacanacto: ta sica ti dayawco.
15Adtoy, #Deut. 29:23.cunaenda caniac, Sadino ti yan ti sao ni Jehova? isu umay coma ita.
16No maipapan caniac, #Jer. 1:4.saanac a nagdarasudos a pimmanaw iti panagpastor iti licudam; ket diac met tinarigagayan ti nacaay-ay-ay nga aldaw, sica ammom: dagiti rimmuar cadagiti bibigco adda iti sangoanam.
17Saanca coma a macapabuteng caniac; sica ti camangco iti aldaw ti dakes.
18Maibabainda coma dagiti mangidadanes caniac, ngem saanac coma, a maibabain; agcullayawda coma, ngem saanac nga agcullayaw; iyegmo cadacuada ti aldaw ti dakes, ket dadaelem ida iti #Jer. 16:18.mamindua a pannacadadael.
19Castoy ti kinuna ni Jehova caniac: Inca, ket agtacderca iti ruangan dagiti annac ti umili, isu a sercan dagiti #Jer. 13:13.ar-ari ti Juda, ken daydiay pagruruaranda, ken cadagiti amin a ruruangan ti Jerusalem;
20Ket cunam cadacuada, Denggenyo ti sao ni Jehova, dacayo ar-ari ti Juda, ken ti amin a Juda, ken amin ti agnaed iti Jerusalem, a sumrec cadagitoy a ruruangan:
21Castoy ti cuna ni Jehova, #Neh. 13:15, 19. Juan 5:10.Agannadcayo cadagiti bagiyo met laeng, ket dicayo agawit iti awiten iti aldaw a panaginana, ket dicay met iserrec cadagiti ruangan ti Jerusalem;
22Castamet a dicay mangiruar iti maysa nga awiten cadagiti balbalayyo cadagiti aldaw a panaginana, ket saancayo met nga agaramid iti aniaman a trabajo: ngem ngilinenyo ti aldaw a panaginana, #Ex. 20:8, 9.cas imbilinco cadagiti ammayo.
23Ngem saanda nga impangag, ket dida met inyallingag ti lapayagda, no di ket pinatangkenda ti teltelda, tapno saanda a macangngeg ken dida maisuro.
24Ket maaramidto, no siaannadcayo a mangipangag caniac, cuna ni Jehova, a dicayo mangiserrec iti awiten, cadagiti ruangan daytoy nga ili iti aldaw a panaginana, no di ket ngilinenyo ti aldaw a panaginana, a dicayo agtrabajo kencuana;
25Sumrecdanto ngarud #Jer. 22:4.cadagiti ruangan daytoy nga ili dagiti ar-ari ken piprincipe a situtugaw iti trono ni David, a nacasacayda cadagiti lugan ken cabcabayo, isuda ken dagiti piprincipeda, dagiti lallaki ti Juda, ken dagiti agnaed ti Jerusalem, ket daytoy nga ili mataginayonto.
26Ket umaydanto nga aggapu #Jer. 32:44; 33:13.cadagiti il-ili ti Juda, ken aggapu cadagiti #Zac. 7:7.aglicmut iti Jerusalem, ken aggapu iti daga ti Benjamin, ken aggapu iti #Jos. 15:33.nababa a daga, ken iti caturodan, ken aggapu #Gen. 13:1.iti Abagatan, a mangiyegda cadagiti datdaton a mapuuran, ken sacrificios ken datdaton a macan, ken incienso, ken mangiyegda cadagiti datdaton ti panagyaman, iti balay ni Jehova.
27Ngem no didac ipangag maipuon iti panagngilinyo ti aldaw a panaginana, ken iti saan a panagawit iti maysa nga awiten ken iseserrec cadagiti ruangan ti Jerusalem iti aldaw a panaginana; #Jer. 21:14. D. Un. 4:11.pasgedacto ngarud ti maysa nga apuy cadagiti ruanganna, ket alun-unennanto dagiti palacio ti Jerusalem, ket saanto a maiddep.
Currently Selected:
JEREMIAS 17: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
