OC-OCOM 6
6
Ti Israel naparigat gapu iti Madian. Ti angel ni Jehova sarungcaranna ni Gedeon. Ni Gedeon dadaelenna ti altar ni Baal, ket urnongenna ti buyot. Ti pagilasinan a dutdot.
1Ket dagiti #Oc. 2:19.annac ti Israel inaramidda daydi a dakes iti imatang ni Jehova: ket ni Jehova inyawatna ida iti ima ti #Gen. 25:2. Ex. 2:15-16; 18:1. Oc. 7:1-2; 8:1. Sal. 83:9.Madian cadagiti pito a tawen.
2Ket ti ima ti Madian nangartap a maibusor iti Israel; ket gapu iti Madian dagiti annac ti Israel, nagaramidda cadagiti gucgucayab nga addada cadagiti banbantay, ken rucrukib, ken sarsarikedked.
3Ket naaramid idi, a no ti Israel macamulada, dagiti Madianitas sumang-atda, ken dagiti #Oc. 3:13.Amalecitas, ken dagiti #Gen. 29:1.annac a taga daya, isuda sumang-atda a maibusor cadacuada;
4Ket nagpacarsoda a maibusor cadacuada, ket #Lev. 26:16.dinadaelda ti apit ti daga agingga iti pacagtengan iti Gaza, ket saanda a nangitidda ti taraon iti Israel, uray carnero, uray vaca, uray asno.
5Ta isuda sumang-atda agraman an-animalda ken toltoldada; simrecda a #Oc. 7:12.casdala duddudon iti caaduda, isuda ken camcamelloda a saan ida a mabilang: ket umayda iti daga a mangdadael kencuana.
6Ket ti Israel #Oc. 3:15. Os. 5:15.napapanglaw iti casta unay a gapu iti Madian; ket dagiti annac ti Israel immasugda ken Jehova.
7Ket naaramid, idi a dagiti annac ti Israel nagasugda ken Jehova, a gapu iti Madian,
8Ni Jehova nangibaon iti maysa a mammadto cadagiti annac ti Israel: ket isu kinunana cadacuada, Castoy ti cuna ni Jehova a Dios ti Israel, Siac #1 Sam. 10:18. Sal. 44:2-3.inaoncayo nanipud Egipto ken innalacayo iti balay ti nacaadipnan;
9Siac insalacancayo iti ima dagiti taga Egipto, ken iti ima dagiti amin a namarigat cadacayo, ket pinagtalaoco idi ida iti sangoyo, ket intedco cadacayo ti dagada;
10Ket kinunac idi cadacayo, Siac ni Jehova a Diosyo; dicayo #Jos. 24:15. 2 Ar. 17:35, 38.agbuteng coma cadagiti didios dagiti Amorreo, nga iti dagada pagtaenganyo. Ngem dicayo impangag ti timecco.
11Ket ti angel ni Jehova immay, ket nagtugaw iti siroc ti lugo nga adda idiay Ofra, a naipatagicua ken ni Joas nga #Jos. 17:2.Abiezerita: ket ni anacna a #Heb. 11:32.Gedeon adda nga agsacsacsac idi iti trigo idiay pagpespesan ti uvas, tapno isu mailemmengna cadagiti Madianitas.
12Ket ti angel ni Jehova nagparang kencuana, ket kinunana kencuana, Ni #Jos. 1:5.Jehova adda kenca, sica lalaki a mannacabalin ken maingel.
13Ket ni Gedeon kinunana kencuana, O, apoc, no ni Jehova adda coma cadacami, apayapay ngarud nga amin daytoy napasamac cadacami? ket #Sal. 89:49. Isa. 59:1; 63:15.sadino ti yan dagiti datdatlagna, a #Sal. 44:1.dagiti ammami sinarsaritada idi cadacami, a cuncunada, Saan aya a ni Jehova ti nangaon cadatayo idi nanipud Egipto? ket ita ni Jehova inwacsinacamin, ket inyawatnacami iti ima ti Madian.
14Ket ni Jehova kimmita kencuana, ket kinunana, #1 Sam. 12:11. Heb. 11:32, 34.Inca iti daytoy a pigsam, ket ispalem ala ti Israel iti ima ti Madian: #Jos. 1:9. Oc. 4:6.saan aya a siac ti agbaon kenca?
15Ket isu kinunana kencuana, O, Apo, iti ania ti pangispalconto iti Israel? Adtoy a ti #1 Sam. 9:21.familiac isu ti capanglawan unay iti Manases, ket siac ti calap-itan iti balay ni amac.
16Ket ni Jehova kinunana, kencuana #Ex. 3:12.Pudno a siac addaacto kenca, ket sica cabilemto dagiti Madianitas a casda la maymaysa a lalaki.
17Ket isu kinunana kencuana, No #Ex. 33:13.nacasaracac ti parabur iti #Ex. 4:1-8. 2 Ar. 20:8-9. Sal. 86:17.saclangmo, iccannac iti pagilasinan, a sica ti makisao caniac.
18 #
Gen. 18:3, 5. Agdawatac kenca, a dica coma pumanaw ditoy aginggana iti yaayco kenca, ket yegco ti sagutco, ket isu ti icabilco iti saclangmo. Ket isu kinunana, Siac agurayacto aginggana iti yaaymo manen.
19 #
Gen. 18:6-8. Ket ni Gedeon simrec, ket nangisagana iti maysa nga urbon a calding, ken bibbibingca nga awan levadurada a maysa nga efa ti macan: ket incabilna ti lasag iti maysa a labba, ket incabilna di digu iti maysa a banga, ket inyegna kencuana iti siroc ti lugo, ket isu imparangna.
20Ket ti angel ti Dios kinunana kencuana, Alaem ti lasag ken dagiti bibbibingca nga awan levadurada, ket #Oc. 13:19.icabilmo ida iti rabaw daytoy a bato, ket #1 Ar. 18:33-34.ibuyatmo ti digu. Ket inaramidna a casta.
21Idin ti angel ni Jehova impatayna ti murdong ti sarucodna nga adda idi iti imana, insukitna iti lasag ken cadagiti bibbibingca nga awan levadurada; ket #Lev. 9:24.rimmasoc ti apuy a naggapu iti bato, a nangrunaw iti lasag ken cadagiti bibbibingca nga awan levadurada; ket ti angel ni Jehova nagpucaw iti imatangna.
22Ket idi ni Gedeon #Oc. 13:21.nakitana nga isu idi ti angel ni Jehova; ket ni Gedeon kinunana, Ay, O Apo Jehova, #Ex. 33:20.agsipud ta nakitac ti angel ni Jehova iti rupanrupa.
23Ket ni Jehova kinunana kencuana, #Dan. 10:19.Talna ti adda kenca; dica agbuteng: dicanto matay.
24Idin ni Gedeon nangbangon idiay iti altar ken Jehova, ket isu ninaganna iti #Jehova-salom: cayatna a saoen, Ni Jehova isu ti talna.Jehova-salom; agingga iti daytoy nga aldaw adda pay laeng idiay #bil. 11.Ofra dagiti Abiezeritas.
25Ket naaramid idi met laeng a rabii, a ni Jehova kinunana kencuana, Mangalaca iti maysa a vaca a lalaki ni amam, casta met ti maicadua a vaca a pito ti tawenna, ket duprakem ti altar ni Baal nga adda ken amam, ken pucanem met ti #Oc. 3:7.Asera nga adda a naidenna kencuana;
26Ket mangaramidca iti altar ken Jehova a Diosmo iti tapaw daytoy a sarikedked, iti nasayaat nga ornos, ket alaemto ti maicadua a vaca, ket isu idatonmo iti mapuuran a daton iti cayo ti Asera a pucanemto.
27Idi a casta ni Gedeon nangala iti sangapulo a lallaki cadagiti ad-adipenna, ket inaramidna, iti cas kinuna kencuana ni Jehova: ket naaramid, ta isu nagbuteng a gapu iti familia ni amana, ken cadagiti tattao ti ili, iti casta a dina nabalin nga aramiden iti aldaw, gapuna nga isu inaramidna iti rabii.
28Ket iti bigat idinto a bimmangon dagiti lallaki ti ili, adtoy a ti altar ni Baal adda idi a naduprac, ket ti Asera nga adda iti dennana, napucan, ket ti maicadua a vaca naidaton iti rabaw ti altar a nabangon.
29Ket kinunada ti maysa ken maysa, Siasino ti nangaramid iti daytoy? Ket idinto a binirucda ken sinaludsodda, kinunada, Ni Gedeon nga anac ni Joas isu ti nangaramid.
30Idin dagiti lallaki ti ili kinunada ken Joas, Iruarmo ta anacmo tapno matay coma, agsipud ta dinupracna ti altar ni Baal, ken agsipud ta pinucanna ti Asera nga adda iti dennana.
31Ket ni Joas kinunana cadagiti amin a timmacder a maibusor kencuana, Dacayo makiringgorcayto gapu ken ni Baal? Wenno dacayo isu ti isalacanyonto? Uray siasino coma nga agringgor gapu kencuana, mapapatay coma iti bayat daytoy a bigat met laeng: no isu maysa a dios, bay-anyo coma a makiringgor iti biangna met laeng, ta maysa a tao ti nangduprac iti altarna.
32Gapuna iti daydi nga aldaw isu #1 Sam. 12:11. 2 Sam. 11:21. Jer. 11:13. Os. 9:10.ninaganna #Jerobaal: cayatna a saoen, Ni Baal coma ti agringgor.Jerobaal, a kinunana, Bay-anyo ni Baal a makiringgor kencuana, agsipud ta isu ti nangduprac iti altarna.
33Ket amin dagiti #bil. 3.Madianitas, ken Amalecitas ken dagiti annac a taga daya nagurnongda a nagcaycaysa, ket immallatiwda, ket nagpacarsoda idiay #Jos. 17:16.lobong ti Jezreel.
34 #
Oc. 3:10. Ket ti Espiritu ni Jehova immay ken Gedeon; ket #Oc. 3:27.pinagunina ti tangguyob; ket ti Abiezer nakiummong kencuana.
35Ket nagbaon cadagiti babaonen iti amin a Manases; ket isuda timmiponda met kencuana; ket isu nangibaon cadagiti babaonen iti Aser, ken iti Zabulon, ken iti Neftali, ket isuda immayda a simmabet cadacuada.
36Ket ni Gedeon kinunana iti Dios, No sica isalacanmo ti Israel a gapu iti imac a cas insaom idi.
37 #
Ex. 4:1-7. Adtoy a mangicabilac iti maysa a dutdot idiay pagtaltagan; no ti linnaaw addanto laeng iti dutdot, ket matdanto a namaga ti amin a daga maawatac nga isalacanmonto ti Israel a gapu iti imac, a cas insaom idi.
38Ket naaramid a casta; ta idi a bimmangon a nasapa iti bigat, pineckelna di dutdot, ket pinespesna di linnaaw idi dutdot, a maysa a malucong a napno iti danum.
39Ket ni Gedeon kinunana iti Dios, #Gen. 18:32.Saan coma a sumged ti pungtotmo a maibusor caniac, no agsao-ac pay laeng iti daytoy a daras: palubosannac a mangpennec iti daytoy a dutdot iti daytoy a daras, agdawatac kenca, nga ipalubosmo coma a ti kinamaga adda laeng coma iti dutdot, ket ti linnaaw iti rabaw ti amin a daga.
40Ket iti daydi a rabii inaramid ti Dios a casta: ta ti kinamaga adda laeng idi iti dutdot, ket iti amin a daga adda idi ti linnaaw.
Currently Selected:
OC-OCOM 6: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
