Popular Bible Verses from OC-OCOM 6

Share

Ket ti angel ni Jehova nagparang kencuana, ket kinunana kencuana, Ni Jehova adda kenca, sica lalaki a mannacabalin ken maingel.

Ket ni Jehova kimmita kencuana, ket kinunana, Inca iti daytoy a pigsam, ket ispalem ala ti Israel iti ima ti Madian: saan aya a siac ti agbaon kenca?

Ket ni Jehova kinunana, kencuana Pudno a siac addaacto kenca, ket sica cabilemto dagiti Madianitas a casda la maymaysa a lalaki.

Ket ni Gedeon kinunana kencuana, O, apoc, no ni Jehova adda coma cadacami, apayapay ngarud nga amin daytoy napasamac cadacami? ket sadino ti yan dagiti datdatlagna, a dagiti ammami sinarsaritada idi cadacami, a cuncunada, Saan aya a ni Jehova ti nangaon cadatayo idi nanipud Egipto? ket ita ni Jehova inwacsinacamin, ket inyawatnacami iti ima ti Madian.

Ket isu kinunana kencuana, O, Apo, iti ania ti pangispalconto iti Israel? Adtoy a ti familiac isu ti capanglawan unay iti Manases, ket siac ti calap-itan iti balay ni amac.

Ket ti angel ni Jehova immay, ket nagtugaw iti siroc ti lugo nga adda idiay Ofra, a naipatagicua ken ni Joas nga Abiezerita: ket ni anacna a Gedeon adda nga agsacsacsac idi iti trigo idiay pagpespesan ti uvas, tapno isu mailemmengna cadagiti Madianitas.

Idin ni Gedeon nangbangon idiay iti altar ken Jehova, ket isu ninaganna iti Jehova-salom; agingga iti daytoy nga aldaw adda pay laeng idiay Ofra dagiti Abiezeritas.

Ket isu kinunana kencuana, No nacasaracac ti parabur iti saclangmo, iccannac iti pagilasinan, a sica ti makisao caniac.

Ket ni Jehova kinunana kencuana, Talna ti adda kenca; dica agbuteng: dicanto matay.

Ket dagiti annac ti Israel inaramidda daydi a dakes iti imatang ni Jehova: ket ni Jehova inyawatna ida iti ima ti Madian cadagiti pito a tawen.