Popular Bible Verses from OC-OCOM 7

Share

Ket ni Jehova kinunana ken Gedeon, Dagiti tattao nga adda kenca aduda unay caniac tapno itdec coma dagiti Madianitas iti imada, di la ket ta agtangsit ti Israel a maibusor caniac, a cunaenna, Ti imac met laeng ti nangisalacan caniac.

Ket ni Jehova kinunana ken Gedeon, Cadagitoy tallogasut a lallaki a nagdildil isalacancayto, ket yawatconto dagiti Madianitas ita imam; ket mapan coma aminen dagiti tattao tunggal maysa iti lugarna.

Paiwarragawagmo ngarud cadagiti pagdengngeg dagiti tattao, a cunam, Ti uray siasinoman nga agbuteng ken agpigerger, maipalubos kencuana nga agsubli ken pumanaw manipud iti bantay ti Galaad. Ket nagsubli cadagiti tattao dagiti duapulo ket dua a ribu; ket natda idi dagiti sangapulo ribu.

Ket ni Jehova kinunana ken Gedeon, Dagiti tattao aduda pay laeng; isalogmo ida cadagiti dandanum, ket suutecto ida gapu kenca sadiay: ket isunto, a daydiayto ibagac kenca, Daytoy makicuyog kenca a mapan, isu met laeng makicuyogto kenca a mapan; ket iti uray siasinoman nga ibagacto kenca, Daytoy saanto a makicuyog kenca a mapan, isu met laeng saanto a mapan.

Iti casta inyegna dagiti tattao iti danum: ket ni Jehova kinunana ken Gedeon, Tunggal maysa a mangdildil iti danum a cas la panangdildil ti aso, daydiay ilasinmonto; ken casta met tunggal maysa a mangiparintumeng cadagiti tumengna nga uminum. Ket ti bilang dagiti nagdildil, nga indanonda ti imada iti ngiwatda tallogasut a lallaki: ket dagiti natda a tattao imparintumengda dagiti tumtumengda nga imminum iti danum.