GENESIS 42

Maibaon dagiti Annac a Lallaki ni Jacob sadi Egipto tapno gumatangda iti Taraon. Ti Panagrasaw ni Jose. Nareppet ni Simeon. Agsubli dagiti Dadduma. Natumpungan ti Pirac cadagiti Supsupotda.

1Idi ni #D. Ara. 7:12.Jacob naammoanna a sadiay Egipto adda pagtaraon idi, ni Jacob kinunana cadagiti annacna a lallaki, Ania ti gapuna nga agkikinnitacayo?

2Ket kinunana, Adtoy, nadamagco a sadi Egipto adda pagtaraon: sumalogcayo sadiay, ket sadiay ti paggatanganyo ti #Gen. 43:8.agservi cadatayo; tapno agbiagtayo ket saantayo a matay.

3Ket dagiti sangapulo a cacabsat ni Jose simmalogda a gumatang ti pagtaraon sadiay Egipto.

4Ngem ni Benjamin, a #Gen. 35:18.cabsat ni Jose, saan nga impacuyog ni Jacob cadagiti cacabsatna; ta kinunana, #bil. 38.Di la maminano no adda peggad a mapagtengna.

5Ket dagiti annac ni Israel dimmanonda nga aggatang agraman cadagiti immay: ta adda bisin idi iti daga ti Canaan.

6 # Gen. 41:41. Ket ni Jose isu idi ti agturay sadiay a daga; isu idi ti aglaco cadagiti amin a tattao ti daga. Ket dimtengda dagiti cacabsat ni Jose, ket #Gen. 37:7, 10; 49:22.inrucnoyda kencuana dagiti ruprupada iti daga.

7Ket ni Jose nakitana dagiti cacabsatna, ket nalasinna ida, ngem nagindidiammo cadacuada, ken kinasaona ida iti narasaw; ket kinunana cadacuada, Sadino ti naggapuanyo? Ket kinunada, Idiay daga ti Canaan tapno gumatangcami iti canen.

8Ket ni Jose nalasinna dagiti cacabsatna ngem isu saanda a nabigbig.

9 # Gen. 37:5, 9. Ket ni Jose nalagipna dagiti tagtagainepna a pinarparmatana cadacuada, ket kinunana cadacuada, Dacayo agsimsimisimcayo: immaycayo agsimisim iti kinaawan sarikedked ti daga.

10Ket kinunada kencuana, Saan, apoc, ngem dagiti ad-adipenmo immayda aggatang iti canen.

11Dacami amin annacnaccami ti maysa a lalaki; lallakicami a napudno, saancami nga agsimisim.

12Ket kinunana cadacuada, Saan, ngem immaycayo tapno kitaenyo ti kinaawan salindeg ti daga.

13Ket kinunada, Dacami nga adipenmo sangapulocami ket dua nga agcacabsat, nga annac a lallaki ti maysa a lalaki idiay daga a Canaan; ket, ni, ti inaudianmi adda iti yan ni amana ita, #Gen. 37:30.ket ti maysa awanen.

14Ket ni Jose kinunana cadacuada, Daytoy isu ti nagcunaac cadacayo a kinunac a dacayo agsimisimcayo:

15Gapu itoy masuutcayto: gapu iti biag ni Faraon, dicayonto pumanaw ditoy, malacsid no umay ditoy ti cabsatyo nga inaudi.

16Mangibaoncayo iti maysa cadacayo, ket yegna coma ti cabsatyo, ket mabaticayo a mabalud, tapno dagiti sinaoyo mapanecnecanda, no adda met la pudno cadacayo: wenno saan, gapu iti biag ni Faraon, kinapudnona nga agsimisimcayo.

17Ket pinagtitiponna ida a pinaipan iti pagbaludan bayat ti tallo nga aldaw.

18Ket iti maicatlo nga aldaw ni Jose kinunana cadacuada, Aramidenyo daytoy ket agbiagcayo; ta mabutengac #Lev. 25:43. Neh. 5:15.iti Dios:

19No lallakicayo a nacappapati, mabalud coma ti maysa cadagiti cacabsatyo iti balay a pacabaludanyo; ngem incayo ipan ti pagtaraon a maipaay iti bisin nga adda cadagiti balbalayyo:

20 # bil. 34. Gen. 43:5; 44:23. Ket yegyo caniac ti cabsatyo nga inaudi; iti casta mapanecnecandanto dagiti sasaoyo, ket saancayto a matay. Ket inaramidda a casta.

21Ket kinunada ti maysa ken maysa, #Job 36:8-9. Os. 5:15.Pudno a nacabasoltayo iti maicaniwas ken cabsattayo ta nakitatayo ti sakit ti cararuana, idi nagdawdawat cadatayo, ket ditayo la dinengngeg; isu ti gapuna a lac-amentayo daytoy a pagel.

22Ket ni Ruben simmungbat cadacuada, a cuncunana, Diac aya sinao cadacayo, kinunac, #Gen. 37:22.Dicayo agbasol iti maicaniwas iti ubing; ket saancayo a nangipangag? Adtoy casta met, ti darana isu ti #Gen. 9:5. 1 Ar. 2:32. 2 Cron. 24:22. Sal. 9:12. Luc. 11:50-51.umawag.

23Ket dida ammo idi a naawatan ni Jose ti sinaoda; ta adda idi ti maysa a mangipatarus cadacuada.

24Ket tinallicudanna ida ket nagsangit; ket nagsubli cadacuada, ket nakisao cadacuada, ket innalana cadacuada ni Simeon, ket binaludna iti imatangda.

25Idin ni Jose pinapunnona dagiti supotda iti pagtaraon, ket pinaisublina ti pirac ti tunggal maysa iti supotna, ket pinaiccanna ida iti balonda: ket casta ti naaramid cadacuada.

26Ket impasacayda ti pagtaraon cadagiti as-asnoda, ket pimmanawda sadiay.

27 # Gen. 43:21. Ket idi a linuctan ti maysa ti supotna, ta pacanenna ti asnona iti yan a nagsangbayanda, nakitana ti piracna; ket, adtoy nga adda idi ngarab ti supotna.

28Ket kinunana cadagiti cacabsatna, Ti piracco naisubli; ket, adtoy, adda met iti supotco: ket dagiti puspusoda nagtibbayoda ket nagsisinnango ti maysa ken maysa a sipipigerger, a kinunada, Ania daytoy nga inaramid ti Dios cadatayo?

29Ket dimmanonda ken Jacob nga amada sadiay daga ti Canaan, ket sinaritada kencuana amin a naaramid cadacuada, a kinunada,

30Ti lalaki, nga agturay sadiay a daga, #bil. 7.nagubsang ti pannakisaona cadacami, ket impagarupnacami nga agsimsimisim iti daga.

31Ket kinunami kencuana, Tattaocami a nacappapati; saancami nga agsimsimisim:

32Sangapulocami ket dua nga agcacabsat, annac a lallaki ni amami; #bil. 13.ti maysa awanen, ket ti inaudi adda ita ken amami idiay daga ti Canaan.

33Ket daytay a lalaki, nga apo sadiay a daga, kinunana cadacami, #bil. 15, 19-20.Daytoyto ti pangammoac a lallakicayo a napudno: ibatiyo caniac ti maysa cadagiti cacabsatyo, ket mangalacayo iti agservi iti panagbisin sadiay balbalayyo, ket agluascayo iti dalanyo;

34Ket yegyo caniac ti cabsatyo a lalaki nga inaudi: isu ti pangamoacto a saancayo nga agsimsimisim, ngem tattaocayo a nacappapati: ket iti casta yawatconto cadacayo ti cabsatyo, #Gen. 34:10.ket agsapulcayto ti panagbiag ditoy.

35Ket naaramid nga, idi inbucbucda dagiti supsupotda #bil. 27. Gen. 43:21.adtoy, adda iti supot ti tunggal maysa ti nacabungonan ti piracna: ket idi isuda ken ti amada nakitada dagiti nacabungonan ti piracda, nagbutengda.

36Ket ni Jacob nga amada kinunana cadacuada, #Gen. 27:45.Inuliladac cadagiti annacco: ni Jose awan, ket awan ni Simeon, ket alaenyonto ni Benjamin; amin dagitoy maibusorda caniac.

37Ket ni Ruben nagsao ken amana, ket kinunana, Pagpatayem dagiti dua nga anacco a lallaki, no isu diac isubli kenca: yawatmo iti imac, ket isublicto met laeng kenca.

38Ket isu kinunana, Ti anacco saanto a makipagsalog cadacayo; #bil. 13. Gen. 37:33; 44:28.ta natayen ti cabsatna a lalaki, ket is-isu la ti nabati: ket #bil. 4. Gen. 44:29.no adda dakes a mapasamacna iti dalan a papananyo, #Gen. 37:35; 44:31.pagbabaenyonto ngad ti ubanco gapu iti leddaang agpapan ken Tanem.

Currently Selected:

GENESIS 42: TB1973

Highlight

Copy