GENESIS 41

Agtagtagainep ni Faraon maipapan cadagiti vacvaca ken Dawdawa. Ni Jose ibucsilanna dagiti Tagtagainep ni Faraon. Maisaad nga Agturay iti Egipto. Ti Panangasawana. Umay ti Bisin.

1Ket naaramid nga idi napalabas ti apagtutop a dua a tawen, nagtagtagainep ni Faraon: ket, adtoy, sitatacder idi iti asideg ti carayan.

2Ket, adtoy, simmang-at iti carayan dagiti pito a vacvaca, a nacaay-ayo iti mata ken nalucmeg ti panaglaslasagda; ket nagar-arabda iti nalangto a root.

3Ket, adtoy, dagiti pito a sabali a vacvaca simmarunoda cadacuada a naggapuda iti carayan, a nalaadda a kitkitaen ken nacuttong ti panaglaslasagda; ket nagtacderda iti sibay dagiti immun-una a vacvaca iti igid ti carayan.

4Ket dagiti vacvaca a nalaad ken nacuttong inalun-unda dagiti pito a vacvaca a nasayaat ken nalucmeg. Ket ni Faraon nacariing.

5Ket nacaturog ket nagtagtagainep manen: ket, adtoy, pito a dawdawa a nabagas ken nasayaat rimmuarda iti maymaysa a puon.

6Ket, adtoy, pito a dawdawa a naeppes ken nagango gapu iti angin nga aggapu iti daya, rimmuarda a naud-udi ngem cadagidiay.

7Ket dagiti naeppes a dawdawa inalununda dagiti pito a dawdawa a nabagas ken nasayaat. Ket nacariing ni Faraon, ket adtoy, maysa la a tagtagainep.

8Ket naaramid iti cabigatanna, a #Dan. 2:1; 4:5, 19.naculcolan ti cararuana; ket nagbaon ket pinaayabanna amin dagiti #Ex. 7:11, 22. Dan. 1:20; 2:2; 4:7.managsalamangca sadi Egipto, ken #Mat. 2:1.amin dagiti mamasirib ti daga: ket ni Faraon sinaritana cadacuda ti tagtagainepna; ngem awan cadacuada ti nacaipalawag ken Faraon.

9Idin ti pangoloen ti mamacpacan sinaona ken Faraon, a kinunana, Malagipco dagiti babacco ita nga aldaw:

10 # Gen. 40:2, 3. Ni Faraon nacapungtot cadagiti ad-adipenna, #Gen. 39:20.ket siac pinaicabilnac iti pagbaludan iti balay ti pangoloen dagiti agbanbantay, siac ken ti pangoloen dagiti agtintinapay:

11 # Gen. 40:5. Ket siac ken isu, nagtagtagainepcami iti maymaysa a rabii; ti tunggal maysa cadacami cas ti cayulogan ti tagtagainep a pinarparmatana.

12Ket sadiay adda kinadduami a maysa a baro nga Hebreo nga adipen ti pangoloen dagiti agbanbantay; ket #Gen. 40:12.sinaritami kencuana, ket isu imbucsilanna cadacami ti cababagas dagiti tagtagainepmi; iti tunggal lalaki a cas iti tagtagainepna impalawagna.

13Ket naaramid a cas ti panangyulogna cadacami, casta ti nagbanaganna; siac insublinac iti saadco, ket daydi naibitay.

14 # Sal. 105:20. Idin ni Faraon nagbaon ket pinaayabanna ni Jose, ket #Dan. 2:25.pinaruarda a nagdardaras iti #1 Sam. 2:8. Sal. 113:7, 8.pagbaludan: ket nagkiskis, ket sinuctanna dagiti pagananayna, ket napan ken Faraon.

15Ket ni Faraon kinunana ken Jose, Nagtagtagainepac iti maysa a darepdep, ket awan ti macaibucsil iti dayta: #bil. 12. Dan. 5:16.ket nangngegco ti sasaoenda a maipapan kenca, a no denggem ti maysa a tagtagainep mabalinmo nga ipatarus.

16Ket ni Jose simmungbat ken Faraon, a kinunana, #Dan. 2:30.Awan caniac: #Gen. 40:8. Dan. 2:22, 28, 47.ti Dios sungbatannanto a sitatalna ni Faraon.

17Ket ni Faraon sinaritana ken Jose, iti tagtagainepco, adtoy, nagtacderac iti igid ti carayan:

18Ket, adtoy, simmang-atda a naggapu iti carayan dagiti pito a vacvaca a nalucmeg ken nasayaat ti langada; ket nagarabda iti nalangto a root.

19Ket, adtoy, naud-udi ngem dagita, simmang-atda dagiti sabali a pito a vacvaca a narapis ken dakes ti langada ken nacuttong, nga awan pay nakitac a sabali iti amin ti daga nga Egipto nga umasping iti kinalaadda:

20Ket dagiti nacuttong ken dakes ti langada a vacvaca inalununda dagiti immuna a pito a vacvaca a nalucmeg:

21Ket idi naibusda dagitoy, saan a nadlaw a linamutda ida; ngem nabatida pay laeng a dakes ti langada, a cas idi damona. Idin nacariingac.

22Ket nakitac iti tagtagainepco, ket, adtoy, pito a dawdawa rimmuarda iti maymaysa a puon, nabagas ken nasayaat:

23Ket, adtoy, pito a dawdawa a nalaylay, naeppes, ken pinakebbet ti angin a naggapu iti daya, rimmuarda a naud-udi ngim dagidiay:

24Ket dagiti naeppes a dawdawa inalununda dagiti pito a nasayaat a dawdawa: #bil. 8. Dan. 4:7.ket imbagac cadagiti mamasirib; ngem awan idi ti macaipalawag iti caipapananna caniac.

25Ket ni Jose kinunana ken Faraon, Ti tagtagainep ni Faraon maymaysa ti caipapananna: ti aramidento ti #Dan. 2:28, 29, 45. Apoc. 4:1.Dios iti mabiiten impakitana ken Faraon.

26Dagiti pito a vacvaca a nalapsat pitoda a tawtawen; ket dagiti pito a dawdawa a nasayaat pitoda a tawtawen: maymaysa ti tagtagainep.

27Ket dagiti pito a vacvaca a nacuttong ken dakes ti langada, a simmang-at a naud-udi ngem dagita, #2 Ar. 8:1.pitoda a tawtawen, ket casta met dagiti pito a dawdawa nga awan bagasda ken pinakebbet ti angin nga aggapu iti daya; isudanto dagiti pito a tawtawen ti bisin.

28 # bil. 25. Dayta ti ibagac ken Faraon: ti aramidento ti Dios iti mabiiten pakitana ken Faraon.

29 # bil. 47. Adtoy, umay dagiti pito a tawtawen, isuda a naidaclan a panagapit iti amin ti daga nga Egipto:

30 # bil. 54. Ket umayto iti calpasanna dagiti pito a tawtawen ti bisin; ket amin ti nawadwad nga apit dinto malagipen iti daga nga Egipto: #Gen. 47:13.ket ti bisin ibusennanto ti daga;

31Ket ti kinawadwad saanto a maamoanen iti daga gapu iti bisin a sumaruno; ta isunto nacarigrigat unay.

32Ket ti gapuna a ti tagtagainep naulitanna iti namindua ken Faraon, gapu ta ti #Num. 23:19. Isa. 46:10, 11.aramid inkeddeng ti Dios, ket ti Dios tungpalennanto iti mabiiten.

33Iti casta ngarud, ni Faraon sapulenna coma ti maysa a lalaki a managis-isip ken masirib, ket isaadna coma nga agturay iti daga nga Egipto.

34Ni Faraon aramidenna coma daytoy, ket tudinganna coma dagiti pangpangoloen iti daga, ket danunenna coma ti apagkalima ti daga nga Egipto bayat dagiti pito a tawtawen ti kinawadwad.

35 # bil. 48. Ket ummongenda coma amin a macan cadagitoy masacbayan a tawtawen ti kinawadwad, ket idulinda coma iti biang ni Faraon dagiti bucbukel a pagtaraon cadagiti il-ili ket aywananda coma.

36Ket ti pagtaraon isunto ti maysa a penpen a sagana iti daga maipaay cadagiti pito a tawtawen ti panagbisin, nga addanto iti daga nga Egipto; tapno ti daga saanto a mapucaw gapu iti bisin.

37Ket ti panggep nacaay-ayo idi cadagiti mata ni Faraon, ken cadagiti matmata dagiti amin nga ad-adipenna.

38Ket ni Faraon kinunana cadagiti ad-adipenna, Macasaractayo aya ti maysa a lalaki a cas itoy, #Num. 27:18. Dan. 4:8, 18; 5:11, 14.lalaki nga adda kencuana ti espiritu ti Dios?

39Ket ni Faraon kinunana ken Jose, Gapu ta ti Dios inyammona amin daytoy kenca, awan ti mannacaawat ken masirib a cas kenca:

40 # Sal. 105:21. D. Ara. 7:10. Sicanto ti agturay iti balayco, ket maitutop iti saom, maiturayan dagiti amin a tattaoc: iti la trono ti pagngatngatoacto ngem sica.

41Ket ni Faraon kinunana ken Jose, Ni, insaadcan nga agturay iti amin a daga ti Egipto.

42Ket ni Faraon #Est. 3:10; 8:2, 8.iniccatna ti singsingna nga adda pagsellona iti imana, ket incabilna iti ima ni Jose, #Est. 8:15.ket pinagcawesna iti #Dan. 5:7, 29.lienzo a nalapat, ket inyuccoranna ti maysa a tanicala a balitoc;

43Ket pinaluganna iti maicadua a luganna; ket #Est. 6:9.impuccawda iti sangoananna, Agparintumengcayo: ket #Gen. 42:6; 45:8, 26.pinagturayna iti amin ti daga ti Egipto.

44Ket ni Faraon kinunana ken Jose, Siac ni Faraon, ket no awanca, awanto ti mangitagay iti imana wenno sacana iti amin ti daga nga Egipto.

45Ket ni Faraon ninagananna ni Jose a Zaphnath-paaneath; ket intedna kencuana nga asawana ni Asenath nga anac a babai ni Potiphera a padi sadi On. Ket ni Jose sinursurna ti daga nga Egipto.

46Ket ni Jose nagtawen iti tallopulo idi naidatag ken Faraon nga ari sadi Egipto. Ket ni Jose rimmuar iti saclang ni #1 Sam. 16:21. 1 Ar. 12:6, 8. Dan. 1:19.Faraon, ket napan nangsursur iti amin ti daga ti Egipto.

47Ket cadagiti pito a tawtawen a nawadwad ti apit, nagbunga ti daga cadagiti rinacrakem.

48Ket inummong na amin a pagtaraon nga adda idi iti daga ti Egipto, cadagiti pito a tawtawen, ket indulinna cadagiti il-ili ti pagtaraon: ti pagtaraon ti aw-away, nga adda idi iti arubayan ti tunggal ili, indulinna sadiay.

49Ket ni Jose indulinna dagiti bucbukel a #Gen. 22:17. Oc. 7:12. Sal. 78:27.cas la darat ti baybay, adu unay, inggana insardengna ti panangbilangna; ta di mabalinen a bilangen.

50 # Gen. 46:20; 48:5. Ket nayanacda ken Jose dagiti dua a lallaki idi di pay dimteng ti tawen a panagbisin, isuda nga inyanac kencuana ni Asenath nga anac ni Potiphera, a padi sadi On.

51Ket ni Jose ninaganna ti inauna iti Manases: Ta, kinunana, pinalipat ti Dios caniac ti amin a rigatco, ken amin ti balay ni amac.

52Ket ti nagan ti maicadua Ephraim: Ta pinarang-aynac ti Dios iti daga ti tuocco.

53Ket dagiti pito a tawtawen a caadu ti apit idiay daga ti Egipto naggibusda.

54 # Sal. 105:16. Ket nangrugida a dimteng dagiti pito a tawtawen a panagbisin, #bil. 30.a cas kinuna ni Jose: ket adda idi ti bisin iti amin a dagdaga; ngem iti amin ti daga ti Egipto adda idi ti pagtaraon.

55Ket idi amin ti daga ti Egipto nagbisin, dagiti tattao immawagda a dimmawat iti pagtaraon ken Faraon: ket ni Faraon kinunana cadagiti amin a taga Egipto, Dumanoncayo ken Jose; ti ibagana cadacayo, aramidenyo.

56Ket ti bisin nagsacnap iti amin a langa ti lubong: ket ni Jose linuctanna amin dagiti pagidulinan, ket naglaco cadagiti taga Egipto; #Gen. 42:6; 47:14, 24.ket ti bisin napalalo idi iti daga ti Egipto.

57Ket amin a dagdaga immayda iti Egipto naggatang ken Jose iti pagtaraon; ta limmalo ti bisin iti amin a lubong.

Currently Selected:

GENESIS 41: TB1973

Highlight

Copy