GENESIS 34

Da Simeon ken Levi. Ibalesda ti naaramid ken Dina. Ti Siquem a Sinamsam.

1Ket ni #Gen. 30:21.Dina nga anac a babai ni Lea, nga impasngayna ken Jacob, rimmuar, a cumita cadagiti annac a babbai ti daga.

2Ket nakita ni Siquem nga anac a lalaki ni Hamor a Heveo, a palungo ti daga; ket innalana ti babai ket nakiidda kencuana, ket pinarucmana.

3Ket ti cararuana nadecket ken Dina nga anac a babai ni Jacob, ket inayatna ti balasang, #Isa. 40:2. Os. 2:14.ket nakisao a siaayat iti balasang.

4 # Oc. 14:2. Ket ni Siquem sinaona ken Hamor nga amana ket kinunana, Yasawanac cadi iti daytoy a balasang.

5Ket ni Jacob nadamagna a ni Dina nga anacna tinulawan idi ni Siquem: ket dagiti annacna a lallaki addada idi iti away iti yan dagiti an-animal: ket nagulimec ni Jacob inggana iti isasangpetda.

6Ket ni Hamor nga ama ni Siquem, napan a makisao ken Jacob.

7Ket dagiti annac a lallaki ni Jacob naggapuda iti away idi naammoanda: ket dagiti lallaki nasicoranda, ket #Gen. 49:7.nacapungtotda unay, #Jos. 7:15. Oc. 20:6.ta nagaramid idi ni Siquem iti linalaad iti Israel, nga tinulawanna ti anac a babai ni Jacob; #bil. 31. 2 Sam. 13:12.isu a dina rebbeng ti maaramid.

8Ket ni Hamor nakisao cadacuada ket kinunana, Ti cararua ti anacco a Siquem agrayrayo iti anacyo a babai: dawatec cadacayo nga itedyo kencuana tapno asawaenna.

9Ket makiabalayancayo cadacami; itedyo dagiti annacyo a babbai cadacami, ket alaenyo dagiti annacmi a babbai.

10Ket makipagnaedcayto cadacami: #Gen. 13:9; 20:15.ket ti daga addanto iti sangoyo; iti daytoy agyancayo ken #Gen. 42:34.agsapulcayo, ket #Gen. 47:27.sapulenyo idiay dagiti tagicuaenyo.

11Ket ni Siquem kinunana iti ama ti balasang ken cadagiti cacabsatna, Macasaracac coma ti parabur cadagiti matmatayo, ket itedconto ti ibagayonto caniac.

12 # Ex. 22:16, 17. 1 Sam. 18:25. Dawatenyo uray ania a caadu ti sab-ong ken sagut, ket itdecto ti ibagayonto caniac: ngem itedyo caniac ti balasang nga asawaec.

13Ket dagiti annac a lallaki ni Jacob simmungbatda ken Siquem ken ni met Hamor nga amana babaen ti panangallilaw, ken panagsao, gapu ta tinulawanna ni Dina a cabsatda a babai,

14Ket kinunada cadacuada, Dicami mabalin nga ipaay daytoy, nga itedmi ti cabsatmi iti lalaki a di nacugit; #Oc. 6:9.ta no cadacami, maysa a lais dayta.

15No maaramidto daytoy a pagaanamongan, umannugotcamto kenca: no dacayo cascayonto cadacami a macugitcayo amin a lallaki;

16Itedminto ngarud dagiti annacmi a babbai cadacayo, ket alaenminto dagiti annacyo a babbai cadacami, ket makipagnaedcamto cadacayo, ket agmaymaysatayto nga ili.

17Ngem no didacam ipangag, a macugitcayto; alaenminto ngarud ti anacmi a babai, ket agpanawcamto.

18Ket dagiti sasaoda nacaay-ayoda cada ni Hamor, ken ni Siquem nga anac ni Hamor.

19Ket saan nga imbaybayag ti baro ti nagaramid iti daydi, ta nagayayatanna ti anac a babai ni Jacob: #1 Cron. 4:9.ket isu idi ti cadayawan unay iti balay ni amana.

20Ket ni Hamor ken ni Siquem nga anacna dimmanonda iti #Rut. 4:1.ruangan ti ilida ket nagsaoda cadagiti lallaki ti ilida, a kinunada,

21Dagitoy a lallaki natacnengda cadatayo; iti casta palubosanyo ida nga agnaed iti daga, ken #Gen. 42:34.agsapul idiay; ta adtoy, ti daga mabalinna a malaon ida; alaentayo coma dagiti annacda a babbai nga asawaentayo, ket itedtayo coma dagiti annactayo a babbai cadacuada.

22Gapu laeng itoy, ipaaydanto nga ayat ti makipagnaed cadatayo tapno agmaymaysatayo nga ili, no agcugittayo isu-amin a lallaki a cas cadacuada, cas ti pannacacugitda.

23Saan aya a dagiti vacvaca ken cucuada ken amin nga an-animalda cucuatayto ida? umannugottayo laeng cadacuada, ket makipagyandanto cadatayo.

24Ket impangagda ni Hamor ken ni Siquem nga anacna, isu-amin dagiti rimmuar iti ruangan ti ilina; ket nacugit #Gen. 23:10.tunggal lalaki, dagiti amin a rimmuar iti ruangan ti ilina.

25Ket naaramid nga, iti maicatlo nga aldaw, idi sisasakitda, dua cadagiti annac ni Jacob a da #Gen. 49:5-7.Simeon ken Levi, a cacabsat ni #Gen. 29:33, 34.Dina, tunggal maysa cadacuada innalana ti campilanna ket binusorda a siingel ti ili ket pinatayda amin a lallaki.

26Ket pinatayda ni Hamor ken ni Siquem nga anacna iti tadem ti campilan, ket innalada ni Dina iti balay ni Siquem, ket sada rimmuar.

27Dagiti annac a lallaki ni Jacob napanda cadagiti natnatay, ket sinamsamda ti ili gapu ta tinulawanda idi ti cabsatda a babai.

28Innalada dagiti carcarneroda ken calcaldingda ken vacvacada ken as-asnoda, ken ti adda iti ili, ken ti adda idi iti away;

29Ken amin a sanicuada, ken amin dagiti annacda a babassit ken assawada, innalada ida a cayaw, ket inaramidda a samsam, uray amin nga adda idi iti balay.

30Ket ni Jacob kinunana ken Simeon ken ni Levi, Dacayo #Jos. 7:25. Ex. 5:21. 1 Sam. 13:4; 27:12.pinagal-aligagetdac, ta binalindac a macarurod cadagiti agnaed ditoy a daga, cadagiti Cananeo ken cadagiti Ferezeo: #Deut. 4:27. Sal. 105:12.ket, siac idinto a bassit dagiti tattaoc, agtitipondanto a busorendac, ket dadaelendacto; ket siac mapucawacto, siac ken ti balayco.

31Ket isuda kinunada, Pagbalinennanto aya ni cabsatmi a babai a cas maysa a balangcantis?

Currently Selected:

GENESIS 34: TB1973

Highlight

Copy