GENESIS 35

Ni Jacob ibellengna dagiti Ladladawan ket mapan idiay Bethel. Ti Dios bendicionanna ni Jacob. Ti Pannacayanac ni Benjamin. Ti Ipapatay ni Raquel. Dagiti Annac a lallaki ni Jacob. Ti Ipapatay ni Isaac.

1Ket ti Dios kinunana ken Jacob, Tumacderca, inca idiay #Gen. 28:13-19.Bethel, ket agnaedca sadiay: ket mangaramidca sadiay ti maysa nga altar a maipaay iti Dios, a nagparang kenca #Gen. 27:43.idi nagtalawca ken cabsatmo nga Esau.

2Idin ni Jacob kinunana cadagiti cabbalayna, ken #Gen. 31:19, 34. Jos. 24:2, 23. 1 Sam. 7:3.cadagiti amin a nakipagyan kencuana, Iwagsacyo dagiti didiosen a sabsabali cadacayo, ket #Ex. 19:10.agdaluscayo, ket sucatanyo dagiti pagananayyo:

3Ket tumacdertayo, ket sumang-attayo idiay Bethel; #Gen. 32:7, 24.ket sadiay agaramidacto iti altar a maipaay iti Dios, a simmungbat caniac idi aldaw ti pagelco, ket #Gen. 28:20.kinadcaduaannac iti dalan a nagnagnaac.

4Ket inyawatda ken Jacob dagiti didiosen a sabsabali nga addada idi iti biangda, ken dagiti ar-aritos nga addada cadagiti laplapayagda idi; #Jos. 24:26.ket ni Jacob inlemmengna ida iti siroc ti cayo a lugo nga adda iti asideg ti Siquem.

5Ket nagnada: #Ex. 15:16; 23:27. Deut. 11:25. Jos. 2:9.ket ti panagamac iti Dios adda idi cadagiti il-ili iti caparangetda, ket saanda a simmurot cadagiti annac a lallaki ni Jacob.

6Ket dimteng ni Jacob idiay #Gen. 28:19, 22.Luza, nga adda iti daga a Canaan (daytoy isu ti Bethel), isu ken amin a tattao nga addada idi kencuana.

7Ket namangon sadiay ti maysa nga altar, ket ninaganna daydi a disso ti El-bethel; ta idiay ti nagparangan ti Dios, kencuana idi a tinalawanna ni cabsatna.

8Ket natay ni Debora nga #Gen. 24:59.yaya ni Rebeca, ket naitabon iti ruar ti Bethel iti siroc ti lugo: ket impanaganna ti #Cayatna a sawen, ti lugo ti pinagsangit.Allon-bacuth.

9Ket ti Dios nagparang manen ken Jacob, idi naggapu idiay Padan-aram, ket binendicionanna.

10Ket ti Dios kinunana kencuana, Ti naganmo Jacob: #Gen. 17:5.saanto a matawaganen ti naganmo a Jacob, #Gen. 32:28.ngem Israel ti naganmonton: ket pinanagananna iti Israel.

11Ket ti #Gen. 17:1.Dios kinunana kencuana, Siac ti Dios a Mannacabalin amin: agbungaca ket umaduca; #Gen. 17:5, 6, 16; 28:3; 48:4.ti maysa a nacion ken maysa bunggoy dagiti nasnacion agtauddanto kenca, ket ar-ari agtauddanto iti lasagmo;

12 # Gen. 12:7; 13:15; 26:3, 4; 28:13. Ket ti daga nga intedco ken Abraham ken Isaac, itdecto kenca, ken cadagiti putotmo iti calpasam itdecto ti daga.

13Ket ti Dios immuli manipud iti disso a nakisaoanna kencuana.

14 # Gen. 28:18. Ket ni Jacob namatacder iti maysa a teddec iti disso a nakisaoanna kencuana, maysa a teddec a bato: ket inbuyatna iti rabawna ti maysa a daton nga inumen, ket inbuyatna iti rabawna ti lana.

15Ket pinanaganan ni Jacob daydi a disso, a nakisaoan ti Dios kencuana, iti #Gen. 28:19.Bethel.

16Ket pimmanawda sadi Bethel; ket nawatiwat pay bassit idi ti Efrata ket ni Raquel nagpasical ket nagparigat iti panagpasngayna.

17Ket naaramid nga, idi nagparigat iti panagpasngay, kinuna ti mangngilot kencuana, Dica agbuteng; #Gen. 30:24.ta ita addanto kenca ti maysa pay nga anac a lalaki.

18Ket naaramid nga, idi nagwayaway ti cararuana (ta natay), pinanagananna iti Ben-oni: ngem ti amana impanaganna kencuana ti Benjamin.

19 # Gen. 48:7. Ket ni Raquel natay ket naitabon iti dalan sadiay #Rut. 1:2. Mik. 5:2.Efrata (daytoy isu ti Bethlehem).

20Ket ni Jacob namatacder iti maysa a teddec iti rabaw ti tanemna: daytoy ti teddec ti tanem ni Raquel #1 Sam. 10:2.agpapan ita.

21Ket ni Israel pimmanaw ket inucradna ti sapawna iti sabali a bangir ti torre ti Eder.

22 # Gen. 49:4. 1 Cron. 5:1. Ket naaramid a, bayat ti panagnaed ni Israel sadiay a daga, ni Ruben napan ket makiidda ken Bilha a cabbalay ni amana: ket naammoan ni Israel.

Dagiti annac a lallaki ni Jacob sangapuloda ket dua idi:—

23Dagiti annac a lallaki ni Lea: ni Ruben, nga inauna nga anac ni Jacob, ken #Gen. 46:8. Ex. 1:2.Simeon, ken Levi, ken Juda, ken Issachar, ken ni Zabulon;

24Dagiti annac a lallaki ni Raquel: ni Jose ken ni Benjamin;

25Ket dagiti annac a lallaki ni Bilha nga adipen ni Raquel: ni Dan ken ni Nephtali:

26Ket dagiti annac a lallaki ni Zilpa nga adipen ni Lea: ni Gad ken ni Aser: dagitoy dagiti annac a lallaki ni Jacob, a nayanacda kencuana idiay Padan-aram.

27Ket ni Jacob immay ken Isaac nga amana idiay #Gen. 13:18; 23:19.Mamre, idiay ili nga #Jos. 14:15; 15:13.Arbee (isu ti Hebron), a nagnaedan da Abraham ken ni Isaac.

28Ket dagiti al-aldaw ni Isaac sangagasut ken walopulo a tawen.

29Ket inyawat ni Isaac ti cararua, ket natay, ket #Gen. 15:15; 25:8.naitipon iti ayan dagiti capuonanna, lacay ket napnec iti al-aldaw: #Gen. 25:9; 49:31.ket ni Esau ken ni Jacob nga annacna a lallaki imponponda.

Currently Selected:

GENESIS 35: TB1973

Highlight

Copy