GENESIS 19
19
Dagiti Angel Sarungcaranda ti Sodoma. Ti Kinadakes dagiti lallaki a taga Sodoma. Naispal ni Lot. Ti Pannacadadael dagiti Ciciudad ti Tanap. Ti Pannacayanac da Moab ken Ben-ammi.
1Ket dagiti #Gen. 18:22.dua nga angel dimtengda idiay Sodoma iti malem; ket ni Lot nagtugtugaw iti ruangan ti Sodoma; ket ni Lot #Gen. 18:2.nakitana ida, ket timmacder a sumabet cadacuada; ket intamedna ti rupana iti daga;
2Ket kinunana, Adtoy ita, appoc, dawatec, cadacayo, #Heb. 13:2.umaycayo coma iti balay ti adipenyo, ket umyancayo, ket #Gen. 18:4.buggoanyo dagiti sacsacayo, ket bumangoncayto a masapa, ket mapancayo iti dalanyo. Ket kinunada, #Luc. 24:28.Saan; ngem agyancaminto nga agpacnag iti calzada,
3Ngem inuyutanna ida iti napalalo; ket napanda kencuana ket simrecda iti balayna; ket inyaramidanna ida iti maysa a daya, ket nagluto iti tinapay a di-nalevaduraan, ket nanganda.
4Ngem idi dida pay nagidda, dagiti lallaki ti ili, dagiti lallaki a taga Sodoma, bumaro man ken lumacay, amin a tattao iti amin a yan linacubda ti balay:
5 #
Isa. 3:9. Ket inayabanda ni Lot, ket kinunada kencuana, Adino ti yan dagiti lallaki nga immayda kenca ita a rabii? #Oc. 19:22.Iruarmo ida cadacami, #Rom. 1:24, 27. Jud. 7.tapno maam-ammomi ida.
6Ket rimmuar ni Lot cadacuada agingga iti ruangan, ket rinepcanna ti ruangan iti licudanna.
7Ket kinunana, Cacabsatco, dawatec cadacayo, dicayo agaramid coma iti casta a dakes.
8 #
Oc. 19:24. Adtoy ita, addada caniac dua nga annac a babbai a dida pay naam-ammo ti lalaki; dawatec cadacayo, palubosandac nga iyegco ida cadacayo, ket aramidenyo cadacuada ti pagayatanyo: isuna laeng a dicay aramiden cadagitoy a lallaki ti uray no ania, #Gen. 18:5.gapu ta immaydan iti linung ti atepco.
9Ket kinunada, Aglisica. Ket kinunada manen, Daytoy maysa a tao #2 Ped. 2:7-8.immay nga agnaed, #Ex. 2:14.ket agbalinto nga ocom: ita aramidenminto kenca ti dacdakes ngem cadacuada. Ket dinarupda ti lalaki, ni Lot, ket immasidegda a mangracrac iti rikep.
10Ngem dagiti lallaki inunnatda ti imada ket impasrecda ni Lot iti balay cadacuada, ket rinipcanda ti ruangan.
11Ket pinabulsecda dagiti lallaki nga adda iti ruangan ti balay, #D. Ara. 13:11.ubing ken lacay, man iti casta nabannogda nga agsapsapul iti ruangan.
12Ket dagiti lallaki kinunada ken Lot, Adda pay sabali kenca ditoy? Manugang a lalaki, ken annacmo a lallaki, ken babbai nga annacmo, ken uray siasino nga adda kenca iti ili; #2 Ped. 2:7, 9.ipanawmo ida ditoy a disso;
13Ta pucawenminto daytoy a disso, gapu ta ti #Gen. 18:20.ariwawada pimmigsa unay iti sango ni Jehova; ket ni Jehova imbaonnacami tapno pucawenmi ida.
14Ket ni Lot pimmanaw, ket kinasaona dagiti manugangna a nangasawa cadagiti annacna a babbai, ket kinunana, #Num. 16:21, 24, 26, 45. Apoc. 18:4.Bumangoncayo, agtalawcayo itoy a disso; ta ni Jehova pucawennanto ti ili. Ngem inawatda a casla mangrabrabac.
15Ket idi nagbanawagen, dagiti angel pinagdarasda ni Lot, a cunada, #Num. 16:21, 24, 26, 45. Apoc. 18:4.Tumacderca, alaem ta asawam, ken dagiti dua nga annacmo a babbai nga adda ditoy, di la ket ta mapucawca iti kinadakes ti ili.
16Ngem nagmayeng; ket dagiti lallaki iniggamanda ti imana, ken ti ima ti asawana, ken dagiti imima dagiti dua nga annacna a babbai, ta ni Jehova #Sal. 34:22.naasi unay kencuana: ket inruarda, ket incabilda iti ruar ti ili.
17Ket naaramid nga, idi nairuardan ida, kinunana, Agtalawca gapu iti biagmo; #bil. 26. Mat. 24:16-18. Luc. 9:62.dica taliawen ti licudam, ken dica agsardeng iti amin a Tanap; agcamangca iti bantay di la ket ta mapucawca.
18Ket ni Lot kinunana cadacuada, O, saan coma a casta, apoc:
19Adtoy ita, ti adipenmo nacasarac iti parabur cadagiti matam, ket pinadackelmo ti caasim, nga impakitam caniac iti panangispalmo iti biagco; ket diac macatalaw a mapan idiay bantay, di la ket ta macamacamnac ti dakes, ket matayac:
20Adtoy ita, daytoy nga ili asideg a pagcamangac, ket bassit, O palubosannac nga agcamang sadiay (saan aya a bassit nga ili?) ket agbiagto ti cararuac.
21Ket isu kinunana kencuana, Adtoy, #Job 42:8, 9.inanamunganca met maipuon itoy a banag, nga diac to pucawen ti ili a nasaom.
22Agdarasca, agcamangca idiay; ta awanto ti mabalinco nga aramiden agingga iti macadanonca idiay. #Gen. 14:2.Gapu iti daytoy nanaganan ti ili iti Zoar.
23Ti init naglawagen iti rabaw ti daga idi ni Lot nacadanon idiay Zoar.
24 #
Deut. 29:23. Isa. 13:19. Jer. 29:16; 50:40. Eze. 16:49, 50. Amos 4:11. Idin ni Jehova pinagtudona idiay Sodoma ken Gomorra ti azufre ken apuy, a naggapu ken Jehova manipud sadi langit;
25Ket dinadaelna dagidiay nga il-ili, ken amin ti Tanap, ken amin dagiti agnaed cadagiti il-ili, ken dagiti nagtubo iti daga.
26Ngem ti asawana timmaliaw iti nalicudanna, #Luc. 17:32.ket nagbalin a teddec nga asin.
27Ket iti agsapa ni Abraham napan immuli #Gen. 18:22.iti disso a nagyananna iti sangoanan ni Jehova:
28Ket kimmita iti Sodoma ken Gomorra, ken ti amin a daga iti Tanap, ket nakitana, ket, adtoy, ti #Apoc. 18:9.asuc ti daga nagpangato a cas la asuc ti maysa nga horno.
29Ket naaramid nga, idi pinucaw ti Dios dagiti il-ili iti Tanap, ti Dios #Gen. 8:1.nalagipna ni Abraham, ket pinapanawna ni Lot iti tengnga ti pannacapucaw, idi rineb-bana dagiti il-ili a nagnaedan ni Lot.
30Ket ni Lot nagtalaw idiay Zoar #Gen. 18:23.ket nagtaeng iti bantay, agraman dagiti dua nga annacna a babbai; ta nagbuteng a nagnaed idiay Zoar: ket nagtaeng iti maysa a rukib, isu ken dagiti dua nga annacna a babbai.
31Ket ti inauna kinunana iti inaudi, Ni amata lacayen, ket awanen ti lalaki iti daga a sumrec cadata cas iti cadawyan ti amin a daga:
32Umayca, painumenta ni amata iti arac, ket makicaiddatanto kencuana, tapno maitaginayonta ti caputotan gapu ken amata.
33Ket pinainumda ni amada iti arac iti daydi a rabii: ket simrec ti inauna, ket nakicaidda ken amana; ket isu dina naammoan idi nakicaidda, ken uray idi bimmangon ti anacna.
34Ket naaramid nga iti sumono nga aldaw, kinuna ti inauna iti inaudi, Adtoy, idi rabii calman nakicaiddaac ken amac: painumenta manen ala ti arac ita a rabii; ket sumrecca, ken makicaidda kencuana, tapno maitaginayonta ti caputotan ni amata.
35Ket pinainumda manen iti arac ni amada idi a rabii: ket timmacder ti inaudi, ket nakicaidda kencuana; ket isu dina naammoan idi nakicaidda ti inacna, ken uray idi bimmangon ti inacna.
36Iti casta nagsicug dagiti dua nga annac ni Lot, gapu ken amada.
37Ket nangyanac ti inauna iti lalaki, ket pinanaganna iti Moab: #Deut. 2:9.isu ti ama agpapan ita dagiti Moabitas.
38Ket ti inaudi, nangyanac met iti lalaki, ket pinanagananna iti Benami: #Deut. 2:19.isu ti ama nga agpapan ita dagiti annac ni Ammon.
Currently Selected:
GENESIS 19: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
