GENESIS 18

Tallo nga Angel sumarungcarda ken Abraham. Naicari manen ti maysa nga anac a lalaki. Ti Nakedngan iti Sodoma. Ti Panangibabaet ni Abraham.

1Ket ni Jehova nagparang kencuana iti caroblean ni #Gen. 13:18; 14:13.Mamre, idi adda a situtugaw iti ruangan ti sapaw, iti capudot ti aldaw,

2 # Heb. 13:2. Ket intangadna dagiti matana, ket kinitana, ket, adtoy, tallo a lallaki sitatacderda idi iti sangoananna; #Gen. 19:1.ket idi nakitana ida napan simmabet cadacuada nanipud iti ruangan ti sapaw, ket nagrucnoy agingga iti daga,

3Ket kinunana, Apoc, no ita nasaracac ti parabur cadagiti matam, dawatec kenca a dica labasan ti adipenmo:

4 # Gen. 19:2; 43:24. Luc. 7:44. Juan 13:14. Maala ita coma ti bassit a danum, ket buggoanyo dagiti sacsacayo, ket aginanacayo iti linong ti cayo:

5Ket mangyegacto iti maysa a sangcasacmol a tinapay, #Oc. 19:5. Sal. 104:15.ket pakirdenyo ti pusoyo; ket iti calpasanna, lumabascayto: #Gen. 33:10.yantangay nacadanoncayo iti adipenyo. Ket kinunada, Aramidem cas ti sinaom.

6Ket ni Abraham napan a nagdardaras ken Sara iti sapaw, ket kinunana, Agdarasca a mangisagana iti tallo a casucat ti nasayaat nga bellaay, gamayem, ket agaramidca iti tinapay.

7Ket ni Abraham nagtaray iti ayan dagiti vaca, ket nangala iti maysa nga urbon a naganus ken nasayaat, ket intedna iti adipen; ket dinardarasna nga insagana.

8Ket nangala iti mantequilla ken gatas, ken ti urbon a sinaganana, ket incabilna iti sangoda; ket isu nagtacder iti sibayda iti linong ti cayo, ket nanganda.

9Ket kinunada kencuana, Adino ti yan ni Sara nga asawam? Ket isu #Gen. 24:67.simmungbat, Adtoy, idiay sapaw.

10Ket kinunana, #bil. 14.Agpaypayso nga agsubliacto kenca iti castoy, #1 Ar. 4:16.met laeng a tiempo ket, #Gen. 17:19, 21; 21:2. Rom. 9:9.adtoy, ni Sara nga asawam aganacto iti lalaki. Ket ni Sara nagdengngeg iti ruangan ti sapaw, nga adda iti licudanna.

11 # Gen. 17:17. Rom. 4:19. Heb. 11:11, 12. Ita ni Abraham ken ni Sara lacay ken baketdan, ket adu ti napalabasdan a tawen; simmardengen ken Sara ti panagcadawyan dagiti babbai.

12 # Gen. 17:17. Ket ni Sara nagcatawa nga is-isu a cunana, #Luc. 1:18.calpasan a bimmaketacon agragsacacto, idinto a ni #1 Ped. 3:6.apoc lacay metten?

13Ket ni Jehova kinunana ken Abraham, Apayapay nagcatawa ni Sara a cuncunana, Pudno aya nga aganacacto, ket siac baketacon?

14 # Job 42:2. Jer. 32:17. Zac. 8:6. Mat. 19:26. Luc. 1:37. Adda aya banag a #bil. 10.naricut unay ken Jehova? Iti tiempo a nakedngan agsubliacto kenca, no madanon daytoy met la a tiempo, ket ni Sara addanto anacna.

15Idin ni Sara naglibac a kinunana, Saanac a nagcatawa, ta nagbuteng. Ket isu kinunana, Saan: no di ket nagcatawaca.

16Ket dagiti lallaki timmacderda idiay, ket kinitada ti Sodoma, ket ni Abraham kimmuyog cadacuada a nangitulod cadacuada iti dana.

17Ket ni Jehova kinunana, #Sal. 25:14. Amos 3:7. Juan 15:15.Ilimedconto aya ken Abraham ti aramidec;

18Idinto nga agbalinto a di bumurong ni Abraham a dackel ken napigsa a nacion, #Gen. 12:3; 22:18. D. Ara. 3:25. Gal. 3:8.ket idinto a benditonto kencuana ti isu-amin dagiti nasnacion ti daga?

19Ta siac am-ammoc, nga #Deut. 4:9, 10; 6:7. Jos. 24:15. Efe. 6:4.ibilinnanto cadagiti annacna ken iti balayna iti calpasanna, ket surotenda ti dalan ni Jehova, nga aramidenda ti kinalinteg ken pangngocom; tapno tungpalen ni Jehova ken Abraham ti nasaona kencuana.

20Ket ni Jehova kinunana kencuana, #Gen. 4:10; 19:13. Isa. 3:9. Sant. 5:4.Agsipud ta ti ariwawa ti Sodoma ken Gomorra dackel, ken gapu ta ti basolda nacaro unay;

21 # Gen. 11:5. Ex. 3:8. Umulogacto ita, ket kitaecto no cas iti ariwawada a dimmanon caniac inaramidda laeng; ket no saan, ammocto.

22Ket simmina idiay dagiti lallaki #Gen. 19:1.ket tinurongda ti Sodoma; #bil. 1.ngem ni Abraham nagtactacder pay laeng iti sangoanan ni Jehova.

23Ket ni Abraham immasideg ket kinunana, Pucawem met aya #Num. 16:22. 2 Sam. 24:17.ti nasingpet a maicanunung iti nadangkes?

24Nalabit adda limapulo a nasingpet iti uneng ti ili; pucawem met, ket dicanto ispalen ti disso maipuon cadagiti limapulo a nasingpet nga addada iti unegna?

25Adayu coma kenca ti panagaramid ti casta, a patayem ti nasingpet a maicanunung ti nadangkes, #Job 8:20.nga iti casta ti nasingpet maipada met ti nadangkes; adayu coma dayta kenca: Saan aya a #Job 8:3. Rom. 3:6.ti Ocom ti amin a daga agaramid iti nalinteg?

26Ket ni Jehova, kinunana, #Isa. 65:8. Jer. 5:1. Eze. 22:30.No masaracacto idiay Sodoma dagiti limapulo a nasingpet iti uneg ti ili, ispalecto ngarud amin daytoy a yan maipuon cadacuada.

27Ket ni Abraham simmungbat ket kinunana, #Luc. 18:1.Adtoy ita, rinugiac ti nakisao iti Apo, uray #Gen. 3:19. Job 4:19.tapucac laeng ken dapo:

28Nalabit agcurangto dagiti limapulo a nasingpet: pucawemto, maipuon cadagidiay lima nga curang, ti amin nga ili? Ket kinunana, Saanconto a pucawen, no masaracac dagiti uppat a pulo ket lima a sadiay.

29Ket nakisao manen kencuana, ket kinunana, Nalabit a masaracanto idiay dagiti uppat a pulo. Ket kinunana, Diacto aramiden gapu iti pateg dagiti uppat a pulo.

30Ket ni Abraham kinunana, O, saan coma nga agunget ti Apo, ket agsaoacto; nalabit a masaracanto idiay dagiti tallopulo. Ket kinunana, Diacto aramiden, no masaracacto dagiti tallopulo sadiay.

31Ket kinunana, Adtoy ita, #bil. 27.naiganuatco ti nakisao iti Apoc: nalabit a masaracanto idiay dagiti duapulo. Ket kinunana, Diacto pucawen gapu cadagiti duapulo.

32Ket kinunana, O #Oc. 6:39.saan coma nga agpungtot ita ti Apo, ket agsaoacto iti maminsan pay: nalabit masaracanto idiay dagiti sangapulo: Ket kinunana, #Sant. 5:16.Saanconto a pucawen gapu cadagiti sangapulo.

33Ket pimmanao ni Jehova, a nalpas ti pannakisasaona ken Abraham: ket ni Abraham nagsubli iti yanna.

Currently Selected:

GENESIS 18: TB1973

Highlight

Copy