ESDRAS 9
9
Ti panagipudno ken cararag ni Esdras.
1Idi a dagitoy a banbanag naaramidda, dagiti pangpangoloen immadanida caniac, a kinunada, Dagiti tattao ti Israel, ken dagiti papadi ken dagiti Levitas, dida #bil. 15, 21.insina dagiti bagbagida cadagiti tattao dagiti dagdaga, nga agar-aramidda a mayalubog cadagiti kinarimonda, dagiti met laeng Cananeos, dagiti Heteos, dagiti Ferezeos, dagiti Jebuseos, dagiti Ammonitas, dagiti Moabitas, dagiti Egipcios, ken dagiti #Deut. 12:30-31.Amorreos.
2Ta nagalada cadagiti #Ex. 34:16. Esd. 10:2. Neh. 10:39; 13:23, 27.annacda a babbai a maipaay cadacuada met laeng ken cadagiti annacda a lallaki, iti casta a ti #Deut. 7:6.nasantoan a bin-i #Sal. 106:35. nailaoc cadacuada met laeng cadagiti tattao dagiti dagdaga; ti ima dagiti pangoloen ken dagiti agturay isu idi ti #Neh. 2:16.nangnangrona itoy a panaglabsing.
3Ket idi a nangngegco daytoy, #Gen. 44:13. Job 1:20.pinigisco ti pagan-anayco ken ti lambonco, ket pinarutco ti buoc ti oloc ken ti imingco, ket nagtugawak nga agmalmalanga.
4Idin timmipon caniac ti tunggal maysa a #Esd. 10:3. Isa. 66:2, 5.nagkintayeg cadagiti sasao ti Dios ti Israel, a gapu iti panaglabsing dagidiay a naggapu iti pannacacayaw; ket nagtugawak nga agmalmalanga agingga iti daton iti rumabii.
5Ket iti panagdaton ti rumabii timmacderac iti #1 Ar. 18:29.panagpacumbabac a ti met laeng cawes ken lambonco a sirarayab; ket nagparintumengac, ket #1 Ar. 8:22.inyucradco dagiti imac ken Jehova a Diosco;
6Ket kinunac, O Diosco, mabainac ket mabibinegac a mangitangad iti rupac kenca, Diosco, #Sal. 38:4.ta dagiti kinadangkesmi immaduda iti rabaw dagiti ol-olomi, ket ti babacmi dimmackelda #2 Cron. 28:9.agingga cadagiti langlangit.
7Nanipud cadagidi al-aldaw dagiti ammami nagbabaccami iti casta unay agingga itoy nga aldaw; ket gapu cadagiti kinadangkesmi, dagiti ar-arimi, ken dagiti papadimi, nayawatcami, iti ima dagiti ar-ari dagiti dagdaga, iti campilan, iti pannacacayaw, ken ti pannacaagaw, ken iti #Dan. 9:7-8.simamalanga a rupa, cas itoy nga aldaw.
8Ket ita iti maysa a bassit a canito naiparangarang ti parabur gapu ken Jehova a Diosmi, tapno ibatinacami a maysa a tidda a macalapsut, ken mangted cadacami iti maysa a #Isa. 22:23, 25.lansa iti nasantoan a dissona, tapno lawagan ti Diosmi dagitimatami, ken iccannacami iti #Sal. 13:3.bassit a bang-ar iti pannacatagabumi.
9Ta dacami tagabucami; nupay casta dinacami indian ti Diosmi iti pannacatagabumi, no di ket inragpatnacami iti #Esd. 7:28.kinamanangngaasi iti imatang dagiti ar-ari ti Persia, tapno bang-arandacami tapno patacderenmi ti balay ti Diosmi, ken mangtarimaan cadagiti rebrebbana, ken mangted cadacami iti maysa a bacud iti Juda ken idiay Jerusalem.
10Ket ita, O Diosmi, anianto ti saoenmi iti calpasan daytoy? ta indianmi dagiti bilbilinmo.
11Nga imbilinmo iti pannacaaramat dagiti ad-adipenmo a mamadto, a kinunam, Ti daga a taguicuaenyo, narugit a daga a gapu iti kinarugit dagiti tattao dagiti dagdaga, gapu cadagiti kinarimonda, a nangpunno manipud iti maysa a bangir agingga iti sabali iti kinarugitda:
12Gapuna ita #Ex. 23:32. Deut. 7:3.dicayo ited dagiti annacyo a babbai cadagiti annacda a lallaki, dicayo met mangala cadagiti annacda a babbai a maipaay cadagiti annacyo a lallaki #Deut. 23:6.dicayo sapulen ti cappiada wenno ti rang-ayda iti agnanayon; tapno pumigsacayo, ken canenyo ti imbag ti daga, ket isu ti ibatiyo a maysa a tawid cadagiti annacyo iti agnanayon.
13Ket calpasan ti amin nga immay cadacami a gapu cadagiti kinadakes dagiti ar-aramidmi, ken gapu iti dackel a babacmi, idinto a sica a Diosmi dinusanacami iti babassit ngem iti carbengan dagiti kinadangkesmi, ket iniccannacami iti castoy a matda,
14Salungasingenminto manen aya dagiti bilbilinmo, ken makisinggalutcami iti pannakiasawa cadagiti tattao nga agaramid cadagitoy a kinarimon? dicanto aya agpungtot cadacami agingga iti maibuisnacami tapno awanto ti matda, wenno macalapsut?
15O Jehova, a Dios ti Israel #Neh. 9:33. Job 8:3. Sal. 119:137. Jer. 12:1. Dan. 9:14.nalintegca; ta nabaticami a nacalapsut, cas itoy nga aldaw: adtoy, addacami iti sangoanam cadagiti babacmi; ta awan ti macapagtacder iti saclangmo gapu itoy.
Currently Selected:
ESDRAS 9: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
