ESDRAS 10
10
Ti gambor a panagaassawa maidian. Lista dagiti addaan assawa a gangannaet.
1Idi bayat nga ni #Neh. 1:6. Dan. 9:20.Esdras agcarcararag ken agipudpudno, agsangsangit ken agculcul-ob iti #2 Cron. 20:9.sango ti balay ti Dios, timmipon kencuana ti maysa a dackel a gimong ti Israel dagiti lallaki, ken babbai, ken ubbing; ta dagiti tattao nagsangitda a naladingit unay.
2Ket ni Secanias nga anac a lalaki ni Jehiel, maysa cadagiti annac a lallaki ni Elam, simmungbat ket kinunana ken Esdras, Naglabsingcami a maicaniwas iti Diostayo, ken nangasawacami cadagiti babbai a gangannaet cadagiti umili iti daga: nupay casta adda inanama ita a maipaay iti Israel a maipapan itoy a banag.
3Ita ngarud agaramidtayo coma iti maysa a tulag iti Diostayo a pagtalawentayo amin dagiti assawa a babbai, ken dagiti nayanac cadacuada, a mayalubog iti patigmaan ti apoc, ken dagiti; #Esd. 9:4.agkintayeg cadagiti #Deut. 7:2-3.bilin ti Diostayo; ket maaramid coma a mayalubog iti linteg.
4Tumacderca; ta ti panggep biangmo, ket addacami kenca: tumuredca a siingel, ket agaramidca.
5Idin timmacder ni Esdras, ket pinagsapatana dagiti pangpangoloen dagiti papadi, ken dagiti Levitas, ken amin nga Israel, tapno #Neh. 5:12; 13:25.agaramidda a mayalubog itoy a sao. Iti casta nagsapatada.
6Ngarud ni Esdras timmacder manipud iti #bil. 1.sangoanan ti balay ti Dios ket napan iti sagumbi ni #Neh. 12:22, 23.Johanan nga anac a lalaki ni Eliasib: ket idi a dimteng idiay, saan a nangan iti tinapay, saan nga imminum iti danum; ta nagdung-aw a gapu iti panaglabsing dagidiay a naggapu iti pannacacayaw.
7Ket inwarragawagda iti amin a Juda ken Jerusalem cadagiti amin nga annac ti pannacacayaw, tapno aguornongda idiay Jerusalem;
8Ket ti di umay iti uneg ti tallo nga aldaw a mayalubog iti patigmaan dagiti pangpangoloen ken dagiti lallacay, mapucaw amin a cucuana, ket maisina iti gimong ti pannacacayaw.
9Idi amin dagiti lallaki ti Juda ken Benjamin naguurnongda idiay Jerusalem iti uneg dagiti tallo nga aldaw (maicasiam a bulan idi, iti maicaduapulo nga aldaw ti bulan); ket nagtugaw dagiti amin a tattao iti nalawa a disso iti sango ti balay ti Dios, nga agpigpigergerda a gapu itoy a panggep, ken gapu iti dackel a tudo.
10Ket ni Esdras a padi timmacder, ket kinunana cadacuada, Naglabsingcayo, ket nangasawacayo cadagiti gangannaet a babbai, a nangpaadu iti babac ti Israel.
11Gapuna ita #Jos. 7:19.agpudnocayo ken Jehova, a Dios dagidi ammayo, ket aramidenyo ti pacaay-ayoanna; ket suminacayo cadagiti tattao ti daga, ken cadagiti gangannaet a babbai.
12Idin simmungbat ti amin a gimong ket kinunada iti natbag a timec, Cas ti kinunam a maipapan cadacami, casta ti rebbengmi nga aramiden.
13Ngem adu dagiti tattao, ket tiempo ti adu a tudo, ket ditay mabalin ti agtacder iti ruar: ket daytoy saan la nga aramid iti maysa nga aldaw wenno dua; ta naglabsingcami iti casta unay itoy a gapu.
14Madutocan ita coma dagiti pangoloentayo a maipaay iti amin a gimong, ket umay coma amin dagiti adda cadagiti il-ilitayo a nangasawa cadagiti gangannaet a babbai cadagiti nadutucan a #Neh. 10:34; 13:31.tiempo, ket caduada dagiti lallacay ti tunggal ili, ken dagiti oc-ocomda, agingga iti mailiclic cadatayo ti nacabutbuteng a pungtot ti Diostayo, agingga iti maiwacas daytoy a panggep.
15Da laeng Jonatan nga anac a lalaki ni Asael ken Jaazias nga anac a lalaki ni Ticva ti nagtacder a maibusor itoy a panggep: ket tinulongan ida da Mesullam ken Sabetai a Levita.
16Ket dagiti annac ti pannacacayaw inaramidda a casta. Ket da Esdras a padi agraman cadagiti dadduma a pangpangoloen dagiti balbalay dagiti amma, a mayannurot cadagiti balbalay dagiti ammada, ken isuda amin gapu cadagiti nagnaganda, nailasinda; ket nagtugawda iti #bil. 9, 17.umuna nga aldaw ti maicasangapulo a bulan tapno palutputenda ti panggep.
17Ket nalpasda agraman cadagiti amin a lallaki a nangasawa idi cadagiti gangannaet a babbai iti umuna nga aldaw ti umuna a bulan.
18Ket cadagiti annac a lallaki dagiti papadi nasaracanda idi dagiti nangasawa cadagiti gangannaet a babbai: dagiti naganda, cadagiti annac a lallaki ni #Esd. 3:2.Jesua, ti anac a lalaki ni Josadec, ken dagiti cacabsatna, da Maasias, Eliezer, Jarib, ken Gedolias;
19Ket #2 Ar. 10:15.impaayda ti imada tapno pagtalawenda coma dagiti assawada a babbai; ket idinto a nacabasolda, isuda indatagda ti maysa a carnero ti #Lev. 6:6.arban a maipaay iti babacda.
20Ket dagiti annac a lallaki ni Immer: da Hanani ken Zebadias.
21Ket cadagiti annac a lallaki ni #Esd. 2:39. Neh. 10:5.Harim: da Maasias, Elias, Semeias, Jahiel, ken Ozias.
22Ket cadagitgi annac a lallaki ni Pasur: da Elioenai, Maasias, Ismael, Natanael, Jozabad, ken Elasa.
23Ket cadagiti Levitas: da Jozabad, Simi, ken Kelaia, (nga isu met laeng ni Kelita), Petaia, Juda, ken Eliezer.
24Ket cadagiti cumacanta: ni Eliasib. Ket cadagiti agaywan iti ruangan: da Sellum, Telem, ken Uri.
25Ket iti Israel: Cadagiti annac a lallaki ni Faros: da Ramia, Izzias, ken Malkias, ken Miamim, Eleazar, Malkias, ken Benaias.
26Ket cadagiti annac a lallaki ni Elam: da Matanias, Zacarias, ken Jehiel, Abdi, Jeremot ken Elia.
27Ket cadagiti annac a lallaki ni Zattu: da Elioenai, Eliasib, Matanias, ken Jeremot, Zabad, ken Aziza.
28Ket cadagiti annac a lallaki ni Bebai: da Johanan, Hananias, Zabbai, ken Atlai.
29Ket cadagiti annac a lallaki ni Bani: da Mesullam, Malluc, ken Adaias, Jasub, Seal, ken Jerimot.
30Ket cadagiti annac a lallaki ni Paat-moab: da Adna, Keleal, Benaias, Maasias, Matanias, Beseleel, Binnui, ken Manases.
31Ket cadagiti annac a lallaki ni Harim: da Eliezer, Jesue, Malkias, Semeia, Simeon,
32Benjamin, Malluch, ken Semarias.
33Cadagiti annac a lallaki ni Hasum: da Matenai, Matata, Zabad, Elifelet, Jeremai, Manases, ken Sami.
34Cadagiti annac a lallaki ni Bani: da Maadi, Amram, ken Uel,
35Benaias, Bedias, Keluhi.
36Vanias, Meremot, Eliasib,
37Matanias, Matenai, ken Jaasai,
38Ken Bani, Binnui, ken Semi,
39Ken Selemias, Natan, ken Adaias.
40Macnadbai, Sasai, Sarai,
41Azareel, ken Selemias, Semarias,
42Sallum, Amarias, ken Jose,
43Cadagiti annac a lallaki ni Nebo: da Jehiel, Matitias, Zabad, Zebina, Jadau, Joel, ken Benaias.
44Amin dagitoy nangalada idi cadagiti gangannaet nga assawa a babbai; ket dadduma cadacuada addaanda idi assawa a babbai a gapu cadacuada naaddaanda cadagiti annac.
Currently Selected:
ESDRAS 10: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
