EZEQUIEL 39
39
Ti pannacaipasag ti Gog, ken pannacaiponpon dagiti buyotna. Ti dackel a daton ni Jehova. Ti pannacaisubli ti Israel.
1Ket sica, #Eze. 28:2, 3.anac ti tao, agpadtoca a maibusor ti Gog, ket cunam, Castoy ti cuna ni Apo Jehova: Adtoy, bumusorac kenca, O Gog, principe ti Ros, Mesec, ken Tubal:
2Ket ibawingcanto, ket idalancanto, ket pasang-atencanto #Eze. 38:15.manipud cadagiti caadayoan a paspaset ti amianan; ket ipancanto iti rabaw dagiti banbantay ti Israel;
3Ket pagregregecto ti ba-im dita catigid nga imam, ket patinnagecto dagiti panam dita canawan nga imam.
4Mapasagcanto iti rabaw dagiti banbantay ti Israel, sica, ken amin dagiti adu a bonggoymo, ken dagiti il-ili a maicuyog kenca: itedcanto cadagiti managagaw a tumatayab iti amin a kita, ken cadagiti animal iti away tapno lamutendaca.
5Mapasagcanto iti nalawa a tay-ac, ta isu sinaoc, cuna ni Apo Jehova.
6Ket mangibaonacto iti apuy #Eze. 38:2.idiay Magog ken cadagidiay agnaed a sitatalged cadagiti #Eze. 27:3, 6, 7, 15.purpuro; ket mabigbigdanto a siac ni Jehova.
7Ket ti nasantoan a naganco ipacaammocto iti tengnga ti ilic nga Israel; ket diacto metten itured a ti nasantoan a naganco matabbaawan: ket dagiti nasnacion #Eze. 38:23.mabigbigdanto a siac ni Jehova, ti Santo ti Israel.
8 #
Eze. 21:7. Adtoy, isu umay, ket maaramidto, cuna ni Apo Jehova; daytoy ti aldaw a sinaoc.
9Ket dagidiay agnaed cadagiti il-ili ti Israel rumuardanto, ket #Sal. 46:9.pagsungroddanto cadagiti apuy dagiti igigam ket puuranda ida, dagiti sarapa ken calasag, dagiti ba-i ken dagiti pana, ken dagiti pica ken dagiti gayang, ket pagsungroddanto cadagiti apuy bayat iti pito a tawen:
10Ket iti casta saandanto nga alaen ti cayo iti away, ket didanto met mangpucanen ti aniaman cadagiti bacbakir; ta pagsungroddanto cadagiti apuy dagiti igigam; ket #Isa. 14:2; 17:14; 33:1.agawandanto dagiti mangagaw cadacuada, ket tacawanda dagidiay a nangtacaw cadacuada, cuna ni Apo Jehova.
11Ket mapasamacto #bil. 8:22. Isa. 2:11.iti dayta nga aldaw, nga itedconto iti Gog ti maysa a disso a pagitaneman idiay Israel, ti lobong dagidiay a lumabas iti daya ti baybay; ket pasardengennanto dagidiay a lumabas; ket idiay icalidanto ti Gog ken amin ti umariwecwecna; ket isu naganendanto ti lobong ti Hamon-gog.
12Ket pito a bulan ti panagicalcalinto ti Israel cadacuada, #Deut. 21:23.tapno madalusanda coma ti daga.
13Wen, amin ti umili ti daga agicalinto cadacuada; ket isunto cadacuada ti maysa a dayaw iti aldaw a pannacaitan-occonto, cuna ni Apo Jehova.
14Ket mangilasindanto cadagiti lallaki nga agtrabajo, a di-agsarday nga #bil. 15.agpagpagna iti daga, ken cacuyogda, dagidiay a mangicali cadagiti bangcay a mabati iti rupa ti daga, a mangdalus kencuana; isuda agbirucdanto calpasan iti pito a bulan.
15Ket dagidiay agpagpagna iti daga magnadanto; ket no adda macakita iti tulang ti maysa a tao, isu senalannanto iti dennana, agingga a dagiti agicalcali maicalida daydiay idiay #bil. 11.lobong ti Hamon-gog.
16Ket Hamona isunto ti nagan ti ili. Castoy ti panangdalusda iti daga.
17Ket sica, anac ti tao, castoy ti cuna ni Apo Jehova: Agsaoca cadagiti tumatayab iti tunggal kita, ken iti tunggal animal iti away, #Sof. 1:7.Aggigimongcayo, ket umaycayo, aguurnongcayo iti tunggal sikigan iti datonco nga idatonco gapu cadacayo, wen, maysa a dackel a daton iti rabaw dagiti banbantay ti Israel, tapno mangancayo coma iti lasag ken uminumcay iti dara.
18Canenyonto ti lasag dagiti nabileg, ken inumenyo ti dara dagiti principes ti daga, dagiti carnero a lallaki, dagiti cordero, ken calcalding, ken vaca, isuda amin #Sal. 22:12.napalucmegda idiay Basan.
19Ket mangancayto iti taba #Isa. 23:18.agingga iti mabsugcayo, ken uminumcayo iti dara agingga iti mabarteccayo, iti datonco nga indatonco a maipaay cadacayo.
20Ket mapneccayto iti lamesaanco cadagiti cabayo ken luglugan, agraman dagiti nabileg a lallaki, ken amin a lallaki ti gubat, cuna ni Apo Jehova.
21Ket isaadconto ti dayagco iti tengnga dagiti nasnacion; ket amin dagiti nasnacion makitadanto iti panangocomco nga inaramidco, ken ti imac nga indissoc iti rabawda.
22Iti casta ti balay ti Israel mabigbigdanto a siac ni Jehova a Diosda, manipud iti dayta nga aldaw ken iti casacbayan.
23Ket dagiti nasnacion maammoandanto a ti balay ti Israel napan iti pannacacayaw gapu iti kinadakesda; gapu ta naglabsingda a maicaniwas caniac, ket #Deut. 31:17.inlingedco ti rupac cadacuada: gapuna nga #Lev. 26:25.intedco ida iti ima dagiti cacaniwasda, ket napasagda isuda amin iti campilan.
24Cas mayannugot iti kinarugitda #Eze. 36:19.ken cas mayalubog cadagiti salungasingda nagaramidac cadacuada; ket inlingedco ti rupac cadacuada.
25Gapuna castoy ti cuna ni Apo Jehova: #Eze. 16:53.Ita baliwacto ti pannacacayaw ni Jacob, ket addanto caasic iti amin a #Jer. 30:3. Eze. 20:40.balay ti Israel; ket #Eze. 5:13.agimonacto gapu iti nasantoan a naganco.
26Ket #Eze. 32:24.awitendanto ti bainda, ken amin dagiti labsingda a linabsingda a maibusor caniac, intono agnaedda a sitatalged iti dagada, ket awanto ti mangbuteng cadacuada;
27Intono isublic ida manipud cadagiti il-ili, ken urnongec ida manipud cadagiti daga dagiti cabusor, ket mapasantoac cadacuada iti imatang ti adu a nasnacion.
28Ket mabigbigdanto a siac ni Jehova a Diosda, ta pinaipanco ida iti pannacacayaw cadagiti nasnacion, ket inurnongco ida iti dagada met laeng; ket awanton ti ibatic nga asinoman cadacuada idiay;
29 #
Isa. 54:8. Ket diacto metten ilinged ti rupac cadacuada; ta #Joel 2:28.imbuyatco ti Espirituc iti balay ti Israel, cuna ni Apo Jehova.
Currently Selected:
EZEQUIEL 39: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
