EZEQUIEL 38

Ti padto a maipapan iti Gog. Isu serkennanto ti Israel. Ti pungtot ti Dios a maibusor kencuana.

1Ket ti sao ni Jehova dimteng caniac, a kinunana,

2 # Eze. 39:1. Anac ti tao, isangom dayta rupam #Apoc. 20:8.idiay Gog, iti daga ti Magog, ti principe ti Ros, #Eze. 27:13.Mesec, ken Tubal, ket agipadtoca a maibusor kencuana,

3Ket cunam, Castoy ti cuna ni Apo Jehova: Adtoy, bumusorac kenca, O Gog, principe ti Ros, Mesec, ken Tubal,

4Ket pagbawingencanto #Eze. 29:4.ket mangicabilac cadagiti callawit cadagiti sangim, ket iruarcanto, ken amin ti buyotmo, cabcabayo, ken lallaki a nagsacay ti cabayo, isuda amin nacawesanda iti amin nga igam, maysa a dackel a bonggoy nga addaan sarapa ken calasag, isuda amin nagiggemda cadagiti campilan.

5 # Eze. 27:10. Ti Persia, Cus, ken Put a maicuyog cadacuada, isuda amin addaanda ti calasag ken cabal ti olo;

6 # Gen. 10:2, 3. Ti Gomer, ken amin dagiti adu a bonggoyna; ti balay ti #Eze. 27:14.Tagorma iti caadayoan a paspaset ti amianan, ken amin dagiti adu a bonggoyna; adu met laeng nga il-ili a maicuyog kenca.

7Masaganaca coma, wen, agsagana, sica, ken amin a cacuyogam a naur-urnong kenca, ket sica coma ti agbantay cadacuada.

8 # Isa. 24:22. Calpasan ti adu nga aldaw masarungcarancanto: cadagiti maudi a tawtawen umaycanto iti daga a maisubli a naggapu iti campilan, a #Eze. 34:13.maurnong manipud cadagiti adu nga il-ili, iti rabaw dagiti banbantay ti Israel, isuda a naglangalang nga agnanayon; ngem isu mairuar manipud cadagiti il-ili, ket isuda #Jer. 49:31. Eze. 28:36; 34:25, 28.agnaeddanto a sitatalged, isuda amin.

9Ket umulicanto, umaycanto a #Isa. 28:2.cas maysa a bagio, cascanto iti #Jer. 4:13.ulep a mangabbong iti daga, sica, ken amin dagiti adu a bonggoymo, ken adu nga il-ili a maicuyog kenca.

10Castoy ti cuna ni Apo Jehova: Maaramidto iti dayta nga aldaw, a mapanunotmonto dagiti banbanag, ket paltuademto ti dakes a gandat:

11Ket cunaemto, sumang-atacto iti daga ti saan a nabacudan a purpuroc; innacto cadagidiay sitatalna, nga agnaed a sitatalged, isuda amin agnaedda nga awan ti bacbacud, ket awan met dagiti balunetda wenno ruruangan;

12 # Eze. 29:19. Tapno agawec ken alaec ti samsam; tapno pakibusorec ti imam cadagiti naracrac a disdisso a mapagnaedan ita, ken maibusor iti ili a maurnong manipud cadagiti nasnacion, a nacagun-od cadagiti vaca ken cucua, nga agnaed iti tengnga ti daga.

13Ti Saba, #Eze. 27:22.ken #Eze. 25:13.Dedan, ken dagiti #Eze. 27:12.agtagtagilaco ti Tarsis, #Ex. 32:2.agraman dagiti amin nga urbonna a leon, cunaendanto kenca, Immayca aya nga agagaw? inurnongmo ti bonggoymo tapno alaem ti samsam? tapno ipanawmo ti pirac ken balitoc, tapno ipanawmo dagiti vaca ken cucua, tapno alaem ti dackel a samsam?

14Gapuna, anac ti tao, agpadtoca, ket cunam iti Gog, Castoy ti cuna ni Apo Jehova: iti dayta nga aldaw intono ti ilic nga Israel agnaed a sitatalged dicanto aya maammoan?

15Ket umaycanto manipud iti dissom a #Eze. 39:2.rumuar cadagiti caadayoan a paspaset iti amianan, sica, ken adu nga il-ili a maicuyog kenca, isuda amin sisasacayda cadagiti cabcabayo, maysa a dackel a cacuyogan ken maysa a nabileg a buyot;

16Ket sumang-atcanto a maibusor iti ilic nga Israel, a cas ulep a mangabbong iti daga: maaramidto cadagiti #bil. 8. Jer. 30:24.maud-udi nga al-aldaw a pakibusorencanto iti dagac, tapno dagiti nasnacion mabigbigdac coma, #Eze. 20:41.intono mapagsantoac kenca, O Gog, iti imatangda.

17Castoy ti cuna ni Apo Jehova: Sica aya daydi sinaoc idi unana a pannawen babaen cadagiti adipenco a mammadto ti Israel, a nagipadto cadagidi nga al-aldaw bayat ti adu a tawen a pakigubatenca cadacuada?

18Ket mapasamacto iti dayta nga aldaw, intono ti Gog umayto a maibusor iti daga ti Israel, cuna ni Apo Jehova, a ti pungtotco #Isa. 5:13.sumgedto.

19Ta iti imonco ken iti apuy ti pungtotco sinaoc, #Hag. 2:6, 7.Pudno iti dayta nga aldaw addanto dackel a gingined iti daga ti Israel;

20Iti casta dagiti ican ti baybay, ken dagiti tumatayab ti langit ken dagiti animal ti away, ken amin dagiti agcarcarayam nga agcarayam iti rabaw ti daga, ken amin dagiti tattao nga adda iti rabaw ti daga agpigergerdanto iti sangoanac, ket dagiti banbantay marbadanto, ket dagiti bacras margaaydanto, ket tunggal bacud matuangto iti daga.

21Ket mangayabacto ti campilan a maibusor kencuana agingga cadagiti amin a bantayco, cuna ni Apo Jehova: tunggal campilan ti lalaki maibusorto ti cabsatna a lalaki.

22 # Isa. 66:16. Jer. 25:31. Joel 3:2. Ket babaen ti angol ken dara isu ocomecto; ket patudoecto iti rabawna, ken cadagiti adu a #bil. 6, 9.bonggoyna, ken cadagiti adu nga il-ili nga adda kencuana, ti manglayus a tudo, ken dadackel nga uraro, apuy, ken azufre.

23Ket padayagecto ti bagic met laeng, ken #Eze. 36:23; 37:28; 39:7.pasantoecto ti bagic met laeng, ket agpacaammoacto iti imatang dagiti adu a nasnacion; ket maammoandanto a siac ni Jehova.

Currently Selected:

EZEQUIEL 38: TB1973

Highlight

Copy