EXODO 6
6
Ti Dios baliwanna dagiti carina. Capoonan ni Moises ken ni Aaron.
1Ket ni Jehova kinunana ken Moises, Ita makitamto ti aramidecto ken Faraon: #Ex. 3:19.ta babaen iti napigsa nga ima bayannanto ida a pumanaw, #Ex. 11:1.ket iti napigsa nga ima papanawennanto ida iti dagana.
2Ket ti Dios nakisao ken Moises, ket kinunana kencuana, Siac ni Jehova:
3Ket siac nagparangac ken Abraham, ken Isaac ken Jacob, #Gen. 17:1.cas Dios a Mannacabalin amin; ngem iti naganco a #Ex. 3:14; 15:2. Sal. 83:18.Jehova saandac a naammoan.
4 #
Gen. 15:18; 17:4, 7. Ket binuangayco met cadacuada ti tulagco a #Gen. 17:8.panangtedco cadacuada iti daga a Canaan, ti daga a nagnagnaanda, isu a naggangannaetanda.
5Casta met dinengngegco ti sainnec dagiti annac ti Israel, a dagiti Egipcios ad-adipnenda ida; ket linagipcon ti tulagco.
6Gapuna a saoem cadagiti annac ti Israel, Siac ni Jehova ket siac ilapsutcayto cadagiti pammarparigat dagiti Egipcios cadacayo, ket ispalencayto iti panangadipenda, ket #Ex. 15:13.subbotencayto iti siuunnat a tackiag ken cadagiti naindaclan a panangocom:
7 #
Deut. 4:20. Ket alaencayto nga ilic, ket siacto ti Diosyo: #Ex. 29:45, 46. Gen. 17:7, 8. Deut. 29:13. Apoc. 21:7.ket ammoenyonto a siac ni Jehova a Diosyo a mangilasot cadacayo cadagiti pammarparigat dagiti Egipcios.
8Ket iyegcayto iti daga nga #Gen. 14:22; 26:3.insapatac nga ited ken Abraham ken Isaac ken Jacob; ket itdecto cadayo a tawid: siac ni Jehova.
9Ket ni Moises castoy ti panangisaona cadagiti annac ti Israel: ngem isuda saanda nga impangag idi ni Moises, a maipanggep iti pagel ti nakemda, ken iti napalalo a pannacaadipen.
10Ket ni Jehova insaona ken Moises, a cunana.
11Sumrecca, saoem ken Faraon nga ari ti Egipto a bay-anna a pumanaw iti dagana dagiti annac ti Israel.
12Ket ni Moises nagsao ken Jehova a kinuna, Adtoy dagiti annac ti Israel didac met impangag idi; casano ngarud ti panangipangag, ni Faraon caniac, siac a #bil. 30. Ex. 4:10. D. Ara. 7:51. Rom. 2:29.dagiti bibbibigco saanda a nacugit.
13Ket ni Jehova nakisao cada Moises ken Aaron, ket binilinna ida iti maipaay cadagiti annac ti Israel, ken ni Faraon nga ari ti Egipto, tapno ipanawda dagiti annac ti Israel iti daga nga Egipto.
14Dagitoy dagiti pangpangolo cadagiti caputotan dagiti ammada. Dagiti #Gen. 46:9. 1 Cron. 5:3.annac a lallaki ni Ruben nga inauna ni Israel: da Hanoc, Fallu, Hezron, ken Carmi; dagitoy dagiti famfamilia ni Ruben.
15 #
Gen. 46:10. 1 Cron. 4:24. Ket dagiti annac a lallaki ni Simeon: da Jemuel, ken Jamin, ken Ohad, ken Jaquin, ken Zoar, ken Saul nga anac ti maysa a babai a Cananea; dagitoy dagiti famfamilia ni Simeon.
16 #
Gen. 46:11. Num. 3:17. 1 Cron. 6:1, 16. Ket dagitoy dagiti nagnagan dagiti annac a lallaki ni Levi a mayannurot iti caputotanda: da Gerson, Coat ken Merari; ket dagiti tawen ti panagbiag ni Levi sangagasut ket tallopulo ket pito a tawen idi.
17 #
1 Cron. 6:17; 23:7. Dagiti annac a lallaki ni Gerson: Libni ken Simei a mayannurot cadagiti famfamiliada.
18 #
Num. 26:57. 1 Cron. 6:2, 18. Ket dagiti annac a lallaki ni Coat: Amram, Isaar, Hebron, ken Uzziel; ket dagiti tawen ti panagbiag ni Coat sangagasut ken tallopulo ket tallo a tawen idi.
19Ket dagiti annac a lallaki ni Merari: da Mahali, ken Musi. Dagitoy dagiti famfamilia dagiti Levitas a mayannurot cadagiti caputotanda.
20 #
Ex. 2:1, 2. Num. 26:59. Ket ni Amram inasawana ni Jocabed a cabsat a babai ni amana; inyanacna kencuana da Aaron ken Moises: ket dagiti tawtawen ti panagbiag ni Amram sangagasut, tallopulo ket pito a tawen idi.
21 #
Num. 16:1. 1 Cron. 6:37, 38. Ket dagiti annac a lallaki ni Izar; Cora, Nefeg, ken Zicri.
22Ket dagiti annac a lallaki ni Uziel; Misael, Elzafan, ken Zicri.
23Ket ni Aaron inasawana ni Elizabet nga anac a babai ni #Mat. 1:4. Luc. 3:33.Aminadab, a cabsat a babai ni Naason; ket pinututna kencuana da #Lev. 10:1. Num. 3:2; 26:60. 1 Cron. 6:3.Nadab, Abiu, Eleazar ken Itamar.
24Ket dagiti annac a lallaki ni Core: da Asir, Elcana ken Abiasaf; dagitoy dagiti famfamilia dagiti Coritas.
25Ket ni Eleazar nga anac a lalaki ni Aaron nakiasawa iti maysa cadagiti annac a babbai ni Futiel; ket isu pinututna kencuana #Num. 25:7, 11. Jos. 24:33.ni Finees, Dagitoy dagiti pangpangolo dagiti famfamilia dagiti amma dagiti Levitas a mayannurot cadagiti caputotanda.
26Dagitoy isuda met laeng da Aaron ken Moises a nagcunaan ni Jehova, Alaenyo dagiti annac ti Israel idiay daga nga Egipto a cas #Ex. 7:4.mayannurot iti bungoyda.
27Dagitoy dagiti nakisao ken Faraon nga ari ti Egipto, tapno aonenda idiay Egipto dagiti annac ti Israel: dagitoy isuda met laeng da Moises ken Aaron.
28Ket naaramid idi aldaw a pannakisao ni Jehova ken Moises idiay daga nga Egipto,
29A ni Jehova nakisao ken Moises a cunana, Siac ni Jehova: saoem ken Faraon nga ari sadi Egipto amin nga saoec kenca.
30Ket ni Moises kinunana iti sango ni Jehova, Adtoy #bil. 12.siac a di nacugit dagiti bibigna, ket casano ti panangipangagto caniac ni Faraon?
Currently Selected:
EXODO 6: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
