Popular Bible Verses from EXODO 6

Share

Gapuna a saoem cadagiti annac ti Israel, Siac ni Jehova ket siac ilapsutcayto cadagiti pammarparigat dagiti Egipcios cadacayo, ket ispalencayto iti panangadipenda, ket subbotencayto iti siuunnat a tackiag ken cadagiti naindaclan a panangocom

Ket alaencayto nga ilic, ket siacto ti Diosyo: ket ammoenyonto a siac ni Jehova a Diosyo a mangilasot cadacayo cadagiti pammarparigat dagiti Egipcios.

Ket iyegcayto iti daga nga insapatac nga ited ken Abraham ken Isaac ken Jacob; ket itdecto cadayo a tawid: siac ni Jehova. Ket ni Moises castoy ti panangisaona cadagiti annac ti Israel: ngem isuda saanda nga impangag idi ni Moises, a maipanggep iti pagel ti nakemda, ken iti napalalo a pannacaadipen.

Ket ni Jehova kinunana ken Moises, Ita makitamto ti aramidecto ken Faraon: ta babaen iti napigsa nga ima bayannanto ida a pumanaw, ket iti napigsa nga ima papanawennanto ida iti dagana.