Popular Bible Verses from EXODO 7

Share

Ket ni Jehova kinunana ken Moises, Kitaem ta binalinca a cas Dios ken Faraon; ket ni cabsatmo nga Aaron isunto ti mammadtom.

Ket patangkenecto ti puso ni Faraon, ket paaduecto sadiay a daga nga Egipto dagiti pagilaslasinan caniac ken dagiti datdatlagco. Ngem ni Faraon saanto a dumngeg cadacayo ket isaadconto ti imac iti Egipto ket ipanawconto dagiti buybuyotco, ti ilic, dagiti annac ti Israel, manipud iti daga nga Egipto, nga aramatec dagiti dadackel a panangocom.

Ket dagiti Egipcios maamoandanto a siac ni Jehova, no ilayatco ti imac iti Egipto ken alaec dagiti annac ti Israel iti tengngada.

Idin ni Faraon nangayab met cadagiti mamasirib ken managsalamangca: ket isuda met, dagiti a managsalamangcada a taga Egipto, inaramidda met ti casdiay a salamangcada. Ta ti tunggal maysa impurruacda ti sarucodna, ket nagbalinda nga ul-uleg: Ngem ti sarucod ni Aaron inalun-unna dagiti sarucodda.

Castoy ti sinao ni Jehova, Daytoyto ti pangilasinam a siac ni Jehova: adtoy, cabilecto dagiti dandanum nga addada iti carayan, iti sarucod nga adda iti imac, ket agbalindanto a dara.

No ni Faraon saoenna coma cadacayo, a cunana, Iparangyo ti maysa a datdatlag iti biangyo; cunaemto ngarud ken Aaron, Alaem ti sarucodmo, ket ipurruacmo iti sango ni Faraon tapno agbalin nga uleg. Ket da Moises ken Aaron napanda ken Faraon, ket inaramidda, a cas ti imbilin idi ni Jehova: ket impurruac ni Aaron ti sarucodna iti sango ni Faraon ken cadagiti ad-adipenna, ket nagbalin nga uleg.