EXODO 3

Ti Dios dutokenna ni Moises a mangispal iti Israel.

1Ni Moises agay-aywan idi cadagiti an-animal ni Jetro a catuganganna a lalaki a padi idiay Madian: ket impanna ti arban iti malicudan ti let-ang, ket dimmanon iti #Ex. 4:27; 18:5; 24:13. Num. 10:33. 1 Ar. 19:8.bantay ti Dios agingga iti Horeb.

2 # Deut. 33:16. Isa. 63:9. D. Ara. 7:30, 31. Ket ti angel ni Jehova nagparang kencuana iti maysa a gilayab ti apuy iti tengnga ti maysa a cayo a bassit; ket minatmatanna, ket, adtoy a ti cayo a bassit dumardarang iti apuy, ket ti cayo a bassit saan idi a mauram.

3Ket ni Moises kinunana, Ita sumibayacto, ket kitaec daytoy dackel a buya, no ania ti gapuna a ti cayo a bassit saan a mauram.

4Ket ni Jehova idi makitana, a simmibay nga agbuya, ti Dios inaoaganna nanipud iti tengnga ti cayo a bassit ket kinunana, Moises, Moises. Ket isu kinunana, Adtoyac.

5Ket kinunana, Dica umasideg ditoy: #Jos. 5:15.iccatem dagiti zapatosmo cadagita sacsacam, ta ti disso a yanmo daga a nasantoan.

6Maysa pay kinunana, #Ex. 4:5. Gen. 28:13. Mat. 22:32. Mar. 12:26. Luc. 20:37.Siac ti Dios ni amam, ti Dios ni Abraham, ti Dios ni Isaac, ken ti Dios ni Jacob. Ket ni Moises inapputna ti rupana; ta #1 Ar. 19:13. Isa. 6:1, 5.nagbuteng a kimmita iti Dios.

7Ket ni Jehova kinunana, #Ex. 2:23, 24, 25. Neh. 9:9. Sal. 106:44.Pudno a nakitac ti ladingit ti ilic nga adda sadi Egipto, ket dinengngegco ti unnoyda gapu cadagiti managdagdag cadacuada ta ammoc dagiti leddaangda;

8Ket bimmabaacon tapno #Ex. 6:6.ilisic ida iti ima dagiti Egipcios, ken tapno ipanawco ida idiay a #Deut. 8:7, 9.daga nga ipan iti maysa a naimbag ken nalawa, iti maysa a daga a #bil. 17. Ex. 13:5. Jer. 11:5. Eze. 20:6.pagayusan ti gatas ken diro; #Gen. 15:18, 21.iti yan ti Cananeo, ken ti Heteo, ken ti Amorreo, ken ti Perezeo, ken ti Heveo, ken ti Jebuseo.

9 # Ex. 2:23. Ket ita, adtoy a ti unnoy dagiti annac ti Israel dimmanon caniac maysa pay nakitacon ti pammarparigat nga ipapaay cadacuada dagiti Egipcios.

10Umayca ngarud ita, ket ibaoncanto ken Faraon tapno ipanawmo ti ilic nga annac ti Israel iti Egipto.

11Ket ni Moises kinunana iti Dios, #Jer. 1:6.Asinoac a mapan aya ken Faraon, ken mangipanaw iti Egipto cadagiti annac ti Israel?

12Ket kinunana, #Deut. 31:23. Jos. 1:5.kinapudnona nga addaacto kenca; ket daytoyto ti pagilasinan kenca a siac imbaonca; Calpasanto ti panangalam iti ili sadi Egipto, #Ex. 19:3.agdaydayawcayo iti Dios iti rabaw daytoy a bantay.

13Ket ni Moises kinunana iti Dios, Adtoy no dumtengac cadagiti annac ti Israel, ket cunacto cadacuada, Ti Dios dagiti ammayo imbaonnac cadacayo, ket no isuda ta saludsudenda caniac, Asino ti naganna? ania ti isungbatconto cadacuada?

14Ket ti Dios kinunana ken Moises, SIAC TI SIAC: ket kinunana, castoy ti saoemto cadagiti annac ti Israel #Ex. 6:2, 3. Juan 8:58. Heb. 13:8. Apoc. 1:4; 4:8.NI SIAC ti nangibaon caniac cadacayo.

15Ket ti Dios kinunana pay ken Moises, Castoy ti saoemto cadagiti annac ti Israel, Ni Jehova a #bil. 6.Dios dagiti ammayo, a Dios ni Abraham, a Dios ni Isaac, ken Dios ni Jacob, imbaonnac cadacayo: #Sal. 135:13. Os. 12:5.daytoy ti naganco nga agnanayon, ket daytoy ti pacalaglagipac cadagiti isu-amin a caputotan.

16Inca, ket #Ex. 4:29.gimongem dagiti lallacay ti Israel, ken cunam cadacuada, Dios ni Abraham, ni Isaac, ken ni Jacob, nagparang caniac a kinunana, #Gen. 50:24. Ex. 4:31. Luc. 1:68.Kinapudnona a sinarungcarancayon, ket nakitac ti maaramid cadacayo iti Egipto:

17Ket kinunacon, Alaencayto manipud iti pammarparigat ti Egipto a ipan sadiay daga ti Cananeo, ken ti Heteo, ken ti Amorreo, ken ti Perezeo, ken ti Heveo, ken ti Jebuseo, iti maysa a daga a pagayusan ti gatas ken diro.

18 # Ex. 4:31. Ket ipangagdanto ti timecmo: #Ex. 5:1, 3.ket incanto, sica ken dagiti lallacay ti Israel, iti ari ti Egipto, ket cunayonto kencuana, Ni Jehova a Dios dagiti Hebreos #Num. 23:3, 4, 15, 16.nasaracannacami: Ket ita palubosannacami, dawatenmi kenca, nga incami iti let-ang iti bayat dagiti tallo nga aldaw, tapno aramidenmi ti daton ken Jehova a Diosmi.

19Ket ammoc a ti ari ti Egipto dinacayto palubosan a mapan, saan, saan a babaen iti napigsa nga ima.

20 # Ex. 7:13. Ket siac yunnatconto ti imac, ket dusaecto ti Egipto cadagiti amin a datdatlagco nga aramidecto iti beddengna: #Ex. 12:31.ket iti calpasanna palubosannacayto.

21 # Ex. 11:3; 12:36. Ket iccacto ti parabur daytoy nga ili iti imatang dagiti Egipcios: ket maaramidto nga intono pumanawcayo, saancayto nga agtalaw nga imaima:

22Ngem tunggal babai agkiddawto iti carrubana ken iti sangailina iti balayna, cadagiti araruaten a pirac ken araruaten a balitoc, ken pagpagan-anay: ket iyaroatyonto ida cadagiti annacyo a lallaki ken babai; ket samsamenyonto ti cucua dagiti Egipcios.

Currently Selected:

EXODO 3: TB1973

Highlight

Copy