EXODO 4

Ni Moises Awatenna dagiti pannacapatalged a pagilasinan ken carcari. Agsubli sadiay Egipto. Masabetna ni Aaron.

1Ket ni Moises simmungbat ket kinunana, Ngem, adtoy, didacto patien ket didanto imdengan ti timecco; ta cunadanto, ni Jehova, Saan a nagparang kenca.

2Ket ni Jehova kinunana kencuana, Ania dayta adda ita imam? Ket isu kinunana, #bil. 17, 20.Maysa a sarucod.

3Ket kinunana, Ipurruacmo iti daga. Ket impurruacna iti daga, ket nagbalin nga uleg; ket ni Moises inadayoanna idi.

4Ket ni Jehova kinunana ken Moises, Unnatem ta imam ket iggamam ti ipusna; (ket inyunnatna ti imana ket iniggamanna, ket nagbalin a sarucod iti imana:)

5Tapno patienda a ni Jehova a #Ex. 3:15.Dios dagiti ammada, ti Dios ni Abraham, ti Dios ni Isaac, ken Dios ni Jacob, nagparang kenca.

6Ket ni Jehova kinunana kencuana, Isucsucmo ita ti imam ita barucongmo. Ket insucsucna ti imana iti barucongna: ket idi nga iniccatna, adtoy nagcucutel ti imana, a #Num. 12:10. 2 Ar. 5:27.nagpuraw a cas la nieve.

7Ket kinunana, Isucsucmo manen ta imam iti barucongmo. (Ket insucsucna manen ti imana iti barucongna; ket idi nga iniccatna ti imana iti barucongna, adtoy ta #2 Ar. 5:14.nagsubli a cas idi lasagna a sigud.)

8Ket maaramidto a no didaca patien, wenno dida italtalec ti timec ti umuna a pagilasinan, patiendanto ti timec ti maudi a pagilasinan.

9Ket maaramidto a no didanto pay la patien dagitoy nagcadua a pagilasinan, wenno dida ipangag ti timecmo, mangalacanto iti danum ti carayan, ket ibuyatmonto iti daga a namaga: #Ex. 7:19.ket ti danum nga alaem iti carayan agbalinto a dara iti daga a namaga.

10Ket ni Moises kinunana ken Jehova, O, Apo, saanac a tao a somasao, uray idi nalabes a tiempo wenno ita ken uray nanipud idi nakisaoca itoy adipenmo; #Jer. 1:6.ta naullayatac nga agsao ket natabbed ti dilac.

11Ket ni Jehova kinunana kencuana, Asino ti nangaramid iti ngiwat ti tao? wenno asino ti mamagumel, wenno mamagtuleng, wenno mamagkita, wenno mamagbulsec ti tao? Saan aya nga siac a Jehova?

12Inca ngarud ita ta #Jer. 1:9. Mat. 10:19. Mar. 13:11. Luc. 12:11, 12; 21:14, 15.addaacto iti ngiwatmo ket isurocanto iti saoem.

13Ket kinunana, O, Apo, dawatec kenca, ibaonmo, babaen iti ima daydiay ibaonmonto.

14Ket ni Jehova simged ti pungtotna a maibusor ken Moises, ket kinunana, Awan aya ni cabsatmo nga Aaron, a Levita? Ammoc nga isu ti nalaing nga agsao. Ket maysa pay, adtoy, umaynaca sabten: ket apaman a makitanacanto, agragsacto iti pusona.

15 # Ex. 7:1, 2. Ket saoemto kencuana, ket #Num. 22:38; 23:5, 12, 16.paisaomto kencuana dagiti sasao: ket addaacto iti ngiwatmo ken iti ngiwatna, ken isurocayto iti aramidenyonto.

16Ket isunto ti pannacangiwatmo iti ili; ket maaramidto nga isunto ti ngiwatmo, #Ex. 7:1; 18:19.ket sicanto ti pannaca-Diosna.

17Ket iggamamto #bil. 2. Ex. 7:15.daytoy a sarucod, isu a pangaramidmonto cadagiti pagilaslasinan.

18Ket ni Moises napan nagsubli ken Jetro a catuganganna a lalaki, ket kinunana kencuana, dawatec kenca, Palubosannac, nga agsubli cadagiti cacabsatco nga addada sadi Egipto, bareng no addada pay a sibibiag. Ket ni Jetro kinunana ken Moises, Inca a sitatalna.

19Ket ni Jehova kinunana ken Moises idiay Madian, Inca, agsublica idiay Egipto; #Ex. 2:15, 23. Mat. 2:20.ta amin dagiti nagtarigagay iti pataymo nataydan.

20Ket ni Moises innalana ti asawana ken dagiti annacna ket insacayna ida iti maysa nga asno, ket nagsubli idiay daga nga Egipto: ket ni Moises incuyogna iti imana ti #Ex. 17:9. Num. 20:8, 9.sarucod ti Dios.

21Ket ni Jehova kinunana ken Moises, Intono agsublica sadi Egipto, kitaem ta aramidem iti saclang ni Faraon amin dagiti datdatlag nga incabilco ita imam: ngem siac #Ex. 7:13, 22; 8:15; 9:12, 35; 14:8. Deut. 2:30. Jos. 11:20. Rom. 9:18.patangkenecto ti pusona, ket dinanto palubosan ti ili.

22Ket cunamto ken Faraon, Castoy ti cuna ni Jehova, ti #Os. 11:1.Israel isu ti anacco, ti #Jer. 31:9.inauna nga anacco:

23Ket siac kinunac kenca idi, Bayam a pumanaw ti anacco, tapno agdaydayaw caniac; ket dica kinayat a pinalubosan idi: adtoy a siac #Ex. 11:5.patayeecto ti anacmo, ti inauna nga anacmo.

24Ket naaramid iti dalan iti yan a #Gen. 42:27; 43:21.pagsangsangbayan, ni Jehova #Gen. 17:14. Num. 22:22.sinaracna, ni Moises kinayatna a papatayen.

25Idin ni Zifora nangala iti bato a natadem ket kinugitna ti anacna, ket ti nageppas imbatona iti saca ni Moises; ket kinunana, Pudno a sica ti novioc iti dara.

26Iti casta ti Dios dina siningsinga. Idin ni Zifora kinunana, Sica novioca iti dara gapu iti panagcugit.

27Ket ni Jehova kinunana ken Aaron, #bil. 14.Inca sabaten ni Moises idiay let-ang. Ket napan, ket #Ex. 3:1; 18:5.sinabatna idiay bantay ti Dios, ket inagcanna.

28Ket ni Moises sinaritana ken Aaron amin dagiti sinao ni Jehova, isu a nacaibaonanna kencuana, #bil. 3-9.ken amin dagiti pagilaslasinan nga imbilinna kencuana.

29 # Ex. 3:16. Ket da Moises ken Aaron napanda inummong amin a lallacay cadagiti annac ti Israel:

30Ket ni Aaron sinaona amin dagiti sasao nga insawang ni Jehova ken Moises, ket inaramidna dagiti pagilaslasinan iti imatang ti umili.

31 # Ex. 3:18. Ket ti umili namatida: ket idi nangngegda a ni Jehova #Ex. 3:16.sinarungcaranna dagiti annac ti Israel, ket nakitanan ti pagelda, #Gen. 24:26. Ex. 12:27.nagtamedda ket nagdaydayawda.

Currently Selected:

EXODO 4: TB1973

Highlight

Copy