EXODO 14
14
Ni Faraon camatenna ti ili. Ti buyot dagiti Egipcios nadadael.
1Ket ni Jehova nakisao ken Moises, a cunana,
2Ibagam cadagiti annac ti Israel nga #Ex. 13:18, 20.agsublida ket mapanda agpacarso iti sango ti #Num. 33:7.Pilahiroth, iti nagbaetan ti #Jer. 44:1.Migdol ken ti baybay, iti sangoanan ti Baalzephon: iti sangona ti pagsardenganyo iti igid ti baybay.
3Ket ni Faraon cunananto gapu cadagiti annac ti Israel, Naipaslongda iti daga, ti let-ang impupocnan ida.
4 #
Ex. 7:3. Ket patangkenecto ti puso ni Faraon, ket camacamennanto ida; #Ex. 9:16. Rom. 9:17, 22, 23.ket madaydayaoacto gapu ken Faraon, ken cadagiti amin a buyotna; ket dagiti Egipcios #Ex. 7:5.maammoandanto nga siac ni Jehova. Ket isuda inaramidda ti casta.
5Ket nayammo idi ari sadi Egipto a nagtalaw dagiti tattao; ket ti puso ni Faraon ken dagiti ad-adipenna nagbaliw maipapan cadagiti tattao, ket kinunada, Ania daytoy nga inaramidtayo, binayantayo a pimmanao ti Israel iti panagservina cadatayo?
6Ket sinaganana ti luganna, ket incuyogna dagiti iturayanna:
7Ket incuyogna ti #Ex. 15:4. Isa. 31:1.innem a gasut a luglugan a napili, ken amin dagiti luglugan ti Egipto, ket dagiti cacapitan naglugananda ida amin.
8Ket ni Jehova pinatangkenna ti puso ni Faraon nga ari sadi Egipto, ket kinamatna dagiti annac ti Israel: #Num. 33:3.ta dagiti annac ti Israel rimmuarda babaen ti ima a mannacabalin.
9 #
Ex. 15:9. Ket dagiti Egipcios agraman amin dagiti cab-cabayo ken luglugan ni Faraon, ken dagiti caballeriana, ken ti amin a buyotna kimmamatda cadacuada ket nacamacamda ida a nagsardeng iti sibay ti baybay, abay ti pihahiroth, a sango ti Baalzephon.
10Ket idi a ni Faraon nacaasideg, dagiti annac ti Israel intangadda dagiti matada, ket adtoy a dagiti Egipcios cumamcamacamda idi cadacuada; ket nagbutengda iti casta unay: ket dagiti annac ti Israel #Jos. 24:7. Neh. 9:9.inawaganda ni Jehova.
11 #
Sal. 106:7, 8. Ket kinunada ken Moises, Gapu ta awan dagiti pagitaneman sadi Egipto, innalanacami aya tapno mataycami iti let-ang? Apayapay nga incastoynacami nga impanawnacami sadi Egipto?
12 #
Ex. 5:21; 6:9. Saan nga daytoy ti sinasaomi idi kenca sadi Egipto, a cunami, Bay-annacami tapno agservicami cadagiti Egipcios? Ta naimimbag coma nga agservicami cadagiti Egipcios ngem ti mataycami iti let-ang.
13Ket ni Moises kinunana cadagiti tattao, #2 Cron. 20:15, 17. Isa. 41:10, 13, 14.Dicayo agbuteng, agtalnacayo, ket kitaenyo ti panangispal ni Jehova nga aramidennanto cadacayo ita nga aldaw: ta dagiti Egipcios a nakitayo ita nga aldaw, uray caano dicayonto ida makitan.
14 # bil. 25. Deut. 1:30; 3:22; 20:4. Jos. 10:14; 24:23. 2 Cron. 20:29. Ni Jehova makibacalto gapu cadacayo, ket dacayo agtaengcayo a sitatalna.
15Ket ni Jehova kinunana ken Moises, Apayapay nga aw-awagannac? Saoem cadagiti annac ti Israel a magnada nga agtuloy.
16Ket sica #bil. 21, 26. Ex. 7:19.itayagmo ta sarucodmo ket yunnatmo ta imam iti baybay, ket pagbisngayem: ket dagiti annac ti Israel sumrecdanto iti pagtengngaan ti baybay iti rabaw ti daga a namaga.
17Ket adtoy, siac patangkenecto dagiti puspuso dagiti Egipcios, ket sumrecdanto a sumurot cadacuada; #bil. 4.ket maidaydayaoacto ken Faraon, ken cadagiti amin a buyotna, ken cadagiti lugluganna, ken cadagiti caballeriana.
18Ket dagiti Egipcios maammuandanto a siac ni Jehova intono madaydayaoac ken Faraon, cadagiti lugluganna, ken cadagiti caballeriana.
19Ket ti angel ti Dios a #Ex. 23:20; 32:34. Num. 20:16. Isa. 63:9.nagna iti sango ti pacarso ti Israel, immalis ket napan iti licudanda; ket ti monmon nga ulep naglisi iti sangoananda ket nagyan iti licudanda:
20Ket nagtaeng idi iti nagbaetan ti pacarso ti Egipto ken ti pacarso ti Israel; ket adda idi ulep ken sipnget, nupay casta nagraniag iti rabii: ket bayat ti nagpatnag saan a nacapagassideg ti maysa ken maysa.
21Ket ni Moises inyunnatna ti imana iti baybay; ket pinagsanud ni Jehova ti baybay gapu iti napigsa nga angin ti daya iti nagpatnag, #Sal. 66:6.ket inaramidna ti baybay a daga a namaga, #Sal. 74:13; 78:13; 106:9; 114:3. Isa. 63:12.ket dagiti dandanum nabingayda.
22Ket dagiti annac ti #Sal. 66:6. Isa. 63:13. 1 Cor. 10:1. Heb. 11:29.Israel simrecda idi nagbaetan ti baybay iti rabaw ti daga a namaga: ket dagiti dandanum isuda idi cadacuada ti maysa a bacud iti macanawan ken iti macatigid.
23Ket dagiti Egipcios kimmamacamda ket sinurotda ida agingga iti tengnga ti baybay, amin dagiti cabcabayo ni Faraon, dagiti lugluganna ken dagiti caballeriana.
24Ket napasamac nga iti #1 Sam. 11:11. Sal. 63:6; 90:4; 119:148. Mat. 24:43.parbangun, ni Jehova kinitana ti buyot dagiti Egipcios manipud iti monmon nga apuy ken ulep, ket winarana ti buyot dagiti Egipcios.
25Ket iniccatna dagiti pilpilid dagiti luluganda, ket narigat ti pananguludda cadacuada; iti casta dagiti Egipcios kinunada, Pumanawtayo iti sango dagiti Israelitas; #bil. 14, 16.ta ni Jehova isu ti pannacabagida a makibacal a bumusor cadagiti Egipcios.
26Ket ni Jehova kinunana ken Moises, Ilayatmo ta imam iti baybay tapno dagiti dandanum agsublida a mangabur cadagiti Egipcios, cadagiti lugluganda, ken cadagiti caballeriada.
27Ket ni Moises inlayatna ti imana iti baybay, ket ti baybay nagsubli iti bilegna idi a nagbannawag ti bigat; ket dagiti Egipcios intalawanda ti danum; #Ex. 15:1, 7. Deut. 11:4. Sal. 78:53.ket ni Jehova impasagna dagiti Egipcios iti nagtengngaan ti baybay.
28Ket #Heb. 3:8, 13.dagiti dandanum nagsublida, ket #Sal. 106:11.linapunusda dagiti luglugan ken dagiti caballeria, uraypay amin a buybuyot ni Faraon a simmurot cadacuada iti baybay; awan natda uray maysa cadacuada.
29Ngem dagiti annac ti Israel nagnada iti daga a namaga iti nagbaetan ti baybay; ket dagiti dandanum isuda idi ti maysa a bacud cadacuada iti imada a macanawan ken iti macatigid.
30 #
Sal. 106:8, 10. Castoy ti panangisalacan ni Jehova iti Israel iti daydi nga aldaw iti ima dagiti Egipcios; ket ti Israel nakitana dagiti Egipcios a nataydan iti igid ti baybay.
31Ket nakita ti Israel daydi naindaclan nga aramid a gapuanan #Juan 2:11; 11:45.ni Jehova a maibusor cadagiti Egipcios, ket dagiti tattao nagbutengda ken Jehova: ket namatida ken Jehova ken ni adipenna a Moises.
Currently Selected:
EXODO 14: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
