EXODO 13

Ti pannacaconsagrar dagiti inauna. Casano ti pannacaibagnos ti ili.

1Ket ni Jehova nakisao ken Moises a cunana,

2 # bil. 12, 13, 15. Ex. 34:19. Lev. 27:26. Num. 8:16, 17; 18:15. Deut. 15:19. Luc. 2:23. Santificarem caniac amin nga inauna ti uray amin a manglucat iti aanacan cadagiti annac ti Israel, tao man ken animal: isu ti cucuac.

3Ket ni Moises kinunana cadagiti tattao, #Ex. 12:42. Deut. 16:3.Laglagipenyo daytoy nga aldaw isu a panagtalawyo sadi Egipto iti balay a nacaadipnan; ta gapu iti napigsa nga ima inlapsotnacayo ni Jehova iti daytoy nga ayan; #Ex. 12:8.awanto ti macan a nalevaduraan a tinapay.

4Daytoy nga aldaw ti bulan ti #Ex. 9:31; 12:2.Abib pumanawcayo.

5Ket maaramidto, a no ni Jehova #Ex. 3:8.iserrecnacanto iti daga ti Cananeo, ken ti Heteo, ken ti Amorreo, ken ti Hebeo, ken ti Jebuseo, isu a #Ex. 6:8.sinapataanna cadagiti dadackelmo nga itedna kenca, maysa a daga a #Ex. 3:8.pagayusan ti gatas ken diro, #Ex. 12:25, 26.salimetmetamto daytoy nga annungen iti daytoy a bulan.

6 # Ex. 12:15, 16. Pito nga aldaw ti pannanganmonto iti tinapay nga awan levadurana, ket iti maicapito nga aldaw isunto ti maysa a fiesta ken Jehova.

7Cadagiti pito nga aldaw macanto ti tinapay nga awan levadurana; ket awanto a masaracan kenca ti awan levadura a tinapay, wenno saanto a makita kenca ti levadura iti amin a beddengmo.

8 # bil. 14. Ex. 12:25. Ket saritaemto iti anacmo a lalaki iti dayta nga aldaw, a cunam, Daytoy maipuon iti inaramid ni Jehova caniac idi pimmanawac sadi Egipto.

9Ket addanto maysa a #Deut. 6:8; 11:18. Mat. 23:5.pagilasinan kenca ita imam, ken maysa a pacalaglagipan iti baet dagita matam, tapno ti linteg ni Jehova adda iti ngiwatmo: ta gapu iti napigsa nga ima innalanaca ni Jehova sadi Egipto.

10 # Ex. 12:14, 24. Anansata tungpalemto daytoy nga alagaden iti tiempona iti tinawentawen.

11Ket maaramidto intono inserrecnaca ni Jehova iti daga dagiti Cananeo, cas insapatana kenca ken cadagiti dadackelmo, ket itednanto kenca,

12 # bil. 2. Ex. 34:19, 20. Nga idatagmonto ken Jehova amin a manglucat iti aanacan, ken amin a inauna a cucuam nga agtaud iti animal dagiti lallaki cucuanto ni Jehova.

13Ket iti amin nga inauna ti asno subbotemto iti cordero; ket no dicanto subboten, tuccolemto ti lengngesna: #Num. 33:6.ket amin nga inauna ti tao cadagiti annacmo a lallaki subbotemto.

14 # Ex. 12:26. Ket maaramidto a no iti masacbayan saludsudento kenca ti anacmo a lalaki, a cunana, Ania daytoy? saoemto kencuana, Iti pigsa ti ima ni Jehova innalanacami nanipud sadi Egipto iti balay a nacaadipnan:

15Ket naaramid a idi a sinukir ni Faraon ti panangpalubosna cadacami ni #Ex. 12:29.Jehova pinatayna sadiay daga nga Egipto amin nga annac a inauna, inaunaan man ti tao ken inaunaan ti animal: isu ti gapuna nga idatonco ken Jehova amin a manglucat iti aanacan, no lalaki; ngem amin nga inauna cadagiti annacco a lallaki #bil. 13.subbotec.

16Ket daytoyto ti maysa a tanda iti imam ken iti sango ti baet dagiti matam, ta gapu iti pigsa ti ima ni Jehova inruarnacami sadi Egipto.

17Ket naaramid nga idi ni Faraon pinalubosanna ti umili a pimmanaw, ti Dios dina inturong ida iti dalan ti daga dagiti Filisteos, nupay no asideg daydiay idi; ta ti Dios kinunana, #Ex. 14:11, 12. Num. 14:1, 4.Di la ket ta dagiti tattao agbabawidanto no makitada ti gubat ket agsublida sadiay Egipto.

18Ngem ti Dios inturongna dagiti tattao a #Ex. 14:2.sumiasi iti dalan ti let-ang sadiay Baybay a Nalabaga: ket dagiti annac ti Israel simmang-atda a siigam manipud iti daga nga Egipto.

19Ket ni Moises incuyogna dagiti tultulang ni Jose: ta pinagsapatana iti nainget idi dagiti annac ti Israel, a cunana, #Gen. 50:25. Jos. 24:32. D. Ara. 7:16.Ti Dios sarungcarannacayto a di agcurang; ket icuyogyonto dagiti tul-tulangco no agtalawcayo ditoy.

20 # Num. 33:6. Ket nagnada nanipud, Succoth, ken nagyanda idiay Etham, ti pagsercan iti let-ang.

21 # Ex. 14:19, 24; 40:38. Num. 9:15; 10:34; 14:14. Deut. 1:33. Neh. 9:12, 19. Sal. 78:14; 99:7; 105:39. Isa. 4:5. 1 Cor. 10:1. Ket ni Jehova nagna iti sangoda iti maysa a monmon nga ulep a mangiturong cadacuada iti dalan ket no iti rabii iti maysa a monmon nga apuy, tapno lawaganna ida; tapno macapagnada iti aldaw ken iti rabii:

22Saan a simmina iti sango dagiti tattao ti monmon nga ulep iti aldaw ken ti monmon nga apuy iti rabii.

Currently Selected:

EXODO 13: TB1973

Highlight

Copy