DEUTERONOMIO 30

Naiduma a gunamgunam ken carcari.

1Ket #Lev. 26:40, 42.maaramidto, a no #Deut. 28:11, 26.amin dagitoy a banbanag addada kenca, ti bendicion ken ti lunod nga incabilco iti sangom, ket sica #Deut. 4:29-30. 1 Ar. 8:47, 50.laglagipemto ida iti nagtengngaan dagiti amin a nasnacion a ni Jehova a Diosmo nangipananna kenca,

2Ket #Isa. 55:7. D. Un. 3:40. Joel 2:12-13.agsublicanto ken Jehova a Diosmo, ket tungpalemto ti timecna a mayannurot iti amin nga ibilinco kenca ita nga aldaw, sica ken dagiti annacmo, iti isu-amin a pusom, ken iti isu-amin a cararuam;

3Ni Jehova a Diosmo ngarud #Sal. 126:1, 4. Jer. 29:14.ibabawinanto ti pannacacayawmo, ket addanto caasina kenca, ket agsublinto ket #Jer. 32:37. Eze. 34:13; 36:24.ummongennacanto manipud iti amin nga il-ili a ni Jehova a Diosmo nangiwarasanna kenca.

4 # Neh. 1:9. No anniaman cadagiti cucuam naibelbelleng addada iti caadayuan a paspaset ti langit, manipud sadiay ni Jehova a Diosmo urnongennacanto, ket manipud idiay isangpetnacanto:

5Ket ni Jehova a Diosmo yegnacanto iti daga a tinagicua dagiti dadackelmo, ket sica ti mangtagicuanto; ket #Deut. 28:63.aramidennanto kenca ti naimbag, ken paaduennacanto iti nasursuroc ngem dagiti ammam.

6Ket ni Jehova a Diosmo #Deut. 10:16.cugitennanto ta pusom, ken ti puso ti putotmo, tapno agayatca ken Jehova a Diosmo iti isu-amin a pusom, ken iti isu-amin a cararuam, tapno agbiagca.

7Ket ni Jehova a Diosmo icabilnanto amin dagitoy a lunlunod cadagiti cabcabusormo, ken cadagiti gumurgura kenca a kimmamat kenca.

8Ket sica agsublicanto ket agtungpalcanto iti timec ni Jehova, ket aramidemto amin dagiti bilbilinna nga ibilinco kenca ita nga aldaw.

9 # Deut. 28:11. Ket ni Jehova a Diosmo aramidennacanto nga aglaplapusanan cadagiti amin a gapuanan ti imam, ken iti bunga ti bagim, ken iti bunga dagiti animalmo, ken iti bunga ti dagam, a pagimbagan; ta ni Jehova #Deut. 28:63.sublianna ti agragsac kenca iti pacaimbagan, cas ti panagragsacna idi cadagiti ammam;

10No agtulnogca iti timec ni Jehova a Diosmo, tapno salimetmetam dagiti bilbilinna ken al-alagadenna nga addada a naisurat iti daytoy a libro ti linteg; no agsublica ken Jehova a Diosmo iti isu-amin a pusom, ken iti isu-amin a cararuam.

11Ta daytoy a bilin nga ibilinco kenca ita nga aldaw saan a #Isa. 45:19; 48:16.narigat unay kenca, wenno adayu.

12 # Rom. 10:6, 8. Saan nga adda sadi langit, a pagcunaam coma, Asino ti umulinto a pannacabagitayo sadi langit, a mangyeg cadatayo ti daydiay, ken mangipangngeg cadatayo ti daydiay, tapno mabalintayo nga aramiden?

13Di met adda iti ballasiw ti taaw a pagcunaam coma, Asino ti bumallasiwto iti taaw a pannacabagitayo, ken mangyeg iti daydiay cadatayo, ken mangipangngeg iti daydiay cadatayo, tapno mabalintayo coma nga aramiden?

14Ngem ti sao asideg unay kenca ita ngiwatmo ken ita pusom tapno sungpotem.

15Kitaem, incabilco iti sangom ita nga aldaw ti biag ken ti imbag, ti patay ken ti dakes;

16Ta ibilinco kenca ita nga aldaw nga #Deut. 6:5.ayatem ni Jehova a Diosmo, a magnaca cadagiti daldalanna, ken salimetmetam dagiti bilbilinna, ken alalagadenna, ken linlintengna, tapno agbiagca, ken umaduca, ken tapno ni Jehova a Diosmo bendicionannaca iti daga nga papanam a pagtagicuaan.

17Ngem no ta #Deut. 29:18.pusom aglicud, ket sica madica a dumngeg, no di ket maigawidcanto, ket agdayawcanto iti sabsabali a didios, ket agservica cadacuada;

18Ipaduyacyacco kenca ita nga aldaw a dinto bumurong a mapucawcayto; #Deut. 4:26; 31:28.dicayto mapaatiddug dagiti al-aldawyo iti daga, idinto a lasatem ti Jordan tapno macastrecca nga agtagicua.

19Awagac ti langit ken ti daga a pagsacsi iti maicaniwas kenca ita nga aldaw nga incabilco iti sangom ti biag ken ti patay, ti bendicion ken ti lunod: isu ti gapuna a piliem ti biag tapno agbiagca, sica ken ti putotmo;

20Ti panagayat ken Jehova a Diosmo, ti #Deut. 10:20.panagtungpal iti timecna, ken ti idedecket kencuana; ta isu ti #Sal. 27:1; 66:9. Juan 11:25.biagmo, ken ti caatiddog dagiti al-aldawmo; tapno macapagnaedca iti daga a ni Jehova #Gen. 50:24.insapatana cadagiti ammam, a da Abraham, Isaac, ken Jacob, nga ited cadacuada.

Currently Selected:

DEUTERONOMIO 30: TB1973

Highlight

Copy