Popular Bible Verses from DEUTERONOMIO 30

Share

Awagac ti langit ken ti daga a pagsacsi iti maicaniwas kenca ita nga aldaw nga incabilco iti sangom ti biag ken ti patay, ti bendicion ken ti lunod: isu ti gapuna a piliem ti biag tapno agbiagca, sica ken ti putotmo; Ti panagayat ken Jehova a Diosmo, ti panagtungpal iti timecna, ken ti idedecket kencuana; ta isu ti biagmo, ken ti caatiddog dagiti al-aldawmo; tapno macapagnaedca iti daga a ni Jehova insapatana cadagiti ammam, a da Abraham, Isaac, ken Jacob, nga ited cadacuada.

Ta ibilinco kenca ita nga aldaw nga ayatem ni Jehova a Diosmo, a magnaca cadagiti daldalanna, ken salimetmetam dagiti bilbilinna, ken alalagadenna, ken linlintengna, tapno agbiagca, ken umaduca, ken tapno ni Jehova a Diosmo bendicionannaca iti daga nga papanam a pagtagicuaan.

Kitaem, incabilco iti sangom ita nga aldaw ti biag ken ti imbag, ti patay ken ti dakes

Ngem ti sao asideg unay kenca ita ngiwatmo ken ita pusom tapno sungpotem.

Ket ni Jehova a Diosmo cugitennanto ta pusom, ken ti puso ti putotmo, tapno agayatca ken Jehova a Diosmo iti isu-amin a pusom, ken iti isu-amin a cararuam, tapno agbiagca.

Ket ni Jehova a Diosmo aramidennacanto nga aglaplapusanan cadagiti amin a gapuanan ti imam, ken iti bunga ti bagim, ken iti bunga dagiti animalmo, ken iti bunga ti dagam, a pagimbagan; ta ni Jehova sublianna ti agragsac kenca iti pacaimbagan, cas ti panagragsacna idi cadagiti ammam

Ngem no ta pusom aglicud, ket sica madica a dumngeg, no di ket maigawidcanto, ket agdayawcanto iti sabsabali a didios, ket agservica cadacuada; Ipaduyacyacco kenca ita nga aldaw a dinto bumurong a mapucawcayto; dicayto mapaatiddug dagiti al-aldawyo iti daga, idinto a lasatem ti Jordan tapno macastrecca nga agtagicua.

Ta daytoy a bilin nga ibilinco kenca ita nga aldaw saan a narigat unay kenca, wenno adayu.

Saan nga adda sadi langit, a pagcunaam coma, Asino ti umulinto a pannacabagitayo sadi langit, a mangyeg cadatayo ti daydiay, ken mangipangngeg cadatayo ti daydiay, tapno mabalintayo nga aramiden?

Di met adda iti ballasiw ti taaw a pagcunaam coma, Asino ti bumallasiwto iti taaw a pannacabagitayo, ken mangyeg iti daydiay cadatayo, ken mangipangngeg iti daydiay cadatayo, tapno mabalintayo coma nga aramiden?