DEUTERONOMIO 25

Ti linteg maipapan iti panamaganac iti balo a babai a pannacabiang ti natay nga asawana. Sabsabali pay a linlinteg. Madadaelto ti Amalec.

1No addanto #Deut. 19:17.susic cadagiti tattao, ket umamangda iti pangocoman, ket dagiti oc-ocom ocomenda ida; #Prov. 17:15.panecnecandanto ngarud ti nalinteg, ket dusaendanto ti dakes;

2Ket maaramidto a no ti dakes a tao maicari a mabaot, ti ocom paipasagnanto ket pabaotnanto a bilangen iti sangona, cas mayannatup iti kinadakesna.

3 # 2 Cor. 11:24. Uppat a pulo a saplit mabalinna nga ited kencuana, dinanto surocan: di la ket ta no malabsannanto, ket baotenna iti ad-adu ngem dagitoy iti adu a saplit, iti casta maibilang ti cabsatmo a nacas-ang kenca.

4 # 1 Cor. 9:9. 1 Tim. 5:18. Dicanto bosbosalan ti vaca no agiric iti naapit.

5 # Mat. 22:24. Mar. 12:19. Luc. 20:28. No agcacanaed dagiti agcacabsat a lallaki, ket matay ti maysa cadacuada, ket awan ti anacna a lalaki, ti asawa ti natay saanto a makiasawa iti familia a sabali: ti #Gen. 38:8. Rut. 1:12-13; 3:9.cabsat ni asawana sumrecto kencuana, ket alaennanto nga asawa, ket aramidennanto kencuana ti annong ti maysa a cabsat ti asawa a lalaki.

6Ket maaramidto a ti inauna a lalaki nga #Gen. 38:9.ipasngayna, sumononto iti nagan daydi cabsatna a natay, tapno di #Rut. 4:10.mapucaw ti naganna iti Israel.

7No ti lalaki dina cayat nga alaen ti asawa daydi cabsatna, ti asawa daydi cabsatna ngarud dumanonto iti #Rut. 4:1-2.ruangan cadagiti lallacay ket cunananto, Ti cabsat ni asawac paglisianna a bangonen a maipaay ken cabsatna ti maysa a nagan iti Israel; dina cayat nga aramiden caniac ti annong ti maysa a cabsat ti asawa a lalaki.

8Iti casta dagiti lallacay ti ilina ayabandanto ti lalaki, ket casaodanto: ket no isu tumacder, ket cunana, #Rut. 4:6.Diac cayat nga alaen ti babai;

9Iti casta ti asawa daydi cabsatna umayto kencuana iti sango dagiti lallacay ket #Rut. 4:7.suctoennanto ti sapatos iti saca ni cayongna, ket tupraanna iti rupana; ket ti babai sumungbatto ket cunananto, Casta ti maaramidto iti lalaki a dina #Rut. 4:11.bangonen ti balay ti cabsatna.

10Ket iti Israel, maigaladto a naganna, Ti balay ni naucsot ti sapatosna.

11No dagiti lallaki agcacabilda, ket ti asawa ti maysa umasideg a mangicanawa ken asawana iti ima ti mangcabil kencuana, ket igammatna ti imana, ket punggusenna ti bagi nga ibainna;

12Putdemto ngarud ti ima ti babai, ti matam #Deut. 7:16.dinanto caasian.

13 # Lev. 19:36. Eze. 45:10. Awanto iti suputmo ti agduduma a titimbengan, maysa a dackel ken maysa a bassit.

14Awanto iti balaymo ti agduduma a sucatan, maysa a dackel ken maysa a bassit.

15Maysa nga apagtutop ken nalinteg a timbengan ti addanto kenca; maysa nga apagtutop ken nalinteg a sucatan ti addanto kenca; #Deut. 4:40.tapno dagiti al-aldawmo atiddugda iti daga a ni Jehova a Diosmo itedna kenca.

16Ta amin dagiti agaramid iti cacasta, amin met laeng nga agaramid iti nakillo, #Prov. 11:1.macarimonda ken Jehova a Diosmo.

17 # Ex. 17:8. Laglagipem ti inaramid kenca ti Amalec iti dalan idi naggapucayo sadi Egipto;

18No casano ti isasabatna kenca iti dalan, ken pinangsugatna iti udim, amin dagiti nacapuy idi iti licudam, idi a napacsuyan ken sibabannogca; ket isu saan a nagbuteng iti Dios.

19Isu ti gapuna a maaramidto, a no ni Jehova a Diosmo #1 Sam. 15:2-3.maitedna kenca ti inana cadagiti amin a cabusormo nga aglawlaw, iti daga a ni Jehova a Diosmo itedna kenca a tawid a pagtagicuaam, #Ex. 17:14.punasemto ti pacalaglagipan ti Amalec iti babaen ti langit; saanmonto a liplipatan.

Currently Selected:

DEUTERONOMIO 25: TB1973

Highlight

Copy