DEUTERONOMIO 24
24
Linlinteg a maipapan iti panagsina dagiti agaassawa; cadagiti maipautang, tangtangdan, panangapit.
1No ti #Mat. 5:31; 19:7. Mar. 10:4.maysa a lalaki mangala iti maysa a babai ket asawaenna, maaramidto ngarud a no ti babai dina masaracan ti parabur cadagiti mata ni lalaki, gapu ta ti lalaki nasaracanna kencuana ti maysa nga aramid a di-tumutop, isuratannanto ti pacdaar ti panagsina ket ipaiggennanto iti imana, ket papanawennanto iti balayna.
2Ket no ti babai napapanaw iti balay ni lalaki, mabalinna ti mapan makiasawa iti sabali a lalaki.
3Ket no ti naudi a nangasawa gumura kencuana, ket isuratanna ti pacdaar ti panagsina, ket ipaiggenna iti imana, ket papanawenna iti balayna; wenno no ti naudi a nangasawa matay, isu a nangala kencuana tapno asawaenna;
4 #
Jer. 3:1. Daydi immuna nga asawana isu a namapanaw kencuana, dina mabalin a sublian nga alaen, tapno asawaenna, calpasan ti pannacamulitna; ta dayta ti kinarimon iti sango ni Jehova; ket dicanto pagbasolen ti daga nga ni Jehova a Diosmo itdena kenca a tawiden.
5 #
Deut. 20:7. No ti maysa a lalaki caas-asawa na dinto mapan agsoldado, castamet a saanto a maican iti annongen nga uray ania: agwayawayanto iti balay iti maysa a tawen ket ragragsakennanto ti asawana nga innalana.
6Awanto ti tao a mangala a salda iti gilingan, wenno iti akinngato a bato ti gilingan: ta isu #Deut. 20:19.alaenna a salda ti pagbiag ti maysa a tao.
7 #
Ex. 21:16. No ti maysa a tao masalamaan nga agtacaw iti siasino cadagiti cacabsatna nga annac ti Israel ket aramidenna a cas maysa nga adipen, wenno ilacona: dayta a nagtacaw matayto ngarud: #Deut. 19:19.casta ti panangiccatmonto ti dakes iti tengngam.
8Annadam no adda #Lev. 13–14.sakit a cucutel nga agawaan a tungpalen ken aramiden ti mayannurot iti isu-amin nga isuro cadacayo dagiti papadi a Levitas: ti cas imbilinco cadacuada, isu ti tungpalenyonto nga aramiden.
9Laglagipenyo ti inaramid ni Jehova a Diosmo #Num. 12:10.ken Miriam iti dalan idi a naggapucayo sadi Egipto.
10No ipabolodmo iti padam a tao ti uray ania nga ipautang, dicanto sumrec iti balayna a mangala iti isaldana.
11Agyancanto iti ruar, ket ti tao a pautangam yegnanto iti ruar ti maisalda kenca.
12Ket no isu napanglaw a tao, dicanto maturog a siaadda kenca ti insaldana;
13 #
Ex. 22:26. Di agcurang nga isublimto kencuana ti insaldana no lumnec ti init, tapno maiturogna ti cawesna, ket #Job 29:13.bendicionannaca: ket daytoy isunto ti #Sal. 112:9. Dan. 4:27.kinalinteg kenca iti sango ni Jehova a Diosmo.
14 #
Lev. 6:2. Dicanto parigaten ti maysa a mangmangged, nga napanglaw ken macasapol, uray cadagiti cacabsatmo, wenno cadagiti gangannaet nga adda iti dagam nga uneg dagiti ruruanganmo:
15Iti aldawna #Lev. 19:13. Jer. 22:13.itedmonto ti tangdanna, a dinto malnecan ti init; (ta isu napanglaw, ket isadagna ti pusona iti dayta); di la ket ta #Deut. 15:9. Sant. 5:4.umawag ken Jehova iti maicaniwas kenca, ket maysanto a basol kenca.
16 #
2 Ar. 14:6. 2 Cron. 25:4. Jer. 31:29-30. Eze. 18:20. Dagiti amma didanto mapapatay gapu cadagiti annac, wenno dagiti annac didanto mapapatay gapu cadagiti amma: tunggal tao mapapatayto gapu iti basolna met laeng.
17 #
Ex. 22:21-22. Isa. 1:23. Jer. 5:28. Dicanto pakilloen ti calintegan a carbengan ti gangannaet, wenno iti ulila, wenno awaten a saldaen ti pagan-anay ti balo a babai;
18Ngem #Deut. 5:15.laglagipemto a maysaca idi nga adipen idiay Egipto ket ni Jehova a Diosmo sinubbotnaca sadiay: isu ti gapuna nga ibilinco kenca nga aramidem daytoy a banag.
19 #
Lev. 19:9. Intono aniem ti apitmo iti talonmo, ket nalipatam ti maysa a bettec iti talonmo, dicanto sublian nga alaen: daytoy maipaayto iti gangannaet, iti ulila, ken iti balo a babai; tapno ni Jehova a Diosmo bendicionannaca iti amin nga aramid dagiti imam.
20Intono aprasem ti cayom nga oliva dicanto sublien a pendaen dagiti sangsanga: maipaayto iti gangannaet, iti ulila ken iti balo a babai.
21Intono burasem dagiti uvas iti cauvasam, dicanto #Lev. 19:10.adasen: bagiento ti gangannaet, ti ulila, ken ti balo a babai.
22Ket #bil. 18.laglagipemto a maysaca nga adipen idi iti daga nga Egipto: isu ti gapuna nga ibilinco kenca nga aramidem daytoy a banag.
Currently Selected:
DEUTERONOMIO 24: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
