DANIEL 11

Ti tao ipadtona ti panaggubat ti Persia ken Grecia, ken ti amianan ken abagatan a pagpagarian.

1Ket no maipapan caniac, #Dan. 9:11.idi damo a tawen ni Dario a Medo, timmacderac a mamasingked ken mangpapigsa kencuana.

2Ket ita iparangconto kenca ti pudno. Adtoy, bumangonto pay laeng dagiti tallo nga ar-ari iti Persia, ket ti maicapat nabacbacnangto nga adayu ngem isuda amin: ket intono nagbalinen a napigsa a gapu iti kinabacnangna gargariennanto amin a maibusor iti pagarian ti Grecia.

3Ket #Dan. 7:6; 8:5, 21.maysa a napigsa nga ari bumangonto, nga agarinto iti dackel a panagturay, ket aramidennanto ti cas pagayatanna.

4Ket intono nabangonen, ti pagarianna #Dan. 8:8, 22.maburacto ken mabingbingayto a maiwaras cadagiti uppat nga angin ti langit, ngem saan nga iti putotna, ken saan met a mayannurot iti panagturayna idi, ta ti pagarianna magabutto a maipaay cadagiti sabsabali malacsid pay dagitoy.

5Ket ti ari ti abagatan napigsanto, ken maysa cadagiti principena; ket daytoy napigpigsanto ngem daydiay ket addanto pagturayanna; ti pagturayanna dackelto a pagturayan.

6Ket iti panungpalan dagiti tawen isuda agtipondanto; ket ti babai nga anac ti ari ti abagatan umayto iti ari ti amianan a mangaramid iti tulag: ngem isu dinanto mataginayon ti pigsa ti tackiagna; ket ti ari ti abagatan dinto met agtaginayon wenno ti tackiagna; no di ket ti anacna a babai mayawatto, ken dagiti nagyeg kencuana, ken ti nagputot kencuana, ken ti nangpapigsa kencuana cadagita a pannawen.

7Ngem iti saringit dagiti ramutna ti maysa bumangonto iti saadna, isu nga umayto a bumusor iti buyot, ken sumrecto iti sarikedked ti ari ti amianan, ket busorennanto ida, ket mangabacto.

8Ket casta met dagiti didiosda agraman cadagiti sinocog a ladladawanda, ken cadagiti nalibnos nga al-alicamenda a pirac ken balitoc cayawannanto nga ipan idiay Egipto; ket isu baybay-annanto bayat ti sumagmamano a tawen ti ari iti amianan.

9Ket isu umayto iti pagarian ti ari ti abagatan, ngem agsublinto iti dagana met laeng.

10Ket dagiti annacna a lallaki gumubatdanto, ket mangurnongdanto iti umariwecwec a buybuyot, nga umaydanto, ket agsacnapdanto, ket aglasatdanto, ket agbawingdanto ket gubatendanto agingga iti sarikedkedna met laeng.

11Ket ti ari ti abagatan matignayto iti pungtot, ket rumuarto ket makigubatto kencuana, iti met laeng ari ti amianan; ket ibartaynanto ti umariwecwec a tattao, ket mayawatto dagidi umariwecwec a tattao iti imana.

12Ket ti umariwecwec a tattao macayawandanto, ket ti pusona tumangsitto, ket itappuacnanto dagiti linaclacsa, ngem isu dinto mangabac.

13Ket ti ari ti amianan agsublinto ket mangibartayto iti umariwecwec a tattao nga ad-adu ngem iti immuna, ket isu umayto iti panungpalan dagiti pannawen, a dagiti met laeng tawtawen, nga addaan iti dackel a buyot ken adu a kinabacnang.

14Ket cadagidiay a pannawen adunto ti tumacder a bumusor iti ari ti abagatan: casta met dagiti annac dagiti nauyong cadagiti il-ilim bumangondanto a #D. Ara. 13:27.mangpasingked iti sirmata; ngem isuda mapasagdanto.

15Gapuna a ti ari ti amianan umayto, ket mangbangonto iti gabsuon, ket alaennanto ti ili a nasarikedkedan unay: ket dagiti buybuyot iti abagatan didanto mabalin ti agtacder, uray met dagiti napili a tattaona, ket awan met ti uray aniaman a bileg a gumaway.

16Ngem daydiay umay a bumusor kencuana aramidennanto ti mayanatup iti pagayatanna met laeng, ket awanto ti agtacder iti saclangna; ket isu agtacderto iti nadayag a daga, ket iti imana addanto pannacadadael.

17Ket isangonanto ti rupana nga umay agraman iti pigsa ti amin a pagarianna, ket icuyogna ti nalinteg a tulagen; ket aramidennanto ida: ket itdennanto iti ari ti abagatan ti anac a babai dagiti babbai a mangdadael kencuana; ngem ti anac a babai saanto nga agtacder, ket saan met nga agtalinaed kencuana.

18Calpasan daytoy italiawnanto ti rupana cadagiti purpuro, ket tagicuaennanto iti adu; ngem maysa a principe ti mangpasardengto iti pacaumsian nga inaramidna; wen, ket saan laeng a dayta, pasubliennanto ti pacaumsian nga agpaay kencuana.

19Calpasanna italiawnanto ti rupana cadagiti sarikedked ti dagana met laeng; ngem isu maitibcolto ket mapasag #Job 20:8. Sal. 37:36. Eze. 26:21.ket saanto a masaracanen.

20Iti casta bumangonto iti saadna ti maysa a mangpalabas iti managsamsam iti buis iti kinasayaat ti pagarian, ngem iti calpasan ti sumagmamano nga aldaw isu madadaelto, saan a gapu iti pungtot, ket saan met a gapu iti gubat.

21Ket iti saadna bumangonto ti maysa a tao nga awan ti cais-canna, isu idi a dida nangtedan iti dayaw ti pagarian: ngem isu umayto iti pannawen ti kinatalged, ket gun-odennanto ti pagarian cadagiti panangpaspasablog.

22Ket dagiti manglapunos a buyot malapunosdanto iti saclangna, ket maburacdanto; wen, casta met ti principe ti tulag.

23Ket iti calpasan ti singgalut a naaramid kencuana, isu agaramidto a sigugulib; ta isu ngumatonto ken agbalinto a napigsa babaen ti bassit a tattao.

24Iti pannawen ti kinatalged umayto cadagiti met laeng catabaan a disso ti provincia; ket aramidennanto dayta di inaramid dagiti ammana uray dagidi amma dagiti ammana; isu iwarananto cadacuada ti sinamsam, inagaw, ken kinabacnang; wen, pakinacmennanto dagidi sicatna a maibusor cadagiti sarikedked iti bassit a pannawen.

25Ket tignayennanto ti pannacabalin ken kinaturedna a maibusor iti ari ti abagatan agraman maysa a dackel a buyot; ket ti ari iti abagatan makigubatto iti paggugubatan agraman maysa a dackel unay ken nabileg a buyot; ngem isu dinto agtacder; ta pakinacmendanto dagiti sicsicat a maibusor kencuana.

26Wen, dagidiay mangan cadagiti naimas a canenna isu ti rebbekendanto, ket ti buyotna #bil. 10, 22.mawarawaranto; ket adu ti mapasag a mapapatay.

27Ket no maipapan cadagiti dua nga ar-ari dagiti puspusoda addadanto nga agaramid iti ranggas, ket agsaodanto cadagiti ulbod iti maysa a lamesaan; ngem saanto a rumang-ay; ta ti panungpalan addanto pay laeng iti nakedngan a pannawen.

28Iti casta isu agawidto iti dagana agraman iti adu a kinabacnang; ket ti pusona maibusorto iti nasantoan a tulag; ket aramidennanto ti pagayatanna, ket agawidto iti bucodna a daga.

29Iti nakedngan a pannawen isu agturongto manen iti abagatan; ngem saanto a cas iti immun-una a pannawen iti maud-udi.

30Ta umayto dagiti sasacayan ti Kitim a maibusor kencuana; gapuna nga isu agleddaangto, ket agsublinto, ket addanto pungtotna a maibusor iti nasantoan a tulag, ket aramidennanto ti pagayatanna: ket agsublinto met laeng, ket addanto panangicancanona cadagidiay a mangidian iti nasantoan a tulag.

31Ket dagiti buybuyot agtacderdanto a tumipon kencuana, #Dan. 12:11.ket bassawangandanto ti nasantoan a balay, uray pay ti sarikedked, ket iruardanto ti di agsarday a daton a mapuuran, ket isaaddanto ti nacarurrorod a mangwalangwalang.

32Ket cadagidiay agaramid a sidadangkes a maibusor iti tulag pagbassawangannanto ida a gapu cadagiti panangpaspasablog; ngem dagiti tattao a bigbigenda ti Diosda napigsadanto ken agaramiddanto iti nacascasdaaw.

33Ket dagiti mamasirib cadagiti tattao sursuroandanto ti adu; nupay casta mapasagdanto a gapu iti campilan ken iti darang, gapu iti pannacacayaw ken pannacacayaw iti adu nga al-aldaw.

34Ngem intono mapasagda, mabadangandanto iti bassit a tulong; ngem adunto ti tumipon cadacuada a buyogen ti panangpasablog.

35Ket dadduma cadagidiay a mamasirib #Dan. 12:10. Zac. 13:9.mapasagdanto tapno mangpalinis cadacuada, ken manggugor, ken mangpapudaw cadacuada agingga met laeng iti pannawen a pannacatungpal, ta maipaay pay laeng iti nakedngan a pannawen.

36Ket ti ari agaramidto iti cas mainugot iti pagayatanna; ket itan-ocnanto ti bagina met laeng, ken #2 Tes. 2:4.padackelenna ti bagina met laeng iti ngato ti amin a didios, ket agsaonto cadagiti nacascasdaaw a banbanag a maibusor #Deut. 10:17.iti Dios dagiti didios; ket rumang-ayto agingga iti matungpal ti pungtot; ta daydiay nakedngan maaramidto.

37Ket dinanto met icancano dagiti didios dagiti ammana ken ti tarigagay dagiti babbai, ket dina met icancano ti aniaman a didios; ta isu padackelennanto ti bagina met laeng iti ngatoda amin.

38Nupay casta iti saadna dayawennanto ti dios dagiti sarikedked, ket maysa a dios a saan a naammoan dagidi ammana dayawennanto babaen iti balitoc, ken pirac ken cadagiti napateg a batbato, ken cadagiti macaayayo a banbanag.

39Ket agaramidto iti maibusor cadagiti capigsaan a sarikedked babaen ti tulong ti sangsangaili a didios: siasinoman a mangbigbig kencuana padackelennanto ti dayagna, ket pagturayennanto ida iti ngatoen ti adu, ket bingbingayennanto ti daga nga gapu iti gunguna.

40Ket iti pannawen a #bil. 35.pannacatungpal ti ari iti abagatan makigubatto kencuana; ket ti ari ti amianan umayto a bumusor kencuana a #Zac. 9:14.cas maysa nga alawig agraman cadagiti luglugan ken tattao a sicacabayo ken adu a sasacayan; ket sumrecto cadagiti dagdaga, ket agsacnapto, ket lasatennanto ida.

41Isu sumrecto met iti nagloriaan a daga, ket adunto ti ili a marebba; ngem dagitoy maispaldanto iti imana: ti #Isa. 11:14.Edom ken ti Moab ken ti panguloen dagiti annac ni Ammon.

42Yunnatnanto met ti imana cadagiti dagdaga; ket ti daga nga Egipto saanto a malacsid.

43Ngem addanto pannacabalinna cadagiti gameng a balitoc ken pirac, ken iti mina a napateg iti Egipto; ket dagiti taga Libia ken taga Etiopia makipagnadanto cadagiti ad-addangna.

44Ngem dagiti damdamag nga aggapu iti daya ken iti amianan mangriribucdanto kencuana; ket rumuarto a sirurungsot unay a mangrebbec ket talipupusennanto dagiti adu.

45Ket ipasdecnanto dagiti toltolda ti palaciona iti nagbaetan #Esd. 47:18, 19.ti baybay ken ti nagloriaan ken nasantoan #Dan. 9:16, 20.a bantay; nupay casta umayto ti paggibusanna, ket awanto ti bumadang kencuana.

Currently Selected:

DANIEL 11: TB1973

Highlight

Copy