DAGITI ARAMID 8

Ti Evangelio idiay Samaria.—Ni Simon a managsalamangca.

1Ket ni Saulo inanamunganna ti ipapatay ni Esteban. Ket cadagidi nga aldaw naaramid ti maysa a dackel a pannacaidadanes ti Iglesia nga adda idi sadi Jerusalem; ket naiwarawarada #D. Ara. 11:19.amin cadagiti dagdaga ti Judea ken #D. Ara. 1:8.Samaria, malacsid dagidi apostol.

2Ket dagiti lallaki a nasingpet intanemda ni Esteban ket nagdungdung-awda a maigapu kencuana.

3Ngem ni Saulo #D. Ara. 9:1, 13, 21.pinarparigatna ti Iglesia, ket simsimrec cadagiti amin a balay; ket nagtiltiliw cadagiti lallaki ken babbai ket inpupocna ida iti pagbaludan.

4 # D. Ara. 11:19. Dagidi ngarud naiwarawara, napanda cadagiti amin a luglugar nga incascasabada ti sao ti Dios.

5Ket simmalog ni #D. Ara. 6:5; 21:8.Felipe iti ili a Samaria ket impacaammona cadacuada ni Cristo.

6Ket dagiti adu a tattao nagmaymaysada a nangipangag cadagiti banag a sasaoen ni Felipe, idi nangngegda ken nakitada dagiti pagilasinan nga inaramidna.

7Ta cadagiti #Mar. 16:17.adu nga addaan espiritu a narugit, rimmuarda #Mat. 3:29.nga nagririaw ti napigsa: ket adu dagiti saan a macagunay ken pilay a naagasan.

8Ket adda idi ti dackel a ragsac iti daydi nga Ili.

9Ngem idi nagnaed idiay nga Ili ti maysa a managan Simon, a nagararamid ti salamangca ket #D. Ara. 13:6.pinagsidsiddaawna dagiti tattao ti Samaria, a cuncunana nga isu dackel a tao:

10Isu a pinatida amin idi, nanipud iti cabassitan agingga iti cadackelan, a cuncunada: Daytoy #D. Ara. 14:11; 28:6.a tao isu daydi pannacabalin ti Dios, a managan Dackel.

11Ket isu patienda idi, ta gapu cadagiti salsalamangcana pinagsiddaawna ida iti adu nga aldaw.

12Ngem idi namatida ken Felipe a mangicascasaba idi #D. Ara. 1:3.ti naimbag a damag ti pagarian ti Dios ken ti nagan ni Jesu-Cristo, lallaki ken babbai nabautizaranda.

13Uray ni Simon namati met idi, ket idinto a nabautizaran, simmurot ken Felipe: ket idi makitana dagiti datdatlag ken dadackel a pannacabalin, nagmalmalanga.

14Ket #bil. 1.dagidi apostol idiay Jerusalem, idinto a nadamagda a ti Samaria inawatna ti sao ti Dios, imbaonda cadacuada #D. Ara. 3:1; 4:13, 19.da Pedro ken Juan:

15Isuda a simmalog ket incarcararaganda ida; #D. Ara. 2:38.tapno awatenda coma ti Espiritu Santo;

16Ta agingga idi, awan #D. Ara. 19:2.pay binabaanna iti uray siasino cadacuada, no di ket nabautizaranda #Mat. 28:19. D. Ara. 10:48; 19:5.laeng iti nagan ni Apo Jesus.

17Idin impatayda #D. Ara. 6:6; 19:6. Heb. 6:2.cadacuada dagiti imimada ket inawatda ti Espiritu Santo.

18Ket agsipud ti nakita ni Simon a gapu iti panangipatay dagiti apostol cadagiti imimada, ket naited ti Espiritu Santo, ingay-atanna ida ti pirac.

19A cuncunana: Itedyo met caniac daytoy a pannacabalin, tapno uray siasino a pangipatayac cadagiti imimac, awatenna ti Espiritu Santo.

20Ngem ni Pedro kinunana kencuana: Mapucaw coma ti piracmo a maicanunong kenca, ta #2 Ar. 5:16. Dan. 5:16, 17.pinanunotmo a magun-odan ti parangcap ti Dios gapu iti pirac.

21Awan ti bagim wenno gundawaymo itoy a banag; ta ti pusom saan a nalinteg iti imatang ti Dios.

22Pagbabawiam ngarud daytoy a kinadakesmo ket cumararagca iti Apo, bareng mapacawan dayta panunot ti pusom.

23Ta makitac nga #Deut. 29:18. Mat. 27:34.addaca iti pait ti apro ken iti cawar ti kinadakes.

24Ket idi simmungbat ni Simon, kinunana: #Sant. 5:16.Idawdawatandac iti Apo tapno awan coma cadagiti banag a sinaoyo ti umay caniac.

25Isuda ngarud, iti calpasan ti panangpanecnecda ken panangicascasabada iti sao ti Apo, nagsublida sadi Jerusalem, ket incascasabada ti evangelio cadagiti adu a purpuro dagiti taga Samaria.

Ni Felipe ken daydi eunuco a taga Etiopia.

26Ket #bil. 5.ti maysa nga angel ti Apo kinasaona ni #D. Ara. 12:7.Felipe, a cuncunana: Tumacderca ket inca iti Abagatan, idiay dalan a pagsalugan manipud Jerusalem agingga idiay Gaza, isu a let-ang.

27Ket isu timmacder, ket napan: ket adtoy, maysa a tao a taga Etiopia, maysa nga #Tao a nacapon.eunuco, mannacabalin babaen ni Candace, a reina dagiti taga Etiopia, isu nga agaywan iti isu-amin a gamengna, a #1 Ar. 8:41, 42. Juan 12:20.napan nagcararag sadi Jerusalem;

28Ket nagawid ket situtugaw iti luganna, ket basbasaenna ti libro ni mammadto nga Isaias.

29Ket ti Espiritu kinunana ken Felipe: Umasidegca ket makicuyogca itoy a lugan.

30Ket timmaray ni Felipe kencuana, ket nangngegna nga agbasbasa iti libro ni mammadto nga Isaias ket kinunana: Maawatam ti basbasaem?

31Ket kinunana kencuana: Casano ti pannacabalinco no awan ti mangisuronto caniac? Ket kiniddawna ken Felipe a lumugan ken makicatugaw kencuana.

32Ket ti paset ti surat a basbasaenna, isu daytoy: #Isa. 53:7, 8.Naipan iti pagpartian a cas la carnero a cabayan; ken cas la urbon ti carnero nga agumel iti sangoanan ti mamukis kencuana, casta a dina luctan ti ngiwatna:

33Iti panagpacumbabana iniccatda ti calinteganna: asino ti mangipaduyacyacto iti caputotanna? Ta ti biagna maiccat ditoy daga.

34Ket simmungbat ti eunuco ken Felipe, ket kinunana: Dawatec kenca, asino ti pangisaoan ni mammadto iti daytoy; isu met laeng, wenno adda sabali?

35Ket ni Felipe nagsao #Luc. 24:27.ket idinto a rinugianna maniyud itoy a surat, incasabana kencuana ti evangelio ni Jesus.

36Ket idi magmagnada iti dalan, dimtengda iti maysa a danum; ket kinuna ti eunuco: Adtoy ti danum; ania ti macapawil caniac a mabautizaran?

37(Ket kinuna ni Felipe: No patiem iti amin a pusom, mabalinmo. Ket simmungbat ket kinunana: Patiec a ni Jesu-Cristo isu ti #Mat. 14:38.Anac ti Dios:)

38Ket imbilinna a pagsardengenda ti lugan: ket immulogda a dua idi danum da Felipe ken ti eunuco, ket binautizaranna.

39Ket idi simmang-atdan iti danum, ti Espiritu ti Apo inyadayona ni Felipe, ket daydi eunuco saanna a nakitan ket siraragsac a nagtuloy iti dalanna.

40Ngem ni Felipe nasaracan idiay Azoto: ket idi a lumablabas sadiay, incasabana ti evangelio cadagiti amin nga Il-ili agingga iti nacagteng idiay #D. Ara. 8:3.Cesarea.

Currently Selected:

DAGITI ARAMID 8: TB1973

Highlight

Copy