DAGITI ARAMID 7
7
1Ket kinuna daydi cangatoan a padi: Casta nga agpayso dagitoy?
2Ket isu simmungbat: Lallaki a #D. Ara. 22:1.cacabsat ken amma, denggenyo: Ti Dios ti gloria nagparang ken amatayo nga Abraham, idi adda idiay Mesopotamia, idi #Gen. 11:31.saanpay a nagnaed sadi Haran,
3Ket kinunana kencuana: #Gen. 12:1.Pumanawca iti dagam ken cadagiti cacabagiam ket umayca iti daga nga isurocto kenca.
4Iti casta #Gen. 12:4, 5.pimmanaw iti daga dagiti taga Caldea, ket naggian idiay Haran; ket manipud sadiay, idi natay ni amana, isu nayalis itoy a daga, a pagnaedanyo ita:
5Ket isu dina, iniccan ti tawid ditoy, uray pagbatayan la coma ti saca; #Gen. 12:7; 13:15; 15:3, 18; 17:8.ngem incarina kencuana nga iyawatnanto daytoy a daga kencuana ken cadagiti putotna a sumuno kencuana, idinto nga awan pay anacna.
6Ket nagsao ti Dios ti castoy: #Gen. 15:13, 14.Dagiti putotna agnaeddanto iti daga a gangannaet, ket tagaboendanto ida ket parparigatenda ida iti uppat a gasut a tawen.
7Ngem siac ocomecto, kinuna ti Dios, ti nacion a pagserviandanto: ket iti calpasan daytoy, pumanawdanto #Ex. 3:12.ket agservidanto caniac itoy a disso.
8Ket intedna kencuana ti tulag #Gen. 17:9, 12.ti pannacacugit: ket iti casta ni Abraham pinutotna ni Isaac, ket isu kinugitna iti maicawalo nga aldaw: ket ni Isaac pinutotna ni Jacob, ket ni Jacob pinutotna met dagiti sangapulo ket dua a patriarca.
9Ket #Gen. 37:4, 11, 28.dagiti patriarca, idi nga inapalanda ni Jose, inlacoda tapno maipan idiay Egipto; ngem ti Dios adda kencuana,
10Ket inalawna cadagiti isu-amin a tuocna, ket #Gen. 41:37, 40; 42:6.iniccanna ti saguday ken sirib iti sangoanan ni Faraon, ari sadi Egipto; isu a nangisaad kencuana a Gobernador ti Egipto ken ti isu-amin a balayna.
11Ket immay idi ti bisin ken ti dackel a rigat iti amin nga Egipto ken iti Canaan; ket dagidi ammatayo dida nacasarac cadagiti pagtaraon.
12Ngem idi nangngeg ni Jacob #Gen. 42:1-3.nga adda trigo sadi Egipto, imbaonna nga immuna dagidi ammatayo.
13Ket iti maicadua, ni Jose nailasin dagidi cacabsatna, ket naammoan ni Faraon ti capuonan ni Jose.
14Ket #Gen. 45:9, 27.nangibaon ni Jose ket pinaalana ni amana a Jacob, ken #Gen. 46:26.isu-amin a cacabagianna, a pito pulo ket lima a tao.
15Ket ni Jacob bimmaba sadi Egipto; #Gen. 49:33.ket natay, isu ken dagidi ammatayo;
16Ket #Gen. 50:25. Ex. 13:19.nayalisda sadi Siquem, ket naicabilda iti tanem a #Gen. 23:16; 33:19.ginatang ni Abraham iti pateg ti pirac cadagidi annac ni Hamor, idiay Siquem.
17Ngem agsipud ta immasidegen #Gen. 15:13, 16.ti aldaw ti cari nga impaay nga inted ti Dios ken Abraham, #Ex. 1:7.ti umili dimmackel ken immadu sadi Egipto,
18Agingga iti timmaud ti sabali nga ari sadi Egipto a dina amammo ni Jose.
19Daytoy inaramatna dagiti dakes a pamuspusan iti capuonantayo, ket pinarigatna dagiti ammatayo, #Ex. 1:22.tapno ibel-lengda dagiti tagibida, tapno dida agbiag.
20Idi a tiempo #Ex. 2:2.nayanac ni Moises, ket nalibnos unay: ket nataraken iti tal-lo a bulan iti balay ni Amana:
21Ngem idi a naibel-leng, daydi babai nga anac ni Faraon, isu innalana ket tinarakenna a cas anacna.
22Ket nasursuroan ni Moises iti amin a kinasirib dagiti taga Egipto; ket mannacabalin idi cadagiti sao ken aramidna.
23Ngem idi nganngani #Ex. 2:11, 12.uppat a pulo ti tawennan timmubo iti pusona ti tarigagay a sumucnal cadagiti cacabsatna, nga annac ti Israel.
24Ket agsipud ta nacakita ti maysa cadacuada a napagsasaoan, isu insalacanna, ket imbalesanna daydi napaldaangan, a pinatayna daydi taga Egipto:
25Ket isu inpapanna a dagiti cacabsatna naawatanda a ti Dios itdennanto cadacuada ti pannacaisalacan gapu iti imana; ngem saanda a naawatan.
26Ket iti sumuno nga aldaw, nagparang cadacuada idi madamada nga agriringgor, ket pagcappiaenna coma ida a cunana: Lallaki, agcacabsatcayo: apayapay agririnnanggascayo iti maysa ken maysa?
27Ngem daydi mangranggas iti padana a tao, isu induronna, a kinuna; Asino ti nangicabil kenca a panguloen ken mangocom cadacami?
28Cayatnac aya a papatayen a cas iti panangpapataymo idi calman iti daydi Egipcio?
29Ket iti daytoy a sao, ni Moises nagtalaw #Ex. 2:22; 4:20; 18:3, 4.ket napan a nagnaed a cas gangannaet iti daga ti Madian, isu a nangputotanna ti dua nga annac.
30Ket idi naturpos ti uppat a pulo a tawen, nagparang kencuana #Ex. 3:2.ti maysa nga angel iti let-ang ti bantay Sinai iti maysa a gil-ayab ti apuy iti maysa a #Cayo a bassit a siitan.zarza.
31Ket idi nakita ni Moises, nagsiddaawanna daydi nagpakita; ket idi nga immasideg tapno matmatanna, nangngegna ti maysa a timec ti Apo:
32 #
Ex. 3:6. Siac ti Dios dagiti ammam, ti Dios ni Abraham ken ni Isaac ken ni Jacob. Nagpigerger ni Moises, ket dina naitured ti kimmita.
33Ket kinuna kencuana ti Apo: Iccatem dagiti pal-loca cadagiti sacsacam, ta ti disso a nagtacderam, daga a nasantoan.
34Naimatangac ti pannacaparigat dagiti tattaoc nga adda sadi Egipto ket dinengngegco ti asugda, ket bimmabaac tapno isalacanco ida. Ket ita, umayca, ibaoncanto sadi Egipto.
35Daytoy met laeng Moises, isu a dida inawat a cunada: Asino ti nangicabil kenca a panguloen ken ocom? Isu ti imbaon ti Dios a cas panguloen ken mannubbot #Num. 20:16.agraman tulong ti ima ti angel a nagparang kencuana idi zarza.
36Daytoy #Ex. 12:41; 33:1.a tao inruarna ida idinto a nagaramid #Ex. paset 7-11. Sal. 105:27, 36.cadagiti nacascasdaaw ken datdatlag idiay Egipto ken idiay taaw a Nalabaga, ken idiay let-ang iti uppat a pulo a tawen.
37Daytoy isu daydi Moises, a nagcuna cadagiti annac ti Israel: Ti Apo a Diosyo ibangonannacayto ti #Deut. 18:15. D. Ara. 3:22.mammadto, cadagiti cacabsatyo, a cas caniac; isu denggenyonto.
38Daytoy daydi naggian iti gimong idiay let-ang a kinadcaddua #bil. 53. Isa. 63:9.ti angel a makisasao kencuana idiay bantay Sinai, ken agraman dagidi ammatayo; isu nga immawat #Rom. 3:2.cadagiti sao ti biag tapno itdenna cadatayo:
39Isu a saan a kinayat a sinurot dagidi ammatayo; no di ket isu tinallicudanda, ket nagsubli dagiti pusoda sadi Egipto.
40A cuncunada ken Aaron: #Ex. 32:1.Iyaramidannacami cadagiti didios a mamangulo cadatayo, ta daytoy Moises, a nangala cadatayo idiay daga ti Egipto, dicam ammo no ania ti naaramid kencuana.
41Ket nangaramidda ti maysa a sinan #Ex. 32:4-6.urbon ti vaca, cadagidi nga aldaw, ket nangidayada ti daton iti ladawan a diosen ket nagayayatanda dagidi aramid dagiti imimada met laeng.
42Ngem ti Dios timmal-licud, ken binaybayanna #Sal. 88:12.ida, tapno agrucbabda iti bongoy iti tangatang cas adda a naisurat iti libro dagiti mammadto. #Amos 5:25-27.Indatonandac aya cadagiti animal a napapatay ken datdaton, idiay let-ang iti uppat a pulo a tawen, O balay ti Israel?
43Ket binangonyo ti abong-abong ni #1 Ar. 11:7.Moloch, casta met ti bituen ni diosen a Refam: ladladawan nga inaramidyo tapno pagrucbabanyo ida: ket ipancayto iti labes ti Babilonia.
44 #
Num. 17:7. Ti #Tolda wenno Abongabong.Tabernaculo ti Pangpanecnec naggian cadagidi ammatayo idiay let-ang isu nga inaramid ni #Ex. 25:40.Moises, cas catulad ti nakitana nga impakita ti Dios kencuana.
45Isu nga idi nasublat met dagidi ammatayo agraman ni #Heb. 4:8.Josue, inserrecda, idi naalada dagidi nacion, a pinapanaw ti Dios iti sangoanan dagidi ammatayo, agingga cadagidi aldaw ni David;
46Isu a nacasarac ti parabur iti sangoanan ti Dios ket #1 Cron. 22:7.dinawatna a sumapul ti pagnaedan a maipaay iti Dios ni Jacob.
47Ket ni Salomon imbangonanna ti maysa a balay.
48 #
1 Ar. 8:27. Nupay casta ti Cangatoan #D. Ara. 17:24.saan nga agnaed cadagiti balay nga inaramid dagiti ima, a cas cuna ti mammadto:
49Ti langit ti tronoc, #Isa. 66:1, 2.ket ti daga ti pagbatayan dagiti sacsacac: Ania a kita ti balay ti bangonenyonto a maipaay caniac? Cuna ti Apo; Wenno, ania a disso ti paginanaac?
50Saan aya nga inaramid ti imac amin dagitoy nga adda?
51O #Deut. 10:16.dacayo a natangken a teltel ken saan a nacugit iti puso ken pagdengngeg; agnanayon a sukirenyo ti Espiritu Santo: no casano dagidi ammayo castacay met.
52Asino cadagidi mammadto ti #2 Cron. 36:16. Mat. 21:35.saan nga indadanes dagidi ammayo? ket pinatayda dagidi nangipacpacauna a nangipacaammo ti iyaay ti #D. Ara. 3:14.Nalinteg, isu ita a liniputan ken pinatayyo;
53Dacayo a nangawat ti linteg babaen #bil. 38. Deut. 33:2. Gal. 3:19.cadagiti angel, ket dicay tinungpal.
54Ket idi nangngegda dagitoy a banag, nasakitan ti pusoda ket ngarngaretngetenda dagiti ngipenda.
55Ngem isu, idinto #D. Ara. 6:5.a sipupunno iti Espiritu Santo, ket sipeperreng dagiti matana sadi langit, nakitana ti dayag ti Dios, ken ni Jesus nga agtatacder #Sal. 110:1.iti macanawan ti Dios,
56Ket kinunana: Adtoy, a kitkitaec dagiti langit a silulucat ken ti Anac ti tao nga agtatacder iti macanawan ti Dios.
57Ngem nagariwawada ti napigsa, inappotda dagiti lapayagda, ket naminpinsanda a dimmuclos kencuana:
58Ket isu #Num. 15:35. Mat. 21:39.pinaruarda iti ciudad ket #Mat. 8:29. Lev. 24:16.inuborda; ket #Deut. 13:9, 10; 17:7. D. Ara. 6:13.dagiti sacsi incabilda dagiti pagananayda cadagiti sacsaca ti maysa a baro, a nanagan Saulo.
59Ket inuborda ni Esteban, nga umaw-awag ken cuncunana: Apo Jesus, #Sal. 31:5.awatem toy cararuac.
60Ket nagparintumeng, ket iti napigsa a timec immawag: #Luc. 23:34.Apo, dica ipabaclay cadacuada daytoy a basol. Ket idi nasaona daytoy, naturogen.
Currently Selected:
DAGITI ARAMID 7: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
