DAGITI ARAMID 17

Ni Pablo idiay Tesalonica ken Berea.

1Ket idi a linabasanda ti Amfipolis ken Apolonia, dimtengda idiay #D. Ara. 20:4; 27:2. 1 Tes. 1:1. 2 Tes. 1:1.Tesalonica, isu a yan ti sinagoga dagiti Judio.

2Ket ni Pablo, cas ugalina, #D. Ara. 13:14.simrec cadacuada, ket cadagiti tallo nga aldaw a panaginana nakisupsuppiat cadacuada iti #D. Ara. 8:35; 18:28; 28:23.maipapan cadagiti Sursurat,

3Nga impalawagna ken imparangarangna #Luc. 24:32.a masapul nga agsagaba ni Cristo ket agungar cadagiti natay, ket daytoy Jesus, isu nga ipacaammoc cadacayo, kinunana, isu ti Cristo.

4Ket dagidi dadduma cadacuada namatida ket nakitiponda cada Pablo ken Silas; ken dackel a caadu dagiti nasingpet a #Juan 12:20.Griego, ken saan a bassit a babbai a natan-oc.

5Ngem dagidi Judio, idi nga nagagumda, nangalada cadagiti dakes a tattao cadagiti plaza ket idi nangurnongda cadagiti tattao, riniribucda ti Ili ket idi a rinautda ti balay ni Jason, inagawaanda ida nga ipan coma cadagiti tao.

6Ket idi a dida nasaracan ida, ginuyodguyodda ni Jason ken dadduma a #bil. 10, 14.cacabsat iti sangoanan dagiti agturay ti Ili, nga iyic-ickisda: #D. Ara. 16:20.Dagitoy a mangriribuc iti lubong, immayda met ditoy;

7Isuda a pinagdagus ni Jason: ket amin dagitoy agaramidda iti maisalungasing cadagiti bilbilin ni Cesar, a cuncunada nga adda sabali nga ari, nga isu ni Jesus.

8Ket riniribucda ti umili ken dagidi agturay ti Ili iti pannacangngegda cadagitoy a banag.

9Ket idi nacaalada ti fianza cada Jason ken dagidi dadduma, pinalubosanda ida.

10Ket dagus a dagidi cacabsat #Mat. 10:23.imbaonda da Pablo ken Silas iti rabii idiay Berea; ket idi nacagtengda idiay, simrecda iti sinagoga dagiti Judio.

11Ket dagitoy natactacnengda ngem dagiti adda idiay Tesalonica, ta inawatda ti sao a nadardaras unay; inaldaw a sinucsukimatda dagiti sursurat, no pudno dagitoy a banag.

12Iti casta namati dagiti adu cadacuada; ken cadagiti babbai #D. Ara. 13:50.a natan-oc a taga Grecia, ken cadagiti lallaki nga adu.

13Ngem idi a naammoan dagidi Judio sadi Tesalonica nga idiay met Berea icascasaba ni Pablo ti sao ti Dios, napanda met idiay a sinulsulbogda ken riniribucda dagidi adu a tao.

14Ket idin, #bil. 10.dagidi cacabsat imbaonda a dagus ni Pablo a mapan iti taaw: ket da Silas ken #D. Ara. 16:1.Timoteo nagbatida sadiay.

15Ken dagidi nanguyog ken Pablo, a #D. Ara. 15:3.nangipan idiay Atenas; idi a naawatda ti bilin a maipaay cada Silas ken Timoteo a napanda coma kencuana iti madardaras unay a cas mabalin, nagluasda.

Ni Pablo idiay Atenas; dagiti palawagna idiay Areopago.

16Ket bayat ti panagururay ni Pablo cadacuada idiay Atenas, daydi nakemna maririboc iti panagbuybuyana iti ciudad a napno cadagiti saan a pudno a didiosen.

17Gapuna nakisupsuppiat #bil. 2, 10.idiay sinagoga #D. Ara. 18:4, 19; 19:8, 9.cadagidi Judio ken cadagidi #bil. 4.nasingpet a tattao; ken inaldaw a nakisuppiat cadagidi nacasarac kencuana iti plaza.

18Ket dagiti met dadduma cadagiti filosofo nga Epicureo ken Estoico, nakisupsuppiatda kencuana; ket dagiti dadduma kinunada: Ania ti cayat a sawen daytoy agsalsalawasaw? Ket dagiti dadduma cunada met: Cas la maysa a manangicasaba cadagiti gangannaet a diosen; ta incascasabana ni Jesus ken ti #D. Ara. 4:2.panagungar.

19Ket isu innalada, ket isu impanda iti #Cangatoan a pangocoman dagiti taga Atenas idi.Areopago, a cuncunada: Mabalinmi nga ammoen no ania daytoy baro a sursuro a sasaoem?

20Ta yegmo cadagiti lapayagmi dagiti banag a dipay nangnangngeg: cayatmi ngarud nga ammoen no ania ti cayat a saoen daytoy.

21(Ket ita amin dagidi taga Atenas ken dagiti gangannaet nga agnaed idiay, awan ti sabali a sangoenda no di agsao wenno agdengngeg idi baro a banag).

22Ket timmacder ni Pablo iti tengnga idiay Areopago ket kinunana: Lallaki a taga Atenas, iti isu-amin a banag makitac a managdaydayawcayo unay cadagiti didiosen.

23Ta iti ilalabasco ken panangkitac cadagiti carcararaganyo, nacasaracac met ti maysa nga altar a yan daytoy a surat: MAIPAAY ITI DIOS A DI AMMO. Daydiay ngarud daydayawenyo a dicay ammo, isu ti ipadamagco cadacayo.

24 # D. Ara. 14:15. Ti Dios a nangaramid iti lubong, ken dagiti amin a banag nga adda kencuana: idinto nga isu ti Apo ti langit ken daga, #D. Ara. 7:48.saan nga agnaed cadagiti templo nga inaramid dagiti ima.

25Ket di met pagservian dagiti ima dagiti tattao, #Sal. 50:8-12.a cas la ket adda aniaman a pacasapulannan; idinto nga isu ti mangted cadagiti isu-amin, ti #Gen. 2:7.biag ken anges ken dagiti amin a banag;

26Ket iti maymaysa a tao inaramidna a pagtaudan dagiti amin a nacion dagiti tao tapno agnaedda iti amin a rabaw ti daga, ket intudingna ti panagsasaganad dagiti tiempo, ken #Deut. 32:8.dagiti beddeng ti pagtaenganda.

27Tapno sapulenda ti Dios, bareng no ti panagararicapda, isu masaracanda, uray pay no adda iti #D. Ara. 14:17.saan nga adayu iti tunggal maysa cadatayo:

28Ta #Job 12:10.kencuana, agbiagtayo, ken aggunaytayo, ket mataginayon ti kinataotayo; #Tit. 1:12.a cas kinuna met dagiti dadduma a managverversoyo: Ta caputotannatayo met.

29Idinto ngarud a caputotannatayo ti Dios, ditay rebbeng a pagarupen a ti Dios umasping iti balitoc wenno iti pirac, wenno iti bato a kinitikitan nga parnuay ti laing ken ti isip ti tao.

30Dagiti ngarud tiempo ti kinacuneng, pinalabas ti #D. Ara. 14:16.Dios ida ngem ita #Luc. 24:47.ibilinna cadagiti amin a tao, cadagiti isu-amin a disso, nga agbabawida:

31Agsipud ta intudingna ti maysa nga aldaw, a #Juan 5:22. D. Ara. 10:42.panangocomnanto a sililinteg iti lubong gapu iti daydiay lalaki a tinudinganna, a pinanecnecanna cadagiti isu-amin, nga #D. Ara. 2:24.pinagungarna iti tengnga dagiti natay.

32Ket idi nangngegda ti maipapan iti panagungar dagiti natay, dagidi dadduma kinatcatawaanda, ket dagidi sabsabali kinunada: Denggendacanto pay manen iti maipapan itoy.

33Ket iti casta rimmuar ni Pablo iti nagtengngaanda.

34Ngem dagidi dadduma a tao nakitiponda kencuana, ket namatida; ket adda met cadacuada ni Dionisio nga #bil. 19, 22.Areopago, ken maysa a babbai a managan Damaris, ken dadduma pay cadacuada.

Currently Selected:

DAGITI ARAMID 17: TB1973

Highlight

Copy