DAGITI ARAMID 16
16
1Ket immay idiay #D. Ara. 14:6.Derbe ken Listra: ket adtoy, adda idiay ti maysa nga adalan a managan #D. Ara. 17:14, 15; 18:5; 19:22; 20:4. 1 Tim. 1:2, 18. 2 Tim. 1:2.Timoteo, #2 Tim. 1:5.anac ti maysa a babai a Judia a namati, ngem taga Grecia ti amana.
2Isu naimbag ti damagna cadagiti cacabsat idiay Listra ken Iconio;
3Daytoy kinayat ni Pablo a sumurot kencuana; ket idi nga #1 Cor. 9:20. Gal. 2:3; 5:2.innalana, kinugitna gapu cadagidi Judio nga adda idi cadagidiay a disso; ta ammoda amin a ni amana taga Grecia.
4Ket idi aglabasda cadagiti Il-ili imbagada #D. Ara. 15:28, 29.dagiti alagaden nga dagidi apostol ken dagidi lallacay nga adda idiay Jerusalem, tapno salimetmetanda.
5Iti casta, #D. Ara. 15:41.dagiti Iglesia napabilegda iti pammati, ket ti bilangda immadu nga inaldaw.
Ti parparmata idiay Troas.—Ni Pablo mapan idiay Macedonia ket mangascasaba idiay Filipos.—Pammati ni Lidia. Maysa a balasang a sinan mammadles. Ti agaywan ti pagbaludan sodi Filipos.
6Ket limmabasda iti daga ti Frigia ken #D. Ara. 18:23. 1 Cor. 16:1. Gal. 1:2; 3:1.Galacia, ket ti Espiritu Santo pinaritanna ida nga icascasabada ti sao idiay Asia.
7Ket idi a dimtengda iti sangoanan ti Misia; ginayagayda ti napan idiay Bitinia; ket ti Espiritu ni Jesus saanna ida a pinalubusan;
8Ket idi a linabasanda ti Misia, bimmabada a napan idiay #D. Ara. 20:5, 6.Troas.
9Ket iti rabii nagparang ken Pablo ti maysa a parparmata: Maysa a lalaki a taga Macedonia, nagtacder a nagdawat kencuana ket kinunana: Umayca idiay Macedonia, ket tulungannacami.
10Ket idi a nakitana daydi parparmata, dagus nga inagawaanmi ti napan idiay Macedonia, nga mapneccami a ti Dios inayabannacami, a mangicasaba ti evangelio cadacuada.
11Idi ngarud aglayagcami manipud idiay Troas, nagtartaruscami sadi Samotracta, ket iti sumuno nga aldaw idiay Neapolis;
12Ket nanipud idiay napancam #Fili. 1:1.idiay Filipos, isu nga #bil. 21.umuna nga Ili iti daydiay a beddeng ti Macedonia, maysa a daga nga iturayan ti Roma. Ket naggiancam iti daytoy nga Ili iti sumagmamano nga aldaw.
13Ket #D. Ara. 13:14.iti aldaw a panaginana rimmuarcam iti ruar ti ruangan iti igid ti maysa a carayan, isu nga impapanmi nga adda disso a pagcararagan, ket timmugawcami, ket kinasaomi dagidi babbai nga immay.
14Ket dinengngegnacami ti maysa a babai a managan Lidia, managlaco ti pagananay a lienzo taga Ili ti #Apoc. 1:11.Tiatra, maysa a babai a managbuteng iti Dios; a ti pusona linuctan ti Apo, tapno imatanganna dagiti sasaw-en ni Pablo.
15Ket idi a nabautizaran #D. Ara. 11:14.agraman dagiti cabbalayna, nagdawat cadacami a cuncunana: No impatoyo a mammatiac iti Apo, sumrecay iti balayco ket agdaguscayo: ket impapilitna cadacami.
16Ket naaramid nga idi mapmapancami iti disso a pagcararagan sinabatnacami ti maysa a balasang nga adda espirituna a mammadles, nga adu ti it-itedna cadagiti appona a masapulanna iti panagpadpadlesna.
17Daytoy, idi a simmurot iti licudan ni Pablo ken cadacami, nagpuccaw a cuncunana. Dagitoy a tao adipen ida ti Dios a cangatoan, isuda a mangipacaammo cadacayo ti dalan ti pannacaisalacan.
18Ket daytoy inaramidna iti adu nga aldaw, ngem naglucsaw ni Pablo ket idi a sinangona, kinunana idi espiritu: Ibilinco kenca iti nagan ni Jesu-Cristo, rumuarca kencuana. Ket rimmuar idi met la nga horas.
19Ket idi nakita dagiti #D. Ara. 19:25, 26.appona a rimmuaren daydi inanama ti pagsapulonda, tiniliwda da Pablo ken Silas, ket ginuyodguyodda ida iti plaza nga impan cadagiti agturay.
20Ket idinto a naiparangda ida cadagiti mangocom, kinunada: Dagitoy a tattao idinto a Judioda #D. Ara. 17:6.riribukenda ti Ilitayo.
21Ket isursuroda dagiti ugugali a di maipaay cadacami nga awaten ken aramiden, #bil. 12.ta taga Romacami.
22Ket dagiti adu a tao nagmaymaysada a simmupring cadacuada: ket dagidi mangocom pinigisda dagiti pagananayda, ket #1 Tes. 2:2.pinasaplitda ida.
23Ket idi #2 Cor. 6:5.nasaplitdan ida iti adu, impupocda ida iti pagbaludan, ket binilinda ti agbanbantay iti pagbaludan nga aywananna unay ida:
24Isu nga idi a naawatna daytoy a bilin, inserrecna ida iti pagbaludan a caunegan; ket incabilna dagiti sacsacada iti tul-ong.
25Ngem iti tengnga ti rabii, idi agcarcararag da Pablo ken Silas, nagcancantada ti himhimno a maipaay iti Dios: ket dagidi adda a balud, nangngegda ida;
26Ket #D. Ara. 4:31.pagamoanen immay ti maysa a dackel a gingined, a dagiti cimiento ti pagbaludan nagpigergerda; ket naigiddato a naglucat dagiti #D. Ara. 5:19; 12:7, 10.isu-amin a ruangan, ket nawarwar dagidi galgalutda amin.
27Ket idi a nacariing ti agbanbantay iti pagbaludan, ken idi makitana a silulucat dagiti ruangan ti pagbaludan, inasotna ti campilanna ket nganngani papatayenna ti bagina, ta ipappapanna a nagtalaw dagidi balud.
28Ngem ni Pablo nagickis iti napigsa a timec a cuncunana: Dica ranggasan ta bagim; ta addacam amin ditoy.
29Ket isu idi a dimmawat ti silsilaw, timmaray iti uneg, ket agpigpigerger a nagrucbab cadagiti sacsaca da Pablo ken Silas,
30Ket innalana ida iti ruar, ket kinunana cadacuada: Appo, ania ti rebbengco nga aramiden tapno maisalacanac?
31Ket kinunada: #Juan 6:47.Mamatica ken Apo Jesu-Cristo, ket maisalacancanto, sika ken #D. Ara. 11:14.ti balaymo.
32Ket impalawagda kencuana ti sao ti Apo, ken cadagidi amin nga adda iti balayna.
33Ket idi nga innalana ida iti daydi met la nga horas ti rabii, binuggoanna dagidi saplitda; ket dagus a nabautizaran, isu ken amin dagidi cabbalayna.
34Ket impanna ida iti balayna, ket insangoanna ida ti canen; ket nagayayat a namati iti Dios agraman ti amin a balayna.
35Ket idi bimmigaten, dagidi manangocom imbaonda dagiti alguacil a nagcuna; Palubusanyo dagidi tattao.
36Ket daydi agaywan ti pagbaludan impacaammona dagitoy a sao ken Pablo a kinunana: Dagiti agturay nagbaonda tapno maluc-atancayo: ita ngarud, rumuarcayo ket incayo a sitatalna.
37Ngem kinuna cadacuada ni Pablo. Sinaplitdacami iti saclang ti amin a tao, nga awan pannacasalaysaymi, #D. Ara. 22:25.idinto nga umilicami ti Roma, ket impupocdacami iti pagbaludan: ket ita paruarendacami iti nalimed? Pudno a saan la ketdi, no di ket isuda ti umay ken mangiruar cadacami.
38Ket dagidi policia imbagada cadagidi agturay dagitoy a sao: ket #D. Ara. 22:29.nagbuteng da, idi nangngegda nga umilida ti Roma;
39Ket immayda ket nagpacpacaasida cadacuada: ket idi nga inruarda ida, dinawatda #Mat. 8:34.cadacuada nga umadayuda iti Ili.
40Pimmanawda ngarud iti pagbaludan ket #bil. 14.simrecda iti balay ni Lidia, ket idi a nakitada dagiti cacabsat liniwliwada ida, ket pimmanawdan.
Currently Selected:
DAGITI ARAMID 16: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
