II SAMUEL 7

Ni David panggepenna ti mangbangon iti maysa a templo. Ti sao ti Dios umay kencuana. Ti cararag ken panagyaman ni David.

1Ket naaramid, #Aginga bil. 29. 1 Ar. 8:5.idi a ti ari agnanaed idiay balayna, ket ni Jehova intedna kencuana ti talna cadagiti isu-amin a cabusorna iti aglicmut.

2A ti ari kinunana ken mammadto a #bil. 7.Natan, Kitaem ita, siac agnaedac iti #2 Sam. 5:11.balay a kinantingenan, ngem ti lacasa ni Jehova agnaed iti uneg dagiti #Ex. 26:1.bengbeng.

3Ket ni Natan kinunana iti ari, Inca, aramidem amin dayta nga adda ita pusom; ta ni Jehova adda kenca.

4Ket naaramid idi met laeng a rabii, a ti sao ni Jehova immay ken Natan, a kinunana,

5Inca ket cunaem ken adipenco a David, Castoy ti cuna ni Jehova, Sica mangaramidcanto iti balay a maipaay caniac a pagtaengac?

6Ta saanac a nagnaed iti maysa a balay nanipud iti aldaw a panangaonco cadagiti annac ti Israel idiay Egipto agingga iti daytoy nga aldaw met laeng, no di ket nagnaac #Ex. 40:18, 19, 34.iti tolda ken iti tabernaculo.

7Cadagiti isu-amin a luglugar a nakipagnaac cadagiti isu-amin nga annac ti Israel, nangisaoac aya ti #1 Cron. 17:6.maysa a balicas iti uray asinoman cadagiti caputotan ti Israel, a nangibilinac a #2 Sam. 5:2.mangipaarab iti ilic nga Israel, a kinunac, Apayapay didac imbangonan iti balayco a kinantingenan?

8Gapuna ita daytoy ti cunaemto ken adipenco a David, Castoy ti cuna ni Jehova dagiti buybuyot, #1 Sam. 16:11.Siac innalaca nanipud iti pagaponan ti carnero, nanipud iti pagsarsarunoan iti carcarnero, tapno sica ti pangolo iti ilic, nga Israel;

9 # 1 Sam. 18:14. Ket addaac idi kenca iti uray sadino a napnapanam, ket iti sangoanam kineltayco amin dagiti cabusormo; ket pinagbalinca a nagan a dackel, a cas iti nagan dagiti dadackel, nga addada ditoy daga.

10Ket itudingconto ti maysa a lugar a maipaay iti ilic nga Israel, #Sal. 44:2; 80:8.ket imulacto ida, tapno agnaedda coma iti lugarda met laeng #2 Ar. 21:8.ket dida coma mayallatiwen; iti uray caano dagiti annac ti kinadakes didanto parigatenen ida, a cas la idi unana,

11 # Oc. 2:14, 15, 16. Ken cas nanipud iti aldaw a panangbilinco cadagiti agoc-ocom iti ilic nga Israel; ken aramidecto kenca ti #bil. 1.inana cadagiti isu-amin a cabusormo. Casta met a ni Jehova ibagana kenca a ni Jehova #1 Sam. 2:36.yaramidannacanto iti maysa a balay.

12Intono dagiti al-aldawmo naturposdan, ket makiturogcanto cadagiti ammam, #1 Ar. 8:20. Sal. 132:11.bangonecto ti putotmo a sumaruno kenca, isu nga agtaudto ita tianmo; ket pasingkedacto ti pagarianna.

13 # 1 Ar. 5:5. Isu mangbangonto iti balay a maipaay iti naganco; ket #Sal. 89:4, 29, 36, 37.pasingkedacto iti agnanayon ti trono ti pagarianna.

14 # Sal. 69:26, 27, 30-33. Heb. 1:5. Siacto ti amana, ket isunto ti anacco: no isu agaramidto iti dakes, isu dusaecto iti sarucod dagiti lallaki, ken iti baot dagiti annac dagiti lallaki;

15Ngem ti naayat a kinaimbagco dinto sumina kencuana, a #1 Sam. 15:23, 28.cas iti panangisinac idi ken Saul, nga iniccatco idi iti sangoanam.

16Ket mapatalgedanto ti balaymo ken ti pagariam iti agnanayon iti sangoanam: #bil. 13. Luc. 1:33.ti tronom mapasingkedanto nga agnanayon.

17Mayalubog cadagitoy amin a sasao, ken mayalubog iti amin daytoy a parparmata, casta ti panangisao ni Natan ken David.

18Idin ni ari David simrec, ket nagtugaw iti sango ni Jehova; ket kinunana, O Apo Jehova, #Gen. 32:10.siasinoac aya, ken ania aya ti balayco, tapno inyegnac agingga ditoy?

19Ket daytoy bassit pay laeng a banag cadagita matam, O Apo Jehova; ngem saoem met iti maipapan iti balay ti adipenmo iti naunday a tiempo a mapasungad; #Isa. 55:8.ken daytoy pay a mayannurot iti cadawyan dagiti lallaki; O Apo Jehova!

20Ket ania pay ti mabalin a saoen ni David kenca? #Sal. 139:1-4.ta sica ammom ti adipenmo, O Apo Jehova.

21Gapu iti saom, ken mayalubog ita pusom met laeng, inaramidmo daytoy a kinadackel, tapno isu ti ipacaammom iti adipenmo.

22Gapuna a #Sal. 48:1.sica nadayagca, O Jehova a Dios: agsipud ta #Ex. 5:11.awan ti sabali a cas kenca, awan ti siasinoman a Dios iti lacsidmo, a mayalubog iti isu-amin a nangnangegmi babaen cadagiti lapayagmi.

23Ket #Deut. 4:7, 32, 34; 33:29. Sal. 147:20.ania ti maysa a nacion nga adda iti daga a cas iti ilim, nga ti Israel met laeng, isu a napanan ti Dios a nangsubbot a maipaay kencuana met laeng a maysa nga ili, ket isu naaramid a maysa a nagan, ken naaramid dagiti dadackel a banag a gapu kenca, #Deut. 10:21.ken dagiti nacakigkigtot a banag a gapu iti dagam, iti sango ti ilim, a sinubbotmo a maipaay kenca nanipud Egipto, nanipud cadagiti nacion ken cadagiti didiosda?

24Ket sica #Deut. 23:18.binangonmo a maipaay kenca met laeng ti ilim nga Israel tapno isu ti ilim nga agnanayon; ket sica, Jehova, nagbalinca a Diosda.

25Ket ita, O Jehova a Dios, ti sao nga insaom maipapan iti adipenmo, ken maipapan iti balayna, isu pasingkedam iti agnanayon, ket aramidem coma a cas iti insaom.

26Ket madayaw coma ti naganmo iti agnanayon, a cunaen, Ni Jehova dagiti buybuyot isu ti Dios ti Israel; ket ti balay ni adipenmo a David mapatibkerto iti saclangmo.

27Ta sica, O Jehova dagiti buybuyot, a Dios ti Israel #1 Sam. 9:15.impaltiingmo iti adipenmo, a cunam, Siac ibangonancanto iti maysa a balay: gapuna a ti adipenmo napataud iti pusona a mangicararag kenca iti daytoy a cararag.

28Ket ita, O Apo Jehova, sica ti Dios, #Juan 17:17.ket dagiti sasaom pudnoda, ket incarim daytoy naimbag a banag iti adipenmo:

29Gapuna ita, a maay-ayoca coma a mangbendicion iti balay ti adipenmo, tapno agnanayon coma nga agtaeng iti sangoanam; ta sica, O Apo Jehova, insaom idi; ket babaen ti pammendicionmo mabendicionan coma ti balay ti adipenmo iti #bil. 13:16. 2 Sam. 22:51.agnanayon.

Currently Selected:

II SAMUEL 7: TB1973

Highlight

Copy