II SAMUEL 6
6
Ti lacasa maiyed agingga iti Perez-oza. Ipapatay ni Oza. Ti lacasa maiyeg iti Jerusalem. Ni Micol ababienna ni David.
1Ket ni David inurnongna manen dagiti isu-amin a lallaki a napili ti Israel, a tallopulo ribu.
2Ket ni David #Aginga bil. 11. 1 Cron. 13:6-14.timmacder, ket napan agraman amin dagiti tattao nga adda idi kencuana, nanipud iti #Jos. 15:9, 60.Baal ti Juda, tapno yegda manipud sadiay ti lacasa ti Dios, nga isu ti nanaganan gapu iti Nagan, iti nagan met laeng ni Jehova dagiti buybuyot a #Ex. 25:22. 1 Sam. 4:4.sisasaad iti ngato dagiti querquerubin.
3Ket incabilda ti lacasa ti Dios iti rabaw ti #1 Sam. 6:7.maysa a carison a baro, ket isu inyegda manipud iti balay ni Abinadab #1 Sam. 7:1.nga adda idi iti turod: ket da Oza ken Ahio, nga annac ni Abinadab, pinaguyodda ti carison a baro.
4Ket isu inyegda #1 Sam. 7:1, 2.nanipud iti balay ni Abinadab, nga adda idi iti turod, agraman ti lacasa ti Dios: ket ni Ahio napan idi iti sango ti lacasa.
5Ket ni David ken isu-amin a balay ti Israel nagay-ayamda iti saclang ni Jehova cadagiti amin a kita dagiti gamigam a cayo ti parwa, ar-arpa, ken salsalterio, ken panpandereta, ken castanuelas, ken piangpiang.
6Ket idi a dimtengda iti pagtagan ni #1 Cron. 13:9.Nahon, ni Oza #Num. 4:15.inyunnatna ti imana iti lacasa ti Dios, ket isu ti iniggamanna; ta dagiti vacvaca nagtibcolda idi.
7Ket ti pungtot ni Jehova simged a maibusor ken Oza; ket ti #1 Sam. 6:19.Dios isu kinabilna idiay a gapu iti biddutna; ket natay idiay iti denna ti lacasa ti Dios.
8Ket ni David napaladingit idi, ta ni Jehova binaracna ni Oza; ket ninaganna daydiay disso iti #Perez-oza: cayatna a saoen, Ti panagburac ni Oza.Perez-oza, agingga iti daytoy nga aldaw.
9Ket ni David nagbuteng ken Jehova iti daydi nga aldaw; ket kinunana, Casano ti yaaynanto caniac ti lacasa ni Jehova?
10Iti casta ni David dina kinayat nga inyallatiw kencuana ti lacasa ni Jehova iti ili ni David; ngem ni David isu impanna iti balay ni Obed-edom a Geteo.
11Ket ti lacasa ni Jehova nabati idi idiay a balay ni Obed-edom a Geteo iti tallo a bulan: ket ni Jehova #1 Cron. 26:5.binendecionanna ni Obed-edom, ken iti isu-amin a balayna.
12Ket naibaga ken David nga ari, a nacuna, Ni Jehova binendicionanna ti balay ni Obed-edom, ken iti isu-amin a cucuana, a gapu iti lacasa ti Dios. #1 Cron. 15:25.Ket ni David napan, ket innalana ti lacasa ti Dios nanipud iti balay ni Obed-edom agingga iti ili ni David a binuyog ti ragsac.
13Ket idi a casta, idi a dagiti nagawit iti lacasa ni Jehova nacapagnada iti innem a caaddang, nangidatonda iti maysa a #1 Cron. 15:26.vaca ken maysa nga urbon a nalucmeg.
14Ket ni #Ex. 15:20. Sal. 30:11.David nagsala iti amin a pigsana iti sango ni Jehova: ket ni David nagcawes iti maysa nga #1 Sam. 2:18.efod a lienzo.
15Iti casta ni David ken amin ti balay ti Israel inyegda ti lacasa ni Jehova a binuyog dagiti dirdir-i ken timec ti tangguyob.
16Ket idi a casta, idi a ti lacasa ni Jehova immay iti ili ni David, a ni Micol nga anac a babai ni Saul kimmita nanipud iti tawa, ket nakitana ni ari David nga aglaglagto ken agsalsala iti sango ni Jehova: ket isu inuyawna iti pusona.
17 #
1 Cron. 16:1-3. Ket inyegda ti lacasa ni Jehova, ket insaadda iti lugarna iti tengnga ti tolda a ni David binangonna idi nga agpaay kencuana; ket ni David nagidatag iti daton a mapuuran ken datdaton ti cappia iti saclang ni Jehova.
18Ket idi a ni David nalpasna ti nagidatag iti daton a mapuuran ken datdaton ti cappia, #1 Ar. 8:14, 55.binendicionanna ti ili iti nagan ni Jehova dagiti buybuyot.
19Ket binunonganna iti isu-amin nga umili, iti isu-amin a caadu met laeng ti Israel, cadagiti lallaki ken babbai a padapada, iti tunggal maysa, maysa a bukel a tinapay, ken maysa nga apag ti lasag, ken maysa a catipkel dagiti uvas a napakebbet. Iti casta isu-amin dagiti tattao nagawid tunggal maysa iti balayna.
20 #
1 Cron. 16:43. Idin ni David nagsubli nga mangbendicion iti sangacabbalayanna. Ket ni Micol nga anac ni Saul rimmuar a simmabet ken David, ket kinunana, Amangan a nagdayag idi iti daytoy nga aldaw ti ari ti Israel, a #bil. 14, 16.naglucas kencuana met laeng iti daytoy nga aldaw cadagiti matmata dagiti tagabu a babbai dagiti ad-adipenna, a cas la maysa cadagiti ubbaw a tattao aglucais nga awanan bain!
21Ket ni David kinunana ken Micol, Isu idi iti sango ni Jehova a #2 Sam. 13:14; 15:28.nangpili caniac a nangnangrona ngem ni amam, ken iti isu-amin a balayna, a dinutocnac a pangolo iti ili ni Jehova, iti Israel: gapuna nga #bil. 5.agay-ayamacto iti sango ni Jehova.
22Ket agbalinacto pay a naal-alas ngem iti daytoy, ket siac nababbabaacto pay iti saclangco met laeng: ngem cadagiti babbai a sinaom, cadacuada ad-addanto ti pannacadaydayawco.
23Ket ni Micol nga anac ni Saul awanen anacna agingga iti aldaw ti ipapatayna.
Currently Selected:
II SAMUEL 6: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
