I SAMUEL 28
28
Ni Saul ken ti mangcuculam idiay Endor. Ni Samuel ipalawagna ti pagtungpalan ni Saul.
1Ket naaramid cadagidi nga aldaw, a dagiti Filisteos inurnongda dagiti buybuyotda a maipaay iti gubat, tapno makibacalda iti Israel. Ket ni Aquis kinunana ken David, Ammoem a siinanama a sica makipagruarcanto caniac iti buyot, sica ken dagiti lallakim.
2Ket ni David kinunana ken Aquis, Iti casta ammoemto no ania ti aramidento ni adipenmo. Ket ni Aquis kinunana ken David, Ngarud aramidencanto nga agaywan iti oloc iti agnanayon.
3Ket idi ni #1 Sam. 25:1.Samuel natayen, ket amin nga Israel isu dinung-awanna, ket intabonda idiay #1 Sam. 1:19.Rama, iti ilina met laeng. #Ex. 22:18. Lev. 19:31.Ket ni Saul pinagtalawna iti daga dagidiay mangcuculam ken dagiti managsalamangca.
4Ket dagiti Filisteos naguurnongda, ket immayda ket nagpacarsoda idiay #Jos. 19:18.Sunam, ket ni Saul inurnongna amin nga Israel, ket nagpacarsoda idiay #1 Sam. 31:1.Gilboa.
5Ket idi a ni Saul naimatanganna ti buyot dagiti Filisteos, nagbuteng ket ti pusona nagpigerger iti casta unay.
6Ket idi a ni Saul #bil. 15. 1 Sam. 14:37.immuman ken Jehova, ni Jehova saan a simmungbat kencuana uray babaen cadagiti #Num. 12:6.tagtagainep, uray iti #Ex. 28:30.Urim, uray cadagiti mammadto.
7Idin kinuna ni Saul cadagiti adipenna, Isapulandac iti babai a #1 Cron. 10:13.mangcuculam, tapno innac coma kencuana, ket umumanac coma kencuana. Ket dagiti adipenna kinunada kencuana, Adtoy adda maysa a babai a mangcuculam idiay #Jos. 17:11.Endor.
8Ket ni Saul nanglimo, ket nangicapet iti sabali a pagan-anay, ket napan, isu ken dua nga lallaki naicuyog kencuana, ket isuda immayda iti babai iti rabii: #Deut. 18:10.ket isu kinunana, Agdawatac kenca, iyumanannac babaen ti kinamangcuculam, ket yegmo caniac ti uray asinoman nga inaganacto kenca.
9Ket ti babai kinunana kencuana, Adtoy, sica ammom no ania ti inaramid ni Saul, no casano ti #bil. 3.panangipusayna iti daga cadagiti mangcuculam, ken managsalamangca, apayapay ngarud a mangipacatca iti maysa a silo a maipaay iti biagco tapno papataynac?
10Ket ni Saul nagsapata kencuana gapu ken Jehova, a cunana, Cas ni Jehova sibibiag, awanto ti dusa a mapasamac kenca gapu itoy a banag.
11Idin kinuna ti babai, Asino ti yegco kenca? Ket isu kinunana, Yegmo caniac ni Samuel.
12Ket idi a ti babai nakitana ni Samuel, imkis iti maysa a natbag a timec; ket ti babai insaona ken Saul, a cunana, Apayapay nga inulbodnac? gapu ta sica ni Saul.
13Ket ti ari kinunana kencuana, Dica agbuteng: ta ania aya ti makitam? Ket di babai kinunana ken Saul, Makitac ti maysa a dios nga umuli nga aggapu iti daga.
14Ket ni Saul kinunana kencuana, Ania ti langana? Ket isu kinunana, Maysa a lacay ti umuli; ket isu nacomutan iti maysa a #1 Sam. 15:27.lambon. Ket ni Saul naawatanna nga isu ni Samuel, ket incul-obna ti rupana iti daga, ket nagrucbab.
15Ket ni Samuel kinunana ken Saul, Apayapay a singsingaennac, ti panangyulim caniac? Ket ni Saul simmungbat, Mariribucac iti napalalo; ta dagiti Filisteos mangaramidda ti gubat a maibusor caniac ket ti #bil. 16. 1 Sam. 16:14; 18:12.Dios pimmanaw caniac, ket dinac #bil. 6.sungbatanen, uray no babaen dagiti #bil. 17.mammadto, uray cadagiti tagtagainep: gapuna nga inayabanca, tapno ipacaammom caniac no ania ti aramidecto.
16Ket ni Samuel kinunana, Apayapay ngarud nga agsaludsodca caniac, idinto a ni Jehova pimmanaw kenca, ket nagbalin a cabusormo?
17Ket ni Jehova inaramidna kenca ti #1 Sam. 15:28.cas insaona iti pannacaaramatco: ket ni Jehova pinigisna ti pagarian nanipud iti imam, ket isu intedna iti caarrubam, a ni met laeng David.
18 #
1 Sam. 15:9. 1 Ar. 20:42. 1 Cron. 10:13. Jer. 58:10. Agsipud ta dica nagtulnog iti timec ni Jehova, ket dica tinungpal nga inaramid ti narungsot a pungtotna iti Amalec, gapuna a ni Jehova aramidenna daytoy a banag kenca ita nga aldaw.
19Castamet a ni Jehova yawatnanto met ti Israel a maicanunong kenca iti ima dagiti Filisteos; ket intono bigat sica ken #1 Sam. 31:2.dagiti annacmo a lallaki caduacayto; ni Jehova yawatnanto met ti buyot ti Israel iti ima dagiti Filisteos.
20Idin ni Saul nagpasag a dagus a nagunnat iti daga, ket nagbuteng a napalalo a gapu cadagiti sao ni Samuel; ket napucaw ti pigsana; ta saan a nangan ti tinapay a nagmalmalem, ken nagpatpatnag.
21Ket ti babai immay ken Saul, ket nakitana nga isu sipupulcoc idi iti napalalo, ket kinunana kencuana, Adtoy, ti babai nga dipenmo impangagna ti timecmo, ket #Oc. 12:3.incabilco ti biagco iti imac, ket impangagco idi dagiti saom nga insaom caniac.
22Ita ngarud, agdawatac kenca, ipangagmo met ti timec ti adipenmo a babai, ket palubosannac a mangisaad coma iti sangcasacmul a tinapay iti sangom; ket manganca, tapno addaanca coma iti pigsa intono inca iti dalanmo.
23Ngem isu nagmadi, ket kinunana, Diacto mangan. Ngem dagiti adipenna agraman iti babai isu pinilitda; ket isu impangagna dagiti timecda. Iti casta bimmangon iti daga, ket nagtugaw iti pagiddaan.
24Ket ti babai addaan idi iti maysa a nalucmeg nga urbon a vaca iti balay; ket isu nagdaras, ket isu ti pinartina; ket nangala iti #Gen. 18:6.harina, ket ginamayna, ket iti daydi nangluto iti di-nalevaduraan a tinapay:
25Ket isu inyegna iti sango ni Saul, ken iti sango dagiti adipenna; ket nanganda. Sada timmacder, ket nagawidda idi a rabii.
Currently Selected:
I SAMUEL 28: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
