I SAMUEL 27

Ni David agtalaw a mapan cadagiti Filisteos. Ti Siclag maited kencuana, ket sillongenna dagiti dadduma a nacion.

1Ket ni David kinunana iti pusona, Mapucawacto iti maysa nga aldaw gapu iti ima ni Saul: awan ti uray ania a nasaysayaat caniac ngem iti panagtalawco a mapan iti daga dagiti Filisteos; ket ni Saul mapucawto ti inanamana a mangsapul caniac cadagiti amin a beddeng ti Israel: iti casta macatalawacto iti imana.

2Ket ni David timmacder, isu ken dagiti #1 Sam. 23:13.innem a gasut a lallaki nga adda idi kencuana, ket immallatiw ken Aquis nga anac a lalaki ni Maoc, nga ari ti #1 Sam. 17:4.Gat.

3Ket ni David nakinaed ken Aquis idiay Gat, isu ken dagiti lallakina, tunggal lalaki agraman cabbalayna, uray ni David #1 Sam. 25:43.agraman cadagiti dua nga assawana, da Ahinoam a Jezreelita ken Abigail a Carmelita, nga asawa idi ni Nabal.

4Ket naibaga ken Saul a ni David nagtaray agingga iti Gat: ket isu saan idin a nagsapul kencuana.

5Ket ni David kinunana ken Aquis, #1 Sam. 20:3.No ita nacasaracac iti parabur cadagita matam, mangtedca coma caniac ti maysa a lugar iti maysa cadagiti ili iti daga, tapno agnaedac coma idiay: ta apayapay a ti adipenmo makipagtaeng coma kenca iti naarian a ili?

6Iti casta ni Aquis intedna kencuana ti #Jos. 15:31.Siclag iti daydi nga aldaw: gapuna a ti Siclag cucua dagiti ar-ari ti Juda agingga ita nga aldaw.

7Ket ti bilang dagiti aldaw a panagtaeng ni David iti daga dagiti Filisteos #1 Sam. 29:3.apag-isu a macatawen ket uppat a bulan.

8Ket ni David ken dagiti lallakina simmang-atda, ket nangaramidda iti maysa a panangraut cadagiti #Jos. 13:2.Gesureos, ken Gerzeos, ken cadagiti #1 Sam. 15:2.Amalecitas; ta dagidiay a nacion isuda dagidi nagnaed iti daga, nga addada idi ugma iti #Gen. 16:7.pagsang-atan agingga iti Shur, agingga met laeng iti daga ti Egipto.

9Ket ni David kinabilna ti daga, ket dina insalacan ti lalaki man wenno babai a nagbiag, ket innalana dagiti carcarnero, ken dagiti vacvaca, ken dagiti as-asno, ken dagiti camcamello, ken ti pagan-anay; ket isu nagsubli, ket immay ken Aquis.

10Ket ni Aquis kinunana, Maibusor ti asino ti nangaramidanyo iti panangraut ita nga aldaw? Ket ni David simmungbat, Maibusor iti Abagatan ti Juda, ken maibusor iti Abagatan dagiti #1 Sam. 30:29.Jerameelitas, ken maibusor iti Abagatan dagiti Cenios.

11Ket ni David dina inyanawa ti lalaki man wenno babai a nagbiag, tapno yegna ida iti Gat, a cunana, Di la ket ta saoenda ti maipapan cadacami, a cunaen, Casta ti inaramid ni David, ken casta ti cadawyanna idi iti bayat ti amin a panagnaedna idi iti daga dagiti Filisteos.

12Ket ni Aquis pinatina ni David, a kinunana, Isu inaramidna a naananay ti ilina nga Israel nga agrimon kencuana; gapuna nga isunto ti adipenco iti agnanayon.

Currently Selected:

I SAMUEL 27: TB1973

Highlight

Copy