I SAMUEL 26

Ni David isakitna ti biag ni Saul idiay Ziph. Isuda agsaritada.

1Ket dagiti Zifeos immayda ken Saul idiay Gabaa a kinunada, #2 Sam. 23:19. Sal. 54.Saan aya nga aglemlemmeng ni David idiay turod ti Haquila, nga adda iti sango ti let-ang?

2Idin ni Saul timmacder, ket simmalog agingga iti let-ang ti Zif, idinto nga adda kencuana iti tallo a ribu a lallaki a napili ti Israel, a mangsapul ken David iti let-ang ti Zif.

3Ket ni Saul nagpacarso iti turod ti Haquila, nga adda iti sango ti let-ang, iti sidiran ti dalan. Ngem ni David nagnaed iti let-ang, ket naawatanna a ni Saul simmurot kencuana iti let-ang.

4Gapuna a ni David namaruar cadagiti agsiim, ket naammoanna a ni Saul immay a pudno.

5Ket ni David timmacder, ket immay iti lugar a ni Saul nagpacarsoanna: ket ni David kinitana ti lugar a nagiddaan ni Saul ken ni #2 Sam. 2:8.Abner nga anac ni Ner, a capitan ti buyotna: ket ni Saul nagidda iti #1 Sam. 17:20.lugar dagiti luglugan, ket dagiti tattao nagpacarsoda iti naglicmut kencuana.

6Idin simmungbat ni David ket kinunana cada Ahimelec a Jeteo, ken #2 Sam. 2:18; 10:10, 14; 16:9; 18:12; 21:17.Abisai nga #2 Sam. 3:39; 19:22.anac ni Sarvia, a cabsat ni Joab, a cunana, Asino ti #Oc. 7:10, 11.makipagsalogto caniac agingga ken Saul idiay pacarso? Ket ni Abisai kinunana, Siac makipagsalogacto kenca.

7Iti casta da David ken Abisai immayda cadagiti tattao iti rabii: ket, adtoy, ni Saul siiidda a matmaturog iti lugar dagiti luglugan, agraman ti gayangna a naitugkel iti daga iti #1 Sam. 19:13.oloananna; ket ni Abner ken amin dagiti tattao agididdada iti aglicmut kencuana.

8Idin kinuna ni Abisai ken David, Ti #1 Sam. 24:5.Dios inyawatna ti cabusormo iti imam ita nga aldaw: ita ngarud dawatec kenca, palubosannac a mangcabil kencuana, iti gayang iti daga iti maysa a panangbagsol, ket isu diacto cabilen a piduaen.

9Ket ni David kinunana ken Abisai, Isu dica dadaelen, #1 Sam. 12:3; 24:6, 7, 11.ta asino ti macabalin a mangyunnat iti imana iti pinulotan ni Jehova, ket saan a macabasol?

10Ket ni David kinunana, Cas ni Jehova sibibiag, ni #1 Sam. 25:38.Jehova ti mangcabilto kencuana; #Job 7:1; 14:5.wenno ti aldawna umayto a pacatayanna; #1 Sam. 31:6.wenno sumalogto iti pagbabacalan, ket mapucawto.

11 # 1 Sam. 24:6. Ni Jehova iparitna nga unnatec coma ti imac a maibusor iti pinulotan ni Jehova: ngem ita agdawatac kenca, alaem ti gayang nga adda iti oloananna, ken ti gorgorita ti danum, ket intan.

12Iti casta ni David innalana ti gayang ken ti gorgorita ti danum iti oloanan ni Saul; ket pimmanawda: ket awan ti uray maysa a tao a nacakita iti daydi, wenno nacaammo, awan ti uray asino a nacariing; ta nacaturogda amin idi, agsipud ta maysa a #Gen. 2:21; 15:12.nargaan a turog a gapu ken Jehova ti naitinnag cadacuada.

13Idin ni David immallatiw idi sabali a bangir, ket nagtacder iti tapaw ti bantay iti adayu; maysa a nalawa a baet ti nacaibaetanna cadacuada;

14Ket ni David pinuccawanna dagiti tattao, ken ni Abner nga anac ni Ner, a kinunana, Dica sumungbat, Abner? Idin ni Abner simmungbat ket kinunana, Asinoca a mangpuccaw iti ari?

15Ket ni David kinunana ken Abner, Saan a sica ti maingel a lalaki? ket asino ti cas kenca iti Israel? apayapay ngarud a dica binantayan ti apom nga ari? ta simrec ti maysa cadagiti tattao a mangdadael iti ari nga apom.

16Daytoy a banag saan a naimbag nga inaramidmo. Cas ni Jehova sibibiag, #1 Sam. 20:31.maicaricayo a natay, agsipud ta dicay binantayan ti apoyo, a pinulotan ni Jehova. Ket ita kitaenyo no sadino ti yan ti gayang ti ari, ken ti gorgorita ti danum nga adda idi iti oloananna.

17Ket ni Saul nalasinna ti timec ni David, ket kinunana, #1 Sam. 24:16.Isu daytoy ti timecmo, anacco a David? Ket ni David kinunana, Isu ti timecco, apoc, O ari.

18Ket isu kinunana, #1 Sam. 24:9, 11.Apayapay aya a ni apoc camatenna ti adipenna? iti ania aya ti inaramidco? wenno ania a dakes ti adda iti amac?

19Gapuna ita, agdawatac kenca, a denggen coma ni apoc nga ari dagiti sao ti adipenna. #Gen. 8:21. 2 Sam. 24:1.No ni Jehova patubuyannaca coma a maibusor caniac, awatenna coma ti maysa a daton: ngem no dagiti annac dagiti tattao, mailunodda coma iti sango ni Jehova: #Sal. 120:5.ta pinaruardac ita nga aldaw tapno diac coma dumenna iti #2 Sam. 14:16; 20:19.tawid ni Jehova, a cunada, Inca, agservica cadagiti sabsabali a didios.

20Ita ngarud, di coma agtinnag ti darac iti daga iti saclang ni Jehova: ta ti ari ti Israel rimmuar nga agsapul iti maysa a #1 Sam. 24:14.timel, a cas ti maysa nga agbiruc iti maysa a pugu cadagiti banbantay.

21Idin kinuna ni #1 Sam. 15:24; 24:17.Saul, Nagbasolac; agsublica, anacco a David; ta diacto aramiden kenca ti ranggas, agsipud ta ti biagco napateg cadagita matam ita nga aldaw: adtoy a nagmauyongac, ken bimmiddutac iti napalalo.

22Ket ni David simmungbat ket kinunana, Kitaem ti gayang, O ari! umay coma ngarud ti maysa nga agtutubo a lalaki ket isu ti alaenna.

23 # Sal. 7:8. Ket ni Jehova subadannanto iti tunggal tao ti kinalintegna ken ti kinamapagtalcanna; cas ni Jehova inyawatnaca iti imac ita nga aldaw, ket diac kinayat nga inunnat ti imac a maibusor iti pinulotan ni Jehova.

24Ket, adtoy, cas ti biagmo naipateg unay ita nga aldaw cadagiti matac, iti casta met maipateg coma ti biagco cadagiti mata ni Jehova, ket isalacannac coma iti amin a pagpulcocan.

25Idin ni Saul kinunana ken David, #Rut. 2:20.Benditoca, anacco a David: agaramidcanto a siiingel ken mangabaccanto met a di bumurong. Iti casta ni David pimmanaw ket ni Saul nagsubli idi lugarna.

Currently Selected:

I SAMUEL 26: TB1973

Highlight

Copy