I AR-ARI 14
14
Ni Jeroboam ibaonna ni asawana ken ni Ahias. Ti padto ni Ahias a maibusor ken Jeroboam. Ti panagari ni Roboam iti Juda. Ti panangsillong ni Sisac. Ipapatay ni Roboam.
1Idi a tiempo ni Abias nga anac a lalaki ni Jeroboam nagsakit.
2Ket ni Jeroboam kinunana ken asawana, Agdawatac kenca, tumacderca ket manglimoca, tapno saan a maammoan a sica ti asawa ni Jeroboam; ket inca sadi Silo: adtoy, adda sadiay ni Ahias a mammadto, isu a nagsao ti maipapan caniac a siac #1 Ar. 11:29, 31.agariacto iti daytoy nga umili.
3 #
1 Sam. 9:7, 8. Ket mangitugotca iti sangapulo a tinapay, ken bibbibingca, ken sangaporong-go a diro, ket mapanca kencuana: isu ibagananto kenca ti mapasamacto iti ubing.
4Ket ti asawa ni Jeroboam inaramidna ti casta, ket timmacder, ket napan sadi Silo, ket napan iti balay ni Ahias. Ket ni Ahias saan a macakitan; ta dagiti matana addada a nacullaapan a gapu iti kinalacayna.
5Ket ni Jehova kinunana ken Ahias, Adtoy, ti asawa ni Jeroboam immay tapno agsaludsud kenca ti maipapan iti anacna; ta isu adda a masakit: castoy ken castoy ti cunaemto kencuana, ta castoyto, no isu sumrec, nga isu aginsasabali a babai.
6Ket casta idi, idi a ni Ahias nangngegna ti padacpadac dagiti sacana, idi nga isu sumsumrec iti ruangan, nga isu kinunana, Sumrecca, sica asawa ni Jeroboam; apayapay nga aginsasabalica? Ta siac naibaonac kenca nga adda nadagsen a damdamag.
7Inca, ibagam ken Jeroboam, castoy ti kinuna ni Jehova, ti Dios ti Israel: #2 Sam. 12:7-9. 1 Ar. 16:2.Agsipud ta siac intan-occa iti tengnga ti umili, ken inaramidca a pangulo iti ilic nga Israel,
8 #
1 Ar. 11:31. Ken pinisangco ti pagarian iti balay ni David, ket isu ti intedco kenca; ket nupay casta sica saanca a pimmada ken adipenco a David, #1 Ar. 11:33, 38; 15:5.isu a nangsalimetmet cadagiti bilbilinco, ken isu a simmurot caniac iti amin a pusona, tapno aramidenna laeng dagidiay nasayaat cadagiti matac.
9No di ket inaramidmo ti dakes a nangnangrona ngem cadagiti amin nga immununa ngem sica, #1 Ar. 12:28.ket napanca ket nangaramidca cadagiti sabsabali a didios, ken #Ex. 34:17.sinocog a ladladawan, tapno panggargarim caniac nga agpungtot, ket #Sal. 50:17.imbellengnac iti licudam:
10Iti casta, adtoy, #1 Ar. 15:29.siac yegconto ti dakes iti balay ni Jeroboam, ket keltayecto ken Jeroboam ti tumunggal maysa nga ubing a lalaki, isu a #Deut. 32:36.maripcan ken mabay-an a bulos iti Israel ken #1 Ar. 16:3.caycayecto a matalipupus ti balay ni Jeroboam, a cas maysa a tao no caycayenna ti rugit, inggana iti maiccat amin.
11 #
1 Ar. 16:4; 21:24. Ti matay ken Jeroboam iti ili lamutento dagiti asaso; ket ti matay iti let-ang lamutento dagiti tumatayab ti tangatang: ta isu ti imbaga ni Jehova.
12Sica tumacderca ngarud, inca iti balaymo: ket intono dagiti sacam bumaddecda iti ili, ti ubing matayton.
13Ket amin nga Israel agdung-awdanto gapu kencuana, ket isu itabondanto: ta ken Jeroboam isu laeng ti dumtengto iti tanem, agsipud ta iti balay ni Jeroboam nasaracan ti dadduma a naimbag a banag a maiturong ken Jehova, ti Dios ti Israel.
14 #
1 Ar. 15:27, 29. Maysa pay ni Jehova mamatacderto kencuana ti maysa nga ari iti Israel, isu a mangipusayto ti balay ni Jeroboam iti daydiay nga aldaw: ngem ania? uray ita.
15Ta ni Jehova cabilennanto ti Israel, a cas maysa a badobadoc a malugayug iti danum; ket #Deut. 29:28.isu parutennanto ti Israel iti daytoy #Jos. 23:15, 16.naimbag a daga isu nga intedna cadagiti ammada, ket iwarasnanto ida iti #2 Ar. 15:29.ballasiw ti Carayan, #Ex. 34:13.agsipud ta isuda inaramidda dagiti Asherahda, a pinanggargarida nga agpungtot ken Jehova.
16Ket isu baybay-annanto ti Israel a gapu cadagiti basol ni Jeroboam, #1 Ar. 15:30, 34; 16:2, 13. 2 Ar. 3:3; 10:29; 23:15.isu a nacabasolanna, ken isu a pinamagbasolna iti Israel.
17Ket ti asawa ni Jeroboam timmacder, ket nagawid, ket napan sadi #Jos. 12:24. 1 Ar. 15:21, 33; 16:6, 8.Tirsa: ket idi nacagteng iti dapian ti balay, ti ubing natay.
18Ket amin nga Israel isu ti intabonda, ket dinungdungawanda, a cas iti sao ni Jehova, isu a sinaona iti pannacaaramat ni adipenna nga Ahias a mammadto.
19Ket ti matda cadagiti aramid ni Jeroboam, #2 Cron. 13:2-20.no casano ti pannakigubatna, ken no casano ti panagarina, adtoy, isuda addada a naisurat iti libro dagiti cronicas dagiti ar-ari ti Israel.
20Ket dagiti al-aldaw a panagari ni Jeroboam duapulo ket dua a tawen: ket isu nakiturog cadagiti ammana, ket ni Nadab nga anacna nagari iti saadna.
21Ket ni Roboam nga anac a lalaki ni Salomon nagari idiay Juda. Ni #2 Cron. 12:13.Roboam agtawen iti uppat a pulo ket maysa idi mangrugi nga agari, ket isu nagari iti sangapulo ket pito a tawen sadi Jerusalem, ti ili a #1 Ar. 11:13, 32, 36.pinili ni Jehova cadagiti amin a caputotan ti Israel, tapno icabilna ti naganna sadiay: #bil. 31.ket ti nagan ni inana Naama nga Ammonita.
22 #
2 Cron. 12:1. Ket ti Juda inaramidna daydi a dakes iti imatang ni Jehova, ket #Deut. 32:21. Sal. 78:58. 1 Cor. 21:17.isu ginargarida a nagimon cadagiti basbasolda nga inaramidda, a nacarcaro ngem amin cadagiti inaramid dagiti ammada.
23Ta isuda met namangonda a maipaay cadacuada cadagiti #Deut. 12:2. 2 Ar. 16:4; 17:9, 10. Jer. 2:20.nangato a disso, ken monmonmon, ken Asherah, iti tumunggal nangato a turod, ken iti #Isa. 57:5.siroc ti tumunggal narucbos a cayo;
24 #
Deut. 23:17. Ket adda met dagiti sodomitas iti daga: isuda inaramidda ti mayannurot iti amin a kinarimon dagiti nasnacion a pinagtalaw ni Jehova iti sango dagiti annac ti Israel.
25Ket naaramid iti maicalima a tawen ni ari Roboam, a ni #1 Ar. 11:40.Sisac nga ari sadi Egipto simmang-at a bumusor iti Jerusalem;
26 #
2 Cron. 12:9, 11. Ket isu innalana dagiti gamgameng ti balay ni Jehova, ken dagiti gamgameng ti balay ti ari; isu innalana amin met laeng: ken isu innalana amin dagiti calcalasag a balitoc #1 Ar. 10:17.nga inaramid ni Salomon.
27Ket ni ari Roboam nagaramid iti lugar dagidiay cadagiti calcalasag a gambang, ket isuda dagiti incumitna cadagiti imima dagiti cacapitan ti agbantay, nga agaywan idi iti ruangan ti balay ti ari.
28Ket casta idi, nga iti masansan a ti ari simrec iti balay ni Jehova, isuda dagiti itugotda, ket isuda dagiti isublida iti siled ti agbantay.
29 #
2 Cron. 12:13. Ket ti matda cadagiti aramid ni Roboam, ken amin nga inaramidna, saanda aya a naisurat iti libro dagiti cronicas dagiti ar-ari ti Juda?
30Ket adda idi #1 Ar. 12:21-24; 15:6.gubat ni Roboam ken ni Jeroboam a cancanayon.
31Ket ni Roboam nakiturog cadagiti ammana, ket isu naitabon a nainayon cadagiti ammana iti ili ni David: #bil. 21.ket ti nagan ni inana Naama nga Ammonita. Ket ni #2 Cron. 12:13. Mat. 1:7.Abiam nga anacna nagari iti saadna.
Currently Selected:
I AR-ARI 14: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
