NEHEMIAS 10
10
1Ang mga nagpat-in amo si Nehemias nga pangolo-puud, ang lalaking anak ni Hacalias, si Sedequias, 2si Seraya, si Azarias, si Jeremias, 3si Pasur, si Amarias, si Malquias, 4si Hatus, si Sebanias, si Maluc, 5si Harim, si Meremot, si Obadias, 6si Daniel, si Gineton, si Baruc, 7si Mesullam, si Abias, si Miamim, 8si Maazias, si Bilgai, Si Semaya; ini sila mga sacerdote. 9Kag ang mga Levinhon; si Jesua nga lalaking anak ni Azanias, si Binui gikan sa mga lalaking anak ni Henadad, si Cadmiel; 10kag ang ila mga utud, si Sebanias, si Hodias, si Kelita, si Pelaya, si Hanan, 11si Mica, si Rehob, si Hasabias, 12si Zacur, si Serebias, si Sebanias, 13si Hodias, si Bani, si Beninu. 14Ang mga puno sang katawohan: si Paros, si Pahat-moab, si Elam, si Zatu, si Bani, 15si Buni, si Azgad, si Bebai, 16si Adonias, si Bigvai, si Adin, 17si Ater, si Ezequias, si Azur, 18si Hodias, si Hasum, si Bezai, 19si Harif, si Anatot, si Nebai, 20si Magpias, si Mesullam, si Hesir, 21si Mesezabel, si Sadoc, si Jadua, 22si Palatias, si Hanan, si Anaya, 23si Oseas, si Hananias, si Hasub, 24si Hallohes, si Pilha, si Sobec, 25si Rehum, si Hasabna, si Maaseya, 26si Ahias, si Hanan, si Anan, 27si Malluc, si Harim, si Baana.
28Ang nabilin sang katawohan, ang mga sacerdote, ang mga Levinhon, ang mga manugbantay sang gawang, ang mga manug-amba, ang mga Netinim, kag ang tanan nga nagpain sang ila kaugalingon nga sa kasogoan sang Dios gikan sa mga katawohan sang mga duta, ang ila mga asawa, ang ila mga anak nga lalaki, ang ila mga anak nga babayi, ang tagsatagsa nga may ihibalo kag paghangup, 29nagtingub sila sa ila mga utud, sa ila mga dungganon, kag nagpasakup sa pagpakamalaut kag sa pagsumpa sa paglakat sa kasogoan sang Dios nga ginhatag paagi kay Moises nga alagad sang Dios, kag sa pagbantay kag sa paghimo sang tanan nga sogo sang Ginoo nga amon Ginoo kag sang iya mga pagsolondan kag sang iya mga palatukuran. 30Indi kami maghatag sang amon mga anak nga babayi sa mga katawohan sang duta ukon magkuha sang ila mga anak nga babayi nga sa amon mga anak nga lalaki;#Ex. 34:16; Deut. 7:3. 31kag kon ang mga katawohan sang duta magdala sing mga inugbaligya ukon bisan ano nga uyas sa adlaw nga inugpahuway, indi kami magbakal sa ila sa adlaw nga inugpahuway ukon sa adlaw nga balaan; kag paligaron namon ang ikapito nga tuig#Ex. 23:10-11; Lev. 25:1-7. kag ang pagsukut sang tagsatagsa ka utang.#Deut. 15:1-2.
32Naghimo man kami sing mga pagsolondan nga sa amon sa pagpabayad sang amon kaugalingon tuigtuig sang ikatlo nga bahin sang siclo nga sa pag-alagdan sang balay sang amon Dios:#Ex. 30:11-16. 33nga sa tinapay nga pahayag, sa dalayon nga halad-nga-kalan-on, sa dalayon nga halad-nga-sinonog, sa mga adlaw nga inugpahuway, sa mga lati, sa pinat-ud nga mga piesta, sa balaan nga mga butang, kag sa mga halad-tungud-sa-sala sa paghimo sing katumbasan tungud sang Israel, kag sa tanan nga buluhaton sang balay sang amon Dios. 34Nagpapalad man kami, ang mga sacerdote, ang mga Levinhon, kag ang katawohan, nga sa dolot-nga-gatong, sa pagdala sini sa balay sang amon Dios, sono sa amon mga kabaranggayan, sa pinat-ud nga mga tion, tuigtuig, sa pagsonog sa halaran sang Ginoo nga amon Dios, sono sa nasulat sa kasogoan. 35Amon katungdanan ang pagdala sang nahauna nga mga bunga sang amon duta kag sang nahauna nga mga bunga sang bug-os nga bunga sang tanan nga bagay sang mga kahoy, tuigtuig, sa balay sang Ginoo;#Ex. 23:19; 34:26; Deut. 26:2. 36ang panganay man sang amon mga anak nga lalaki kag sang amon kahayupan, sono sa nasulat sa kasogoan, kag ang mga panganay sang amon kabakahan kag sang amon mga panong, sa pagdala sa balay sang amon Dios, sa mga sacerdote nga nagaalagad sa balay sang amon Dios;#Ex. 13:2. 37kag ang pagdala sang nahauna nga mga bunga sang amon linamas, kag sang amon mga halad-nga-binayaw, sang bunga sang tanan nga bagay sang mga kahoy, sang bag-o nga alak kag sang lana, sa mga sacerdote, sa mga hulut sang balay sang amon Dios; kag sang mga ikapulo sang amon duta#Num. 18:21. sa mga Levinhon, kay ang mga Levinhon nagakuha sang mga ikapulo sa tanan nga banwa sang amon pinangumahan. 38Kag ang sacerdote, lalaking anak ni Aaron, magaupud sa mga Levinhon kon ang mga Levinhon magkuha sang mga ikapulo; kag ang mga Levinhon magadala sang ikapulo sang mga ikapulo#Num. 18:26. sa balay sang amon Dios, sa mga hulut, sa balay sang bahandi. 39Kay ang katawohan sang Israel kag ang mga lalaking anak ni levi magadala sang halad-nga-binayaw gikan sa uyas, gikan sa bag-o nga alak, kag gikan sa lana sa mga hulut, sa diin ang mga gamit sang santuario, kag ang mga sacerdote nga nagaalagad, kag ang mga manugbantay sang gawang kag ang mga manug-amba. Indi namon pagbayaan ang balay sang amon Dios.
Currently Selected:
NEHEMIAS 10: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
